Pengkitanna Yahya 13:16 - Alkitab Duri

¹⁶ Naparuku ngasan to tau, moi tomapangka' ba'tu tobiasa, tosugih ba'tu tokaasi-asi, kaunan ba'tu totangkaunan la ntarima tanda jio lima kananna ba'tu jio kidena.

Pengkitanna Yahya 13:16 Referans Kwoze

Pengkitanna Yahya 20:4

Mangkai joo too ngkita omo' ba'tu pira-pira cadokkoan mala'bih, na ia to cumadokko jao diben kuasa mangra'tah kara-kara. Kukita tooi bombona to todile'toi ulunna, sanga mpangpeissenanni karebanna Puang Isa na kadan-Na Puang Allataala. Ia tuu lako tau te'da ia nasompai to olok-olok sola tau-taunna. Te'da too natarimai to tandana joo olok-olok to dipajio kide na lima. Tuo pole'i namangparenta sola Almaseh sangsa'bu taunna.

Pengkitanna Yahya 19:20

Apa ditalomi anna dijokko joo olok-olok sola nabi tangtongan, namane' dipembuangan tuo tama api colo' manglanya-lanya. (Ia to nabi tangtongan iamo to mangka mpugauk tanda makalaen-laen jio olona joo olok-olok. Ia joo tanda napake joo olok-olok mpalao sala tau to den tandana joo olok-olok jio kalena na ssompa tooi joo tau-taunna.)

Pengkitanna Yahya 7:3

nakuanni, “Danggi'pa jolo' misolanganni to gantanan, tasik ba'tu garonto' kaju ke te'dapi kibenni tanda kidena tuu mati' taun-Na Puangta' Puang Allataala.”

Pengkitanna Yahya 19:18

ngkande juku'na raja, pangbarani, surudadu, nyarang sola tomessakena. Juku'na sininna tau, la tokaissenan, la tobiasa, juku'na to kaunan iarika totangkaunan!”

Pengkitanna Yahya 19:5

Ta'pa den omi gamara jio mai cadokkoan mala'bih nakua, “Ee, sininna taun-Na Puang Allataala to ssompai, la tobiasa, la tomapangka', pakala'bihhi Puangta'!”

Pengkitanna Yahya 20:12

Kukita tooi to tomate, la tokaissenan, la tobiasa, ke'deh jio olona cadokkoan mala'bih. Diballahmi to ba'tu pira-pira sura' tilulun. Den omi mesa' sura' tilulun laen diballah, iamo Sura' Katuoan. Namane' dira'tah kara-karana tee mai tomate situru' to diuki' lan joo sura' tilulun.

Pengkitanna Yahya 6:15

Ia to raja lan lino, tomatonggo, pangbarani, tosugih, tomangparenta na sininna kaunan sola totangkaunan membuni lan lo'ko' iarika jio sellak batu jao buntu.

Jamanna Rasulu' 26:22

Apa pammase-Na Puang ratu lako too allo, angkuwa'ding ke'deh ntee mpangpeissenanni la lako tokaissenan, la lako tobiasa. Ia to apa kupau te'da laenna na ia to pura napau Nabi Musa sola nabi laen tonna anu',

Pengkitanna Yahya 15:2

Mangkai joo too ngkita omo' sali maluah susi cammin sirau api, naden tau ke'deh jio randanna. Ia tuu lako tau mangka ntaloi to olok-olok to digaragan tau-taunna to den nomoro' mpamanassai to sanganna. Ia joo topatalo ntoe cu'bekan-Na Puang Allataala,

Pengkitanna Yahya 11:18

Liwa' birih to tote'da naturu'ki', sanga nadete'mi wattun-Ta' mpangpekitan kamabirisan-Ta'. Nadete' toomi wattunna tanii mbicarai to tomatemo. Iamo tee wattunna tanii mbenni pahalana to taun-Ta' nabi, sola to sininna taun-Ta' to ssompaki', la tokaissenan, la tobiasa. Iamo tee wattunna tanii ssolangngi tau to ssolangan lino.”

Kolose 3:11

Iamo joo te'damo nadipasilaenan to umma'-Na Almaseh. Te'damo nadipasilaenan to-Yunani na to-Yahudi, todisunna' na totangdisunna', bangsa laen na bangsa to tangmessipa', kaunan na tangkaunan, nasaba' pada bang unaki' dipupenjaji tau baru. Almasehra to kaminang parallu na Iamo torro lan kita' sola ngasan.

Efesus 6:8

La mikanassai kumua, moi kaunan ba'tu tomaradeka pada la nnampa' pahalana jio mai Puang Allataala to sininna panggaukan melona.

Galatia 6:17

Danggi'mo naden tau ssussaina', nasaba' budamo lape' jio kaleku' to buttinna kumua umma'-Nana' Puang Isa.

Galatia 3:28

Te'damo nadipasilaenan to-Yahudi na bangsa tangngia to-Yahudi, kaunan na tangkaunan, muane na baine, nasaba' sirapumo kamu' Puang Isa Almaseh tommidijio'.

1 Korintus 12:13

Jaji, ia to kita' tomatappa' dipupenjaji ngasanmiki' mesa' lan Almaseh, nasaba' pada najio'miki' Roh Allataala. La kita' to-Yahudi, la kita' bangsa tangngia to-Yahudi, la kita' tokaunan, la kita' tomaradeka, pada ngasanmiki' ntarima mesa' Roh Allataala.

2 Timotius 3:8

Ia joo guru tangtongan nnewa pangngajaran-Na Puang Allataala, susi Yanes na Yambres tonna jolona nnewa Nabi Musa. Masolangmo pangtangngaranna joo guru na te'damo namatappa' lako Almaseh.