Pengkitanna Yahya 20:4 - Alkitab Duri

⁴ Mangkai joo too ngkita omo' ba'tu pira-pira cadokkoan mala'bih, na ia to cumadokko jao diben kuasa mangra'tah kara-kara. Kukita tooi bombona to todile'toi ulunna, sanga mpangpeissenanni karebanna Puang Isa na kadan-Na Puang Allataala. Ia tuu lako tau te'da ia nasompai to olok-olok sola tau-taunna. Te'da too natarimai to tandana joo olok-olok to dipajio kide na lima. Tuo pole'i namangparenta sola Almaseh sangsa'bu taunna.

Pengkitanna Yahya 20:4 Referans Kwoze

Daniel 7:27

Na ia to kamangparentan, kakuasan sola kamala'biranna kaparentan lan sininna lino la dipangbengan lako umma'-Na Allataala Tomala'bih. Ia to kaparentanna la tarruh te'da anggena, na sininna tomakuasa la tatta' mpangjamanni na mangpesa'ding.’

Daniel 7:18

Apa Allataala Tomala'bih mbenni kuasa to umma'-Na mangparenta, na ia joo kaparentanna la tarruh te'da anggena.’

Matius 19:28

Nakuamo Puang Isa lako anak gurun-Na, “La miingaran tee kadang-Ku' kumua, lan Lino Barun-Na Puang Allataala, ia tee Aku', Anak Mentolino, la cumadokkona' jao cadokkoan kaminang mala'bih! Iamo joo wattu milacumadokko toda jao sangpulo dua cadokkoan mala'bih la mparenta sangpulo dua pangrapuanna to-Israel.

Pengkitanna Yahya 6:9

Ia tonna piakki to segel mangpellima, ta'pa kukitami bombona to tomangka dibuno, nasaba' mpangpeissenanni kadan-Na Puang Allataala sola mpaui kasa'bianna. Ia tuu lako bombo jioi do'na to ngenan pangkaroban

Pengkitanna Yahya 3:21

Ia to topatalo kueloran cumadokko jio sa'de-Ku' jao cadokkoan mala'bih-Ku' mangparenta. Susi Aku' patalomo' na cumadokkomo' sola Ambe'-Ku' jao cadokkoan mala'bih-Na kumangparenta sola.

2 Timotius 2:12

Ia ke tatta'ki' sabbara', la mangparentaki' sola Almaseh. Ia ke tapessakkannii, la napessakkanni todaki'.

Daniel 7:22

Apa ratumi Puang to tuo te'da anggena Napattantui kumua te'da ia na sala to umma'-Na Allataala Tomala'bih. Jaji nadete'mi wattunna la mangparenta to umma'-Na Allataala.

Pengkitanna Yahya 20:6

Masannang to tau to bungahna dipatuo pole'. Sipato'mo ia naputau Puang Allataala. Te'damo ia naladipatama naraka, iamo disanga kamatean mangpenduan. Apa la menjajimi imang-Na Puang Allataala, imang-Na Almaseh na la mangparenta sola sangsa'bu taunna.

Daniel 7:9

Kupematai tarruhhi, naden to ba'tu pira-pira to cadokkoan mala'bih dipasadia. Namane' cumadokko to Puang tuo tarruh te'da anggena la rra'tah kara-kara. Ia to bajunna sola beluakkana mabuccang susi kapah. Na ia to cadokkoanna na rodana dukku-dukku susi api.

Lukas 22:30

antamasannang sola, ke menjaji Rajamo'. Na la cumadokko kamu' jao sangpulo dua cadokkoan mala'bih la mparenta sangpulo dua pangrapuanna to-Israel.”

Pengkitanna Yahya 22:5

Te'damo naparallu naarrang lampu ba'tu allo, nasaba' masiang tarruh bang ia, te'da disanga bongi. Puang Allataala Ia nnarrangngi. Ia tuu lako tau la mangparenta susi raja te'da cappa'na.

Pengkitanna Yahya 12:11

Mangkami nataloi padanta' tomatappa' mpake rara-Na Anak Bembala' ba'tu rara-Na Puang Isa na Kareba Kasalamatan to mangkamo napangpeissenan. Te'da najampangngi sunga'na moi na la mpumatei.

Pengkitanna Yahya 1:9

Ia tee aku', Yahya, padammi tomatappa'. Dipakario-rio todana' susi kamu', sanga umma'-Na todana' Puang Allataala. Iami joo napasabbara' todana' Puang Isa susi kamu'. Dipali'na' ntee pulau Patmos, sanga mpangpeissenanna' kadan-Na Puang Allataala sola mpauna' kasa'bianku' to curitanna Puang Isa.

Roma 8:17

Ia ke anak Allataalamiki', wa'dingmiki' la ntarima barakka'-Na Puang Allataala sola Almaseh. Na ia ke mperasaiki' parri' tee too susi Almaseh tonna tee, la dipakala'bih todaki' sola Almaseh.

Pengkitanna Yahya 15:2

Mangkai joo too ngkita omo' sali maluah susi cammin sirau api, naden tau ke'deh jio randanna. Ia tuu lako tau mangka ntaloi to olok-olok to digaragan tau-taunna to den nomoro' mpamanassai to sanganna. Ia joo topatalo ntoe cu'bekan-Na Puang Allataala,

Pengkitanna Yahya 14:11

Ia to rambunna joo api pangsessa la endek tarruh bang de' te'da cappa'na, nasaba' te'da ka'tunna disessa tarruh bang joo tau allo-bongi. Iamo to tossompai joo olok-olok sola tau-taunna na to tompake tanda sanganna.”

Pengkitanna Yahya 11:7

Ia ke mangkami mpangpeissenan pepasan-Na Puang, naewami mesa' olok-olok messun jiong mai posi' tana, apa taloi, nadibuno.

Yahya 14:19

Cingga'tu'mora na te'damo nakitana' tolino. Apa ia to kamu' la mikitana'. La tuo kamu', nasaba' tuona'.

Daniel 2:44

Mangkamo takita to batu lan tindota', to kumua te'da ia tau rrumbui, na tilu'bak jao mai buntu, nabasai nasisarambuan joo patung to dikabua' jio mai bassi, tambaga, litak pitti', salaka na bulawan. Battuananna: ia tonna mangparenta unapa to raja, ia to Allataala jao suruga la mpaden kaparentan tatta' te'da anggena, na te'da lalo ia to bangsa la ntaloi. Kaparentan iamo joo la nnancuru'i joo appa' kaparentan. Napangpeissenanni Allataala Tomala'bih lako kita' to apa la dioloi lako. Ia joo tindo wa'ding dikatappa'i, na ia to battuananna kupau tongan.”

Pengkitanna Yahya 17:8

Ia tuu olok-olok mukita denmo natuo tonna anu', apa matemi too. Na cingga'tu'mora naendek jiong mai posi' tana, apa la dicallai te'da cappa'na. Ia to totuo lan lino to te'da nadiuki' sanganna lan Sura' Katuoan tonna te'dapa nadipaden tee lino, la jangngah ngkitai, sanga ia joo olok-olok tuomo jolona, na matemo, o naden pole' omi.

Pengkitanna Yahya 11:15

Mangkai joo too ia to malaeka' mangpempitu mpannoni tarompe'na, naden gamara liwa' tonggo disa'ding jao suruga nakua, “Mammula tee too ia to lino menjajimi kadatuan-Na Puangta' Puang Allataala sola Raja Mangpasalama' to mangkamo napilei la mangparenta te'da cappa'na.”

Pengkitanna Yahya 11:11

Ia tonna tallung allomo sitangnga, ratumi to roh la mangpatuo jio mai Puang Allataala, namentama pole' kalena joo dua sa'bi anna tuo. Ta'pa mi'cikki nake'deh anna gaja laja' to sininna tau ngkitai.

Pengkitanna Yahya 11:3

Ia joo wattu la ssuana' dua sa'bing-Ku' to mangpakean kamasussan mpangpeissenan pepasan-Ku' sangsa'bu dua ratuh annan pulona allona ba'tu patang pulo dua bulanna.”

Roma 11:15

Ia ke sikalino pole'i Puang Allataala sola to bangsa tangngia to-Yahudi, nasaba' mangka mboko'i Puang Allataala to to-Yahudi, apa pole'raka ke ditarima pole'i, butung to tomate tuo pole'!

Lukas 1:17

Na la menjaji pesuro matappa'-Na Puang Allataala, na dipakuasa susi Nabi Elia. La napasikalinoi to ambe' na anakkana. Na ia to totangkainawa naajahhi mangtangngah susi tomelo penawa. Susimo joo napasadiai to tau ntarima Puang.”

Markus 9:11

Mekutanami to anak gurun-Na lako Puang Isa nakua, “Matumbai pale' nakua to guru agama, kumua la ratui jolo to Nabi Elia?”

Markus 6:27

Ta'pa nasuami to pangbaraninna male lako pangtarungkuan lle'toi to ulunna Nabi Yahya.

Markus 6:16

Ia tonna sa'dingmi Raja Herodes to ianna joo nakuamo, “Tonganna Nabi Yahya Ia, to mangka kupangpele'toan ulunna na tuo pole'.”

Matius 24:10

Ia joo wattu buda tau la balik mentangmatappa', na la mpangpejokkoan solana na sikaba'ci too.

Lukas 14:14

Na la dibarakka'i kamu', nasaba' ia tuu lako tau te'da nalangkullei mpabalahhii to kameloanmi. La miampa' to pahalami jio mai Puang Allataala, ke wattunnami to tomelo dipatuo pole' jio mai kamatean.”

Pengkitanna Yahya 1:2

Kuuki'mi sininna to apa kukita. Na inde'mi to pengkitangku'. Iamo joo pepasan-Na Puang Allataala na kasa'bian-Na Puang Isa Almaseh.

Pengkitanna Yahya 2:26

Na ia to topatalo, to da'tan bang mpugaukki to pakkaeloran-Ku' ratu lako cappa'na la kuben kuasa mparenta buda bangsa.

Pengkitanna Yahya 4:4

Na ia to mengguririkkina joo cadokkoan mala'bih, denpa duang pulo a'pa' cadokkoan laen, nanii cumadokko duang pulo a'pa' tomatua-tua mangpakean mabusa na mpake mahkota bulawan.

Pengkitanna Yahya 7:3

nakuanni, “Danggi'pa jolo' misolanganni to gantanan, tasik ba'tu garonto' kaju ke te'dapi kibenni tanda kidena tuu mati' taun-Na Puangta' Puang Allataala.”