Pengkitanna Yahya 2:10 - Alkitab Duri

¹⁰ Apa danggi' mimalaja' to kamaparrisan to la mioloi. Matappa' kamu', sanga sitonganna den ba'tu pira-pira tau lan tangnga-tangngami la napembuangan Ballisi' tama pangtarungkuan, napengkulle-kullei mpalao sala kamu' nate'damo mimatappa'. La mperasai kamu' pa'dik sangpulo allona. Apa la matappa' kamu' lako Aku' ratu lako matemi na la kuben kamu' pahala, iamo to katuoan melo te'da cappa'na.

Pengkitanna Yahya 2:10 Referans Kwoze

Yakub 1:12

Masannang to tatta' matappa', nasaba' te'da namadoang dipatuju sala mpugauk dosa. Sanga la ntarima pahalana, iamo to katuoan melo mangka napasadia Puang Allataala lako to tompakamoja'i.

1 Petrus 5:4

Na ia ke nadete'mi wattu karatuanna pole' joo Tomangrewa Mala'bih, la naben kamu' paraseng kapataloan to cundallak tarruh te'da cappa'na.

Efesus 6:12

Nasaba' tangngia padanta' rupa tau to taewa, apa nnewaki' sininna tomakuasa ba'tu to mparentai tee lino gaja', sola sininna setang to mangparenta jao langi' tee wattu.

Pengkitanna Yahya 2:9

Kuissen to kamasussanmi na kamakario-rioanmi apa sitonganna sugih kamu'. Kuissen too to kada gaja' to naanggasan kamu' tuu mati' to ssanga kalena to-Yahudi apa te'da natongan, sanga umma'na ia Ballisi'.

Matius 24:13

Apa ia to tomatappa' tarruh ratu lako ssalainna lino, iamo la salama'.

1 Petrus 5:8

La sadia kamu', ammimajaga! Nasaba' ia to ewalimmi Ballisi' susi bang singa lumingka male lako male jio mai, namangngaung-ngaung nnangahhi to la nakandena.

1 Korintus 9:25

Ia to tomassiewa watang tuli ngkuasai kalena. Napugaukki susi joo, dikua nadiben paraseng to la madoi' malaju, iamo to bunga kapataloan. Apa ia to kita' ngkuasaiki' kaleta', nasaba' madoangki' diben paraseng to te'da nalamalaju.

Matius 10:28

Danggi' mimalaja' lako tolino to batang kale manda nakulle nabuno, apa te'da nakullei mbuno penawammi. Puang Allataalara to sipato' mikalaja', nasaba' ianna mangka mbuno kamu', makuasapa Ia mpatamai naraka to batang kalemi sola penawammi.

Daniel 1:14

Natarimami joo tomangparaka, napugaukki susi to peta'danna Daniel.

Pengkitanna Yahya 13:7

Dieloran too nnewa umma'-Na Puang Allataala nataloii, naparentai to sininna rapu tau, tondok, basa na bangsa.

Efesus 2:2

Ia joo wattu ia to panggaukanmi susi bang to panggaukanna tolino to tangnturu' Puang, ammituru' Ballisi' jao langi' to mparenta sininna setang. Iamo tatta' ngkuasaii to totangmatappa' lako Puang Allataala.

Yahya 13:2

Ia tonna bongi nakumande Puang Isa sola anak gurun-Na, na ia to Ballisi' mangkai ssede Yudas anakkana Simon Iskariot anna la mpangpejokkoan Puang Isa.

Yahya 12:25

Ia to tonturu' bang pakkeloran penawanna, te'da nalannampa' katuoan melo te'da cappa'na. Apa ia to tote'da naturu' bang pakkeloran penawanna lan tee lino, iamo la nnampa' katuoan melo te'da cappa'na.

Lukas 21:12

Ianna te'dapa najaji ngasan joo, la dijokko kamu' ammidipakario-rio. La dira'tah kara-karami jio bola passambajangan, ammidipatama pangtarungkuan. La dipangngolo kamu' lako raja sola tomangparenta, nasaba' mikatappa'ina'.

Markus 8:35

Nasaba' ia to tonturu' bang pakkaeloran penawanna, te'da nalannampa' katuoan melo te'da cappa'na. Apa ia to tonturu' tarruhna' sola nturu' kadan-Na Puang Allataala moi la dibuno, iamo la nnampa' katuoan melo te'da cappa'na.

Daniel 1:12

Mangkadami Daniel nakua, “Cobamokan jolo' sangpulo allona, na camme utan bangmo mibenkan kikande sola wai diiso'.

Pengkitanna Yahya 13:2

Ia joo olok-olok kukita susi macang tutul, ia to ajena susi aje beruang na kasongona susi kasongo singa. Kamawatanganna naga sola cadokkoan mala'bihna na kuasanna to liwa' tonggo nabenni joo olok-olok.

Jamanna Rasulu' 21:13

Apa nakua mpebalii, “Oo, danggi'mo dikka' mikillakkina', nasaba' samasse-massena penawangku'. Sitonganna macanning sininna bulu-bulungku', tangngia la dipumpung manda jio, apa dibuno toona', nasaba' Puang Isa.”

Jamanna Rasulu' 20:24

Apa moi nasusi joo, te'da kucirinnai penawangku', podo wa'dingna' mpatarruhhi to jaman nasuanna' Puang Isa la llundukkii samateku' mpangpeissenanni to Kareba Kasalamatan kumua nakamaseiki' Puang Allataala.

Yahya 13:27

Ia tonna mangka Yudas nnalai joo roti, natamaimi Ballisi'. Nakuamo Puang Isa ngkuanni, “Apa mukadoangngi mupugauk, pugaukmi madoi'!”

Pengkitanna Yahya 2:13

Kuissen to minii mari'pih, iamo to nanii mangparenta Ballisi'. Matappa' tonganmo kamu' lako Aku'. Susinna tonna dibuno tomatappa'-Ku' Antipas jio olomi to nanii Ballisi' torro, anna te'da mipessakkannina' kumua tangngiana' Puangmi.

Pengkitanna Yahya 17:14

Namane' mangrari joo olok-olok sola tuu lako raja nnewa Anak Bembala'. Apa ia joo Anak Bembala' ntaloi sola tau matappa'-Na, sanga iamo Puangna sininna puang na Rajana sininna raja.” Ia to taun-Na, iamo to mangka napilei anna pakedoi penawanna.