Pengkitanna Yahya 16:9 - Alkitab Duri

⁹ Ma'bong tongan to tau, nasaba' malussunna joo allo, natangdoii to Puang to ngkuasai joo pangsessa, na te'da bang una namengkatoba' jio mai dosana. Te'da too napakala'bih Puang Allataala.

Pengkitanna Yahya 16:9 Referans Kwoze

Pengkitanna Yahya 16:21

Uran batu liwa' rambak ngkanna tau. Ia to sanglise' limang pulo kilo banda'na. Natangdoii tau to Puang Allataala, nasaba' ia joo pangsessa uran batu liwa' pa'dik.

Pengkitanna Yahya 11:13

Ia joo wattu ta'pa ninoi liwa' tonggo, na sangtawa sangpulona joo kota ro'pok na pitung sa'bu tau mate. Gaja laja'i to totuopa anna pakala'bih kuasan-Na Puang Allataala jao suruga.

Pengkitanna Yahya 2:21

Kubenmo wattu Isebel la mpenassanni dosana namengkatoba', apa cia'i paja manggauk sala.

Lukas 13:5

Te'da lalo ia! Apa la miingaranni, ia ke te'da mimengkatoba' jio mai dosami, pada la masolang too kamu'.”

Lukas 13:3

Te'da lalo ia! Apa la miingaranni, ia ke te'da mimengkatoba' jio mai dosami, pada la mate too kamu'.

Pengkitanna Yahya 14:7

Metambai nakua, “Massompa kamu' lako Puang Allataala, pakala'bihhi, sanga wattun-Nami Puang la rra'tah kara-karana tolino. Massompa kamu' lako Puang to mpaden langi' na lino, tasik na sininna mata wai.”

Pengkitanna Yahya 9:20

Ia tuu lako tau laen to mangkamo disessa apa te'da namate, te'da natorroii ssompa dewata to nagaraga susi tau-tau jio mai bulawan, salaka, tambaga, batu na kaju. Apa ia joo tau-tau mamang, te'da napakita ba'tu lumingka.

2 Korintus 12:21

Magiangna' kumua, ia ke iti'mo', la napamajiong pole'na' Puang Allataala lan tangnga-tangngami. Magiangna' kumua la kumillakna', nasaba' buda tau lan tangnga-tangngami to tomadosamo jolona na te'da bang unapa namenassan, apa da'tanpa manggauk sala, mpugaukki to panggaukan tangmelona, ba'tu totangsipato' dipugauk.

Yosua 7:19

Nakuamo Yosua lako Akhan, “Ee anakku', massapahko lako PUANG Allataala to nasompa to-Israel, mangngakuko jio olo-Na, mupauanna' to apa mangka mupugauk, danggi' naden mubuni.”