Pengkitanna Yahya 16:5 - Alkitab Duri

⁵ Ssa'ding pole' omo' malaeka' to ngkuasai wai mangkada nakua, “Oo, Puang! Mala'bihki', denki' tee too, na den toomiki' tonna jolona. Maruruhki' rra'tahhi kara-karana tolino susi tuu.

Pengkitanna Yahya 16:5 Referans Kwoze

Pengkitanna Yahya 11:17

anna mangkada nakua, “Mangkurru sumanga'kan mati' Puang, Tomakuasaki', to denki' tee too, na denmiki' tonna jolona, sanga tapakemo to kuasa mala'bih-Ta', namangparentamiki'.

Pengkitanna Yahya 1:8

Nakua Puang Allataala, “Aku'mo pamulanna, Aku' toomo cappa'na.” Tomakuasa to Puang Allataala, to den tee too, denmo tonna jolona, na den tarruh too.

Pengkitanna Yahya 1:4

Tomala'bihku' sola ngasan jio pitu jamaa inde' propinsi Asia! Dennaa upa' nabarakka'i kamu' Puang Allataala to den tee too, denmo tonna jolona, na den tarruh too, sola pitu roh jio olona cadokkoan mala'bih-Na Puang Allataala, na Puang Isa Almaseh, anna ben kamu' kamasannangan sola ngasan.

Pengkitanna Yahya 4:8

Ia joo a'pa' olok-olok kepani' ngasan siannan. Ia to kalena sola pani'na ponno mata, makkelong tarruh nakua, “Mala'bih, mala'bih, mala'bih Puang Allataala to makuasa, to den tee too, denmo tonna jolona, na den tarruh too.”

Roma 2:5

Apa membattuk kamu' ammicia' mangpesa'ding. Iamo joo, kamu' bang una mpemabanda'i pangpabalah lako kalemi ke Kiama'mi lino. Ia joo allo napangpekitanni Puang Allataala to kamabirisan-Na na pangpabalah maruruh-Na lako to tolino.

Pengkitanna Yahya 16:7

Ssa'ding pole' omo' gamara pole jao mai ngenan pangkaroban nakua, “Oo, Puang Allataala to makuasa! Tongan na maruruhki' rra'tah kara-karana tolino.”

Roma 3:5

Apa ia ke ia to panggaukan gaja'ta' napusaba' nasapajan-pajanna to kamarurusan-Na Puang Allataala, apara la takua? Takuaraka kumua tangmaruruh to Puang Allataala, ke nacallaki'? Mangkada tobiasana' tee.

Daniel 9:14

Oo PUANG Allataala to kisompa, mangkamokan Taparatuan pangsessa, nasaba' maruruh-Ki' lan sininna panggaukan-Ta', apa te'da kimangpesa'ding.

Pengkitanna Yahya 19:2

Sanga tongan na maruruhhi pangra'tah-Na! Nara'tahmi kara-karana to baine bandarang nggajatan lino mpugaukki to mesirisan, na napabalahhimo to kadibunoanna taun-Na.”

Pengkitanna Yahya 16:4

Ia to malaeka' mangpentallun mballuan issi isotanna do' sa'dan na mata wai, anna sininna wainna menjaji rara.

Yahya 17:25

Oo Ambe' maruruh! Te'da naissenki' tolino, apa Aku' kuissenki', na naissen ngasan taun-Ta', kumua tasuana'.

Pengkitanna Yahya 6:10

metambai nakua, “Oo Puang, matonggo kuasan-Ta', mala'bih na tongan. Pirapara masainna tamane' mbicarai tapabalahhii tee tolino to mangkamo mbunokan?”