Pengkitanna Yahya 8:3 - Alkitab Duri

³ Den mesa' malaeka' laen male mbawa mangko' bulawan, nake'deh siandah meja dupa to dikabua' too jio mai bulawan. Liwa' buda dupa dibenni, la napasiraui passambajangna sola pangpakala'biranna sininna umma'-Na Puang Allataala. Napajaoi meja dupa jio olona cadokkoan mala'bih lan tangnga-tangnga, napassompan lako Puang Allataala.

Pengkitanna Yahya 8:3 Referans Kwoze

Pengkitanna Yahya 5:8

Ia tonna alami, ia to a'pa' olok-olok sola to duang pulo a'pa' tomatua-tua suju' ratu do' litak jio olona joo Anak Bembala'. Pada sitoe cu'bekan sola mangko' bulawan nanii dupa. Ia joo dupa, iamo passambajangna umma'-Na Puang Allataala.

Pengkitanna Yahya 8:4

Na ia joo rambu dupa sirau passambajangna sola pangpakala'biranna umma'-Na Puang Allataala, tindak de' olo-Na Puang Allataala.

Lukas 1:10

Ia tonna ntunu kamanynyang, ia to tobuda massambajang jio salean.

Pengkitanna Yahya 9:13

Ia to malaeka' mangpennannan mpannoni tarompe'na, angkusa'ding gamara jio mai a'pa' tetukkuna to meja dupa jio olo-Na Puang Allataala,

Ibrani 9:4

Den meja disapu' bulawan jio, to dipade'i pangdupan. Na den too mesa' patti disanga Patti Kasibassean to disapu' ngasan bulawan. Lan joo patti den kurin bulawan to nanii kande disanga manna, tekkenna imang Harun to mentarukmo tonna anu', na dua papan batu to dinii nnuki' sangpulo parenta-Na Puang Allataala.

Ibrani 7:25

Iamo joo na te'da lalo natorroii mpasalama' tau to mangngolo lako Puang Allataala mpau sangan-Na, sanga tuo tarruhhi la mpangkadananni lako Puang Allataala.

Roma 8:34

Te'da ia tau ngkullei ncallaki', sanga Puang Isa Almaseh la mpangkadananki'. Iamo to mangka mate, natuo pole' na cumadokkomo sola Puang Allataala.

Amos 9:1

Kukitai to Puang Allataala ke'deh siandah ngenan passompan Namangkada Nakua, “Peandongngii pa'tong to tampak ariri bola-Ku' jaoanna natiroge ratu do' batu aririnna, naro'pokkii to tau lan namate. Na ia to te'da namate, la mate lan kapararian, moi mesa' te'da la nasala.

Pengkitanna Yahya 7:2

Ia joo malaeka' napakuasa toomo Puang Allataala la ssolangan gantanan na tasik. Ta'pa ngkita omo' malaeka' laen ratu jio mai kadellekan, mbawai ca'na Puang Allataala to tuo. Ia joo malaeka' mane' ratu, ntambaii to a'pa' malaeka'

Pengkitanna Yahya 6:9

Ia tonna piakki to segel mangpellima, ta'pa kukitami bombona to tomangka dibuno, nasaba' mpangpeissenanni kadan-Na Puang Allataala sola mpaui kasa'bianna. Ia tuu lako bombo jioi do'na to ngenan pangkaroban

Pengkitanna Yahya 10:1

Ngkita omo' mesa' malaeka' laen mawatang mellao jao mai suruga naputu' saleu' mpake mahkota tarauwe. Na lindona mangngarrang susi allo, na ia to ajena mangngarrang too susi api.

Pengkitanna Yahya 8:5

Namane' nnalai to kuaro jio mai meja pangdupan napado'i mangko' bulawan napellekkosanni tama lino. Anna sigalunturan to galugu, sipellepa'-leparan to kila' na nino.

Pengkitanna Yahya 14:18

Mangkai joo too, den malaeka' to ngkuasai api messun jio mai to ngenan pangkaroban, metamba ngkuanni joo malaeka' ntoe sae' gaja taran nakua, “Passaetanmi tuu sae'mu, sae'mi to anggoro' do' lino, sanga matasakmi.”