Pengkitanna Yahya 21:4 - Alkitab Duri

⁴ Puangmo la mpa'dii to wai matanna, na te'damo to disanga kamatean, asse penawa, killak, kamasakian, te'da lalomo ia. Ia to apa jolo ta'de ngasanmi.”

Pengkitanna Yahya 21:4 Referans Kwoze

Pengkitanna Yahya 7:17

nasaba' ia joo Anak Bembala', to ke'deh jio olona cadokkoan mala'bih, iamo la menjaji tomangrewana. Ia toomo la ssolanni lako wai mangkalimbuah. Na Puang Allataala la ssapuii to sininna wai mata kamasussanna.”

1 Korintus 15:26

Ia to ewali kaminang undinna nataloi, iamo to kuasa kamatean.

1 Yahya 2:17

Ia to lino sola issinna to takadoangngi la lanynya' ngasan. Apa ia to tompugauk pakkaeloran-Na Puang Allataala la tuo melo te'da cappa'na.

Matius 24:35

Ia to langi' sola lino la lanynya', apa ia to kadang-Ku' la tatta' te'da cappa'na.”

Pengkitanna Yahya 21:1

Ngkita omo' langi' baru sola lino baru. Ia to bungah langi' na bungah lino ta'demi, lanynya' toomi to tasik.

Pengkitanna Yahya 20:14

Na ia to tau te'da sanganna diuki' lan Sura' Katuoan dipenca'bean tama tasik api. Mangkai joo too te'damo kamatean, nasaba' dipenca'bean toomi to Kamatean sola Lino Tomate tama tasik api. (Ia tee tasik api, iamo kamatean mangpenduan.)

Pengkitanna Yahya 22:3

Te'da lalo ia to natampakki ropu Puang Allataala diampa' lan joo kota. Ia to cadokkoan mala'bih-Na Puang Allataala na Anak Bembala' la tatta' bang lan. Na ia to taun-Na la ssompai

2 Petrus 3:10

Apa manassamo kumua la ratu pole'i to Puang Isa. Na ia to karatuan-Na te'da nadikalannai susi karatuanna taboko. Ia joo wattu ia to langi' lanynya'i na nnumbuk, na ia to sininna apa jao langi' la cappu' disumpun. Na ia to lino na sininna apa lan la lanynya' ngasanni.

1 Korintus 7:31

Na ia to tonasarai sara' lan lino la butung to te'da apa ssaraii. Nasaba' ia tee lino, susi to takita tee too, te'damo namasai nalanynya'!

2 Korintus 6:17

Iamo joo salaii tuu lako tocia' matappa' lako Puang Allataala, messarak kamu' jio mai tuu lako tau. Danggi' lalo misitumbu to apa harang, angkuwa'ding ntarima kamu'.

2 Korintus 5:17

Ia to memmesa' penawamo sola Almaseh, menjaji tau barumo. Lanynya'mi to masainna, anna menjaji baru ngasanmo.

Ibrani 12:27

Ia joo kada “pissenpa” mpamanassai kumua ia ngasan to apa mangka dipaden la diroge nadita'dei, anna ia mandamo torro to tangtirogena.

Pengkitanna Yahya 20:13

Anna pasun ngasanmi tasik to tosabu' mate lan. Na ia to Kamatean sola Lino Tomate mpangben too tomatena. Na ia tuu lako tomate dira'tah kara-karana situru' panggaukanna.