Pengkitanna Yahya 21:5 - Alkitab Duri

⁵ Ia joo tocumadokko jao cadokkoan mala'bih mangkada nakua, “Kubarui ngasanmi.” Nakuan toopa', “Uki'i tee kada mangka kupau, sanga tongan nawa'ding dikatappa'i.”

Pengkitanna Yahya 21:5 Referans Kwoze

2 Korintus 5:17

Ia to memmesa' penawamo sola Almaseh, menjaji tau barumo. Lanynya'mi to masainna, anna menjaji baru ngasanmo.

Pengkitanna Yahya 19:9

Nakua joo malaeka' lako aku', “Uki'i tee: Masannang to toditambai lako joo pangmaroasan tobotting.” Namane' mangkada pole' nakua, “Ia tee kareba tongan pole jio mai Puang Allataala.”

Pengkitanna Yahya 22:6

Mangkada omi joo malaeka' lako aku' nakua, “Tongan tee kada mangka musa'ding, nawa'ding dikatappa'i. Puang Allataalamo mpangben Roh Allataala lako nabi, Iamo ssua malaeka'-Na la mpangpekitanni lako taun-Na apa to la jaji madoi'.”

Pengkitanna Yahya 20:11

Mangkai joo too ngkita omo' cadokkoan mala'bih mabusa na matonggo, na Puang Allataala cumadokko jao. Ia to langi' sola lino lanynya'i jio mai olo-Na nate'damo dikita.

Pengkitanna Yahya 4:2

Ta'pa nakuasaina' Roh Allataala, kumengkita walli, angkukita cadokkoan mala'bih jao suruga na den to cumadokko jao.

Pengkitanna Yahya 4:9

Ia tonna massompa, mangpakala'bih na mangkurru sumanga' susi joo lako Puang to cumadokko jao cadokkoan mala'bih lan tangnga, to tuo te'da cappa'na, ia joo duang pulo a'pa' tomatua-tua pada suju' ratu do' litak ssompai, napalenna'i to mahkota bulawanna lako olo cadokkoan-Na, namangkada nakua,

Pengkitanna Yahya 1:19

Iamo joo uki'i to apa mukitamo, to apa jajimo too, sola to apa la jaji.

Pengkitanna Yahya 1:11

Mangkadami nakua, “Uki'i lan sura' to apa mukita, ammukiringanni lako tee pitu jamaa, iamo to jamaa jio kota Efesus, Smirna, Pergamus, Tiatira, Sardis, Filadelfia, na Laodikia.”

Pengkitanna Yahya 5:1

Mangkai joo too ngkitana' mesa' sura' tilulun jio lima kanan-Na joo to cumadokko jao cadokkoan mala'bih lan tangnga. Ia joo sura' tilulun buda pangnguki' jiong, moi jio boko'na, nadisegel pitu.

Ibrani 12:27

Ia joo kada “pissenpa” mpamanassai kumua ia ngasan to apa mangka dipaden la diroge nadita'dei, anna ia mandamo torro to tangtirogena.

Pengkitanna Yahya 22:19

Na ianna den tau nnalaii pira' to pangpatujun-Na Puang Allataala lan tee sura', la naalai tooi Puang Allataala to tawana bua kaju mangpatuo, na te'da naeloranni mari'pih lan kota-Na to napau tee sura'.”

Lukas 5:38

Ia to anggoro' baru, la dipatama todapi pangpanian baru.