Pengkitanna Yahya 21:7 - Alkitab Duri

⁷ Ia to topatalo la kuben joo barakka'. La menjajina' Puangna, na ia menjaji anak-Ku'.

Pengkitanna Yahya 21:7 Referans Kwoze

2 Korintus 6:18

La mupuambe'na', na iko la kupuanak. Susimi tee kadan-Na Puang to makuasa.”

Ibrani 8:10

Iamo tee basse la kupaden sola to-Israel to wattu la dioloi lako: la kupallan pikkirisanna to atoran-Ku', na kuuki'i lan penawanna. Aku' Puang Allataala to la nasompa, na ia la kupupenjaji umma'-Ku'.

Pengkitanna Yahya 21:3

Angkusa'ding gamara jio mai cadokkoan mala'bih metamba nakua, “Ia to nanii mari'pih Puang Allataala lanmi tangnga-tangngana tolino. Ia to Puang Allataala torro solami tolino na ia to tolino menjaji umma'-Na, na Puang Allataala menjaji Puangna.

Pengkitanna Yahya 2:11

Ia to tomangpesa'ding la naingaran to apa napau Roh Allataala lako jamaa. Na ia to topatalo, te'damo nalamentama naraka to disanga too kamatean mangpenduan.”

Matius 25:34

Mangkai joo too kukuamo lako to jio sa'de kanan-Ku' kumua, ‘Malemo kamu' mai sininna to tonabarakka'i Ambe'-Ku' Puang Allataala. Mentamamo kamu' kaparentan-Ku' to nang dipasadiamo sipamulanna lino.

Pengkitanna Yahya 2:17

Ia to tomangpesa'ding la naingaran to apa napau Roh Allataala lako jamaa. Na ia to topatalo la kueloran ngkande manna to tangdikita sola la kuben batu mabusa to kuuki'imo sanga baru to te'da naissenni tau laen mbacai, apa ia manda to tokuben.”

Matius 19:29

Ia to tossalaimo bolana, ba'tu sile'tona, tomatuanna, anakkana, ba'tu bara'bahna, nasaba' matappa'i lako Aku', la ntarimai pahalana manglokkon pessaratuh. Na la nnampa' toopa katuoan melo te'da cappa'na.

Pengkitanna Yahya 2:7

Ia to tomangpesa'ding la naingaran to apa napau Roh Allataala lako jamaa. Na ia to topatalo, la kueloran ngkandei buanna to garonto' kaju katuoan lan bara'bah Eden-Na Puang Allataala.”

Kada Bulawan 3:35

La ditaratte' to tomacca, apa tangdiangga' to tobattuk.

1 Petrus 3:9

Ia ke denni tau mpugauk kagajatan lako kamu', danggi' mipabalahhii. Na ia ke denni tau ngkada-kadai kamu', danggi' too mipabalahhii. La'bih melo ke mipassambajanganni lako Puang Allataala nabarakka'ii joo tompugauk kagajatan. Napilei kamu' Puang Allataala menjaji umma'-Na ammipeta'danni barakka' to padammi rupa tau. Ia ke mipugaukmi susi joo, la nabarakka'i toda kamu' Puang Allataala.

Pengkitanna Yahya 2:25

La da'tan bang mituru' to pangngajah miissenmo saratung-Ku' mati'.

Markus 10:17

Ia tonna patarruhmo kalingkan-Na Puang Isa, den mesa' tau ratu kinjara' mpendete'i, anna mengguntu' jio olo-Na, namekutana nakua, “Oo Guru, tomelo penawan-Ta'. Pauanna' apara to sipato' la kupugauk, angkuampa'i to katuoan melo te'da cappa'na?”

Matius 25:21

Nakuamo joo puangna, ‘Gaja kassing tuu panggaukanmu! Natatta' makassing to penawammu lako aku'. La kupabarakkanniko to la'bih matonggo, sanga wa'dingko dikatappa'i moi na panggaukan biccu'ra. Malemoko mai, taperasai kamasannangan sola!’

Roma 8:14

Ia to tonakuasai Roh Allataala, iamo disanga anak Allataala.

Roma 8:19

Sininna olok-olok na apa laen to napaden Puang liwa' mamali' ngasan ntajanni kumua piranpara napapajan ngasanni Puang Allataala to anakkana.

2 Korintus 6:16

Te'da kasiumputanna Bola Puang Allataala na bolana dewata! Na kita'mo Bola Puang Allataala to tuo, susi to napau Puang Allataala kumua, “La mari'pihna' sola tuu lako tau, na la torrona' lan tangnga-tangngana. La menjajina' Puang Allataala to nasompa, na ia tuu lako tau la menjaji umma'-Ku'.