Pengkitanna Yahya 21:2 - Alkitab Duri

² Kukitami to kota-Na Puang Allataala, iamo Yerusalem baru, mellao jao mai suruga, to nanii Puang Allataala. Ia joo kota mangkamo dipapakei susi tobotting baine sadia la ntammui tobotting muane.

Pengkitanna Yahya 21:2 Referans Kwoze

Ibrani 11:10

Natorro Nabi Ibrahim jio susi toratu lan tenda, sanga ntajanni anna torro lan kota tangmasolang to mangka napake'deh Puang Allataala situru' akkatta-Na.

Pengkitanna Yahya 3:12

Na ia to topatalo la kupenjaji ariri lan Bola-Na Puang-Ku', Puang Allataala anna la torro tarruh lan te'da cappa'na. La kuuki'i jio kalena joo tau to sangan-Na Puang-Ku', Puang Allataala, na sanga kota-Na, iamo Yerusalem baru to la mellao jao mai suruga jio mai Puang-Ku', Puang Allataala.

Pengkitanna Yahya 21:10

Nakuasaina' Roh Allataala, nabawana' joo malaeka' de' potok buntu majao. Najillokanna' kota-Na Puang Allataala, iamo to Yerusalem mellao jao mai suruga, to nanii Puang Allataala.

Ibrani 13:14

Sanga te'da kampong la tanii mari'pih lan tee lino, apa ntajanriki' kampong to la tanii mari'pih keanu'.

Ibrani 12:22

Ee, tomala'bihku', te'da miratu lako buntu susi joo. Sibalikanna ratumo kamu' lako Buntu Sion na kota-Na Puang Allataala to tuo, iamo to kota Yerusalem jao suruga to nanii massa'bu-sa'bu malaeka'-Na.

Pengkitanna Yahya 22:19

Na ianna den tau nnalaii pira' to pangpatujun-Na Puang Allataala lan tee sura', la naalai tooi Puang Allataala to tawana bua kaju mangpatuo, na te'da naeloranni mari'pih lan kota-Na to napau tee sura'.”

2 Korintus 11:2

Masussana' mpikkiri' kamu' susi masussanna Puang Allataala. Susi kamu' ana'dara, na aku'mo to nnatoro'i to kasitangkasanmi sola mesa' muane, iamo to Almaseh. Na madoangna' mbawa kamu' lako Almaseh susi mesa' baine to te'dapa nalambanni muane.

Pengkitanna Yahya 11:2

Apa danggi' omo musuka'i to rante saleananna, sanga ia joo saleanan mangkamo dipangben lako totangnnissenna'. Ia tuu mati' totangnnissenna' la ssolang-solangngi joo kota-Ku' kota Yerusalem patang pulo dua bulanna.

Pengkitanna Yahya 1:9

Ia tee aku', Yahya, padammi tomatappa'. Dipakario-rio todana' susi kamu', sanga umma'-Na todana' Puang Allataala. Iami joo napasabbara' todana' Puang Isa susi kamu'. Dipali'na' ntee pulau Patmos, sanga mpangpeissenanna' kadan-Na Puang Allataala sola mpauna' kasa'bianku' to curitanna Puang Isa.

Pengkitanna Yahya 1:4

Tomala'bihku' sola ngasan jio pitu jamaa inde' propinsi Asia! Dennaa upa' nabarakka'i kamu' Puang Allataala to den tee too, denmo tonna jolona, na den tarruh too, sola pitu roh jio olona cadokkoan mala'bih-Na Puang Allataala, na Puang Isa Almaseh, anna ben kamu' kamasannangan sola ngasan.

Pengkitanna Yahya 1:1

Ia to issinna tee sura' iamo to apa la jaji madoi'. Napaui Puang Allataala lako Puang Isa Almaseh anna Ia mpangpeissenanni lako taun-Na. Iami joo nasuai Almaseh to malaeka'-Na mpangpekitanni lako aku' Yahya kaunan-Na.

Yahya 3:29

Susinna jio pangmaroasan tobotting, tobotting muane ia to majao, sanga ia puangna tobotting baine. Ia to soba'na mesa' ke'deh nasikandoppitan, liwa' sannang ssa'dingngi to gamaranna tobotting muane. Ia tee aku' susira' soba'na tee tobotting muane. Liwa'na masannang tee too, nasaba' budamo tau ratu lako Puang Isa.

Ibrani 11:16

Apa ngkamali'ri mesa' tondok to la'bih melo, iamo joo tondok jao suruga. Na te'da namasiri' Puang Allataala ke nasangai Puangna, sanga denmo mesa' kota mangka napasadianni.

Pengkitanna Yahya 21:9

Mangkai joo too ratumi mesa' jio mai to pitu malaeka' ntoe isotan bulawan ponno cappa' pangsessa ngkuanna' nakua, “Maleko mai, kupakitanko tobotting baine-Na Anak Bembala'.”

Pengkitanna Yahya 22:17

Mangkadai Roh Allataala sola Tobotting Baine nakua, “Malemo kamu' mai!” Ia to tau ssa'dingngi tee, la mangkada todai nakua, “Male kamu' mai!” Inda-inda to mawakke, la maleri mai! Inda-inda to ngkadoangngii, la naalari joo wai mangpatuo to tangdialli.