Pengkitanna Yahya 9:4 - Alkitab Duri

⁴ Apa tangdieloran nggajatan reu, garonto' kaju na tananan laen. Ia mandara la nasessa to tau te'da tanda jio mai Puang Allataala jio kidena.

Pengkitanna Yahya 9:4 Referans Kwoze

Pengkitanna Yahya 14:1

Mengkitana' na ia to Anak Bembala' ke'deh jao Buntu Sion. Den tau nasolan saratuh patang pulo a'pa' sa'bu to pada den sangan-Na Anak Bembala' sola sangan-Na Ambe'-Na Puang Allataala diuki' jio kidena.

Pengkitanna Yahya 8:7

Ia to malaeka' bungahna mpannoni tarompe'na, nata'pa uran batu sola api sirau rara liwa' rambak. Sangtawa tallunna cappu' nakande api to lino sola garonto' kaju, na ia to reu cappu' ngasan.

Pengkitanna Yahya 6:6

Angkusa'ding gamara susi to mangkada lan mai tangnga-tangngana joo a'pa' olok-olok nakua, “Sangsuka' gose' laen rupanna na tallung suka' gose' laen o rupanna siangga' gaji sangngallo. Apa danggi' nadigajatan to garonto' zaitun sola anggoro'!”

Efesus 4:30

Danggi' mipugaukki to apa ssussai Roh Allataala to torro lan kalemi. Ingaranni kumua ia to katorroan-Na lan kalemi, iamo buttinna kumua umma'-Namo kamu' Puang Allataala. Na Iamo la mikanassai kumua la napasalama' kamu' Puang Allataala jio mai pangsessa ke Kiama'mi lino.

Matius 24:24

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

Pengkitanna Yahya 7:1

Mangkai joo too ngkitana' a'pa' malaeka' ke'deh jio sulapa'na lino. Pada natampangngi to angin, danggi' namangngiri' jao gantanan, jiong tasik ba'tu jio garonto' kaju.