Pengkitanna Yahya 20:1 - Alkitab Duri

¹ Mangkai joo too ngkita omo' malaeka' mellao jao mai suruga ntoe goncing lako lalan posi' tana sola rante liwa' tonggo.

Pengkitanna Yahya 20:1 Referans Kwoze

Pengkitanna Yahya 1:18

Aku'mo to tuo! Mangkamo' mate, apa tuo pole'mo' te'da cappa'na. Ngkuasaina' kamatean sola lino tomate.

2 Petrus 2:4

La jajii susi joo, nasaba' te'da natangssessai Puang Allataala to malaeka' madosa, apa napembuanganni tama naraka, napatamai posi' tana malillin, to dinii ntarungkui arannai nadete' to wattu nanii Puang Allataala rra'tah kara-karana.

Yudas 1:6

Ingaran tooi to malaeka' tonna anu'. Den ba'tu pira-pira malaeka' cia' ntarimai to kuasa nabenni Puang Allataala, nasalaii to ngenanna jao suruga. Narantei Puang Allataala joo malaeka' te'da cappa'na, napatamai pangtarungkuan kaminang malillin sanadete'na Kiama' to lino to nanii Puang Allataala rra'tah kara-karana.

Pengkitanna Yahya 18:1

Mangkai joo too ngkita omo' malaeka' laen mellao jao mai suruga. Nnampui kuasa matonggo, nnarrangngi sininna lino.

Pengkitanna Yahya 10:1

Ngkita omo' mesa' malaeka' laen mawatang mellao jao mai suruga naputu' saleu' mpake mahkota tarauwe. Na lindona mangngarrang susi allo, na ia to ajena mangngarrang too susi api.

Lukas 8:31

Meta'dami tuu lako setang lako Puang Isa kumua, danggi' naula'i tamai posi' tana to gaja dalan.

Pengkitanna Yahya 20:3

Namane' pembuanganni joo naga do' posi' tana, nagoncingngi to lalan, nasegel tooi sangsa'bu taunna, danggi' napalao sala bangsa lan lino, ke te'dapi naangge to wattu sangsa'bu taunna. Mangkai joo too la dila'paranni cingga'tu'.