Pengkitanna Yahya 13:5 - Alkitab Duri

⁵ Ia joo olok-olok dieloran mangparenta patang pulo dua bulanna na mpau kada matampo to ncapa' Puang Allataala,

Pengkitanna Yahya 13:5 Referans Kwoze

Daniel 7:25

La mpaui kada to nnewa Allataala Tomala'bih, nasessa tooi to umma'-Na. La mpengkulle-kullei ssullei atoran sola wattu pangmaroasan to mangka Napattantu Allataala, naparentai to umma'-Na Allataala tallung taun sitangnga.

Daniel 7:8

Ia tongkukita unapi to tandukkuna, tuo omi mesa' to tanduk biccu' jio paralla'na, na tirebu'i to tallu tanduk jolona anna sipolloran. Na ia joo tanduk mane' tuo kemata susi mata tau na ia to timunna mpau kada matampo.

Pengkitanna Yahya 12:6

Ia joo baine palaii lako ngenan to mangkamo napasadianni Puang jio padang pallawangan anna dijaranai jio sangsa'bu dua ratuh annan pulona allona.

Daniel 11:36

Napugauk bang raja karajaan jajanna liu to apa nakadoangngi. Namenjaji matampo, nnangga' kalena la'bih mala'bih na ia to sininna dewata. La'bih-la'bih liwa' ncapa' Allataala to makuasa. La jaji ngasan susi to nakadoangngi arannai naperasai to kamabirisan-Na Puang Allataala. Nasaba' ia to mangka Napattantu Puang Allataala nang la jaji.

Daniel 7:11

Kukita tarruhhi, sanga ia joo tanduk biccu' matampo bang unapi mangkada, namane' dipatei to olok-olok mangpennappa', na ia to kalena dipembuangan tama api naarannai ma'bong.

Pengkitanna Yahya 12:14

Apa ia joo baine dibenni dua pani' langkan tedong matonggo napake mentia' lako padang pallawangan to dinii njaranaii tallung taun sitangnga anna salama' jio mai kamabirisanna joo ulah ba'tu Ballisi'.

2 Tesalonika 2:4

Ia joo Togaja' la nnewa Puang Allataala. Gaja burru' ia, sanga nakita majiong ngasan to nasompa tolino. Ia mandamo ssanga tau kalena, anna male cumadokko tama Bola Puang Allataala mpangpeissenan kalena kumua “Aku'mo Puang Allataala”.

Daniel 7:20

Madoang toona' nnissenni battuananna to sangpulo tanduk jao ulunna sola to tanduk biccu' mane' ollong arannai tirebu'i to tanduk denmo jolona napollo. Ia to tanduk biccu' den matanna na ia to timunna mpau kada matampo. La'bih mejangngaran ia na ia to tanduk laenna.

Pengkitanna Yahya 13:7

Dieloran too nnewa umma'-Na Puang Allataala nataloii, naparentai to sininna rapu tau, tondok, basa na bangsa.

Pengkitanna Yahya 11:7

Ia ke mangkami mpangpeissenan pepasan-Na Puang, naewami mesa' olok-olok messun jiong mai posi' tana, apa taloi, nadibuno.

Daniel 8:14

Mebalii joo malaeka' mesa' nakua, “Ia joo, la jaji ke mangkai 2300 pangkaroba to dipugauk makale' na karuen 1150 allona. Mangkai joo too dipemaceroi pole'mi to Bola Puang Allataala.”

Daniel 12:12

La maupa' to tau tatta' matappa' na sabbara' arannai la mbulewanni to wattu 1335 allona.

2 Tesalonika 2:3

Moi apa nakua tau, danggi' lalo mimatappa', sanga tomangnguragara. Nasaba' den dua kara-kara la jaji namane' ndete'i wattu karatuan-Na pole' Puang Isa. Mangpempissenna buda tau la mpessakkanni Puang Isa. Na mangpenduanna den mesa' tau la mpangpekitan kalena, iamo to Togaja' to napattantumo Puang Allataala la mentama naraka.

2 Tesalonika 2:8

mane'ri pajan. Apa ia ke ratu pole'mi Puang Isa, la nasuei joo Togaja' mpake kuasa mala'bih-Na arannai mate.