Pengkitanna Yahya 2:9 - Alkitab Duri

⁹ Kuissen to kamasussanmi na kamakario-rioanmi apa sitonganna sugih kamu'. Kuissen too to kada gaja' to naanggasan kamu' tuu mati' to ssanga kalena to-Yahudi apa te'da natongan, sanga umma'na ia Ballisi'.

Pengkitanna Yahya 2:9 Referans Kwoze

Pengkitanna Yahya 3:9

Pesa'dingngii tee! Ia to umma'na Ballisi' to ssanga kalena to-Yahudi apa tomangnguragara, la kubawai ratu ssuju' kamu', anna akui tooi kumua tokupakamoja' kamu'.

2 Korintus 8:9

Miissen kumua gaja napakamoja' kamu' Puangta' Puang Isa Almaseh. Sugih Ia, apa mpupengkaasi-asii kalena nasaba' kamu', anna ia joo kakaasi-asian-Na mpupessugih kamu'.

Roma 9:6

Tangjajiraka basse-Na Puang Allataala, nasaba' buda to-Israel te'da namatappa'? Te'da, nasaba' te'da na sininna to-Israel to napilei Puang Allataala.

2 Korintus 6:10

Tuli mariokan, moi kiperasai kamasussan. Mpasugihmokan barakka' kasalamatan lako tobuda, moi susikan tokaasi-asi dikita. Sitonganna kiampui ngasan to sininna apa, moi susikan tote'da lalo apa kiampui.

1 Timotius 6:18

Kuanni na mpugauk kameloan lako padanna rupa tau, mamase na malaboh.

Lukas 4:18

“Nakuasaina' Roh Allataala, nasaba' naangka'mo' la mpangpeissenan Kareba Kasalamatan lako tokaasi-asi. Nasuamo' mpangpeissenan kadila'paran lako toditarungku, mpapakita tobuta, lla'paran todipandasa.

Pengkitanna Yahya 2:2

Kuissen to panggaukanmi. Tangmengkabo'jo' kamu' mangjama miliwa' sabbara'. Kuissen kumua tangmikabudai to tompugauk kagajatan. Miparessamo to tau ssanga rasulu' kalena na miampa'mo kumua sitonganna tomangnguragara.

Lukas 6:20

Nakitami Puang Isa to tomenturu' lako kale-Na namangkada nakua, “Masannang kamu' tokaasi-asi, nasaba' kamu'mo umma'-Na Puang Allataala.

Roma 12:12

Pesannangngii penawammi nasaba' tomangrannuan kamu' lako Puang Allataala. Sabbara' kamu', ke nakanna kamu' kamasussan, ammimassambajang tarruh bang.

Roma 5:3

Te'da na ia manda joo, apa mario tooki', moi nakannaki' kamaparrisan, nasaba' taissen kumua kamaparrisan mpamawatangki',

1 Timotius 1:13

moi kupau gaja'i tonna jolona angkupakario-rioi to tonturu'i. Apa nakamaseina' Puang Allataala, sanga ia joo wattu te'da kuissenni to apa kupugauk, nasaba' te'dapa kumatappa'.

1 Tesalonika 3:4

Ia tontasola unapa, kipauan jolomo kamu' kumua la maparri'ki'. Tongan joo kada sanga mangkamo taperasai to parri'.

2 Korintus 8:2

Da'tanni mario, moi namangkamo mperasai kamasussan la'da'. Malaboh mangpangben ntulung tolaen, moi naliwa' kaasi-asi.

Roma 8:35

Te'da ia apa ngkullei hhalangngi Almaseh mpakamoja'ki'. Moi kamasussan, kamaparrisan ba'tu kadipakario-rioan, katangbarasan, kakaasi-asian, kamacilakan, ba'tu kamatean te'da nakullei mpupessarakki' jio mai pangpakamoja'-Na Almaseh.

Pengkitanna Yahya 7:14

Kupebalii kukua, “Ie', te'da kita' kuissenni. Kita'ra la'bih nnissenni.” Nakuamo joo tomatua-tua ngkuanna', “Iamo tee mai to tosalama' jio mai pangsessa gaja parri'. Mangkami ssassa' pakean malandona mpake rarana Anak Bembala' namabusamo.

Lukas 22:65

Budapa kada pangcapa' nakuanni.

Lukas 12:21

Susimi joo katuoanna to tau nnangaran kasugiran kalena lan lino, apa situru' Puang Allataala tangngia kasugiran tongan joo.”

Roma 2:17

Na ia tee too, ia to kamu' to-Yahudi, apara to nasanga penawammi? Ssangamo kamu' kalemi to-Yahudi. Mipikkiri'i kumua la salama'mo kamu', nasaba' dibenmo kamu' to atoranna Nabi Musa. Na mipumajao penawai, nasaba' disanga kamu' umma'-Na Puang Allataala.

Jamanna Rasulu' 26:11

Pembudana' ssessai lan bola passambajangan, kuparukui napessakkanni pole'i to Puang Isa. Tanda kamapallanku' lako, angkumale ntiroi moi jio kota laen.”

Jamanna Rasulu' 14:22

Napamawatang ngasan penawanna to tomatappa' lan simesa'-mesa' kota, dikua anna tatta' to kamatapparanna. Nakuanni, “La buda kamaparrisan diolai, tamane' mentama Lino Barun-Na Puang Allataala.”

Yahya 16:33

Kupauan ngasanmo kamu' tee, ammiampa' kamasannangan nasaba' memmesa'mo kamu' sola Aku'. La maparri' kamu' dipakario-rio lan lino. Apa pemawatangngii penawammi, nasaba' mangkamo' ntaloi kuasanna lino.”

Matius 4:10

Mebalimi nakua, “Ee Ballisi', malaiko! Den diuki' lan Sura' Allataala kumua, ‘La ssompako Puangmu, Puang Allataala, na Ia manda to la mupu-Puang.’ ”

Pengkitanna Yahya 1:9

Ia tee aku', Yahya, padammi tomatappa'. Dipakario-rio todana' susi kamu', sanga umma'-Na todana' Puang Allataala. Iami joo napasabbara' todana' Puang Isa susi kamu'. Dipali'na' ntee pulau Patmos, sanga mpangpeissenanna' kadan-Na Puang Allataala sola mpauna' kasa'bianku' to curitanna Puang Isa.

Pengkitanna Yahya 2:13

Kuissen to minii mari'pih, iamo to nanii mangparenta Ballisi'. Matappa' tonganmo kamu' lako Aku'. Susinna tonna dibuno tomatappa'-Ku' Antipas jio olomi to nanii Ballisi' torro, anna te'da mipessakkannina' kumua tangngiana' Puangmi.

Pengkitanna Yahya 2:24

Apa ia to kamu' jio kota Tiatira to te'da mituru'i to pangngajah gaja'na, sola te'da mipelajahhii to kapaissenanna Ballisi', kukua mangkada, te'da kulamben kamu' parenta mabanda'.