Pengkitanna Yahya 13:1 - Alkitab Duri

¹ Ngkita omo' mesa' olok-olok endek jiong mai tasik, ketanduk sangpulo na pitu ulunna. Ia to tandukkuna pada mpake mahkota. Na ia to ulunna pada den sanga diuki' jio to ncapa' Puang Allataala.

Pengkitanna Yahya 13:1 Referans Kwoze

Pengkitanna Yahya 12:3

Ta'pa dikita pole' omi to tanda mejangngaran jao langi'. Den mesa' naga malea liwa' tonggo, ulunna pitu na sangpulo tandukkuna. Ia tuu lako ulunna pada mpake mahkota.

Pengkitanna Yahya 17:3

Nakuasaina' Roh Allataala, nasolanna' joo malaeka' lako padang pallawangan. Angkukita mesa' baine cumadokko jao olok-olok malea. Ia joo olok-olok keulu pitu, ketanduk sangpulo, na ia to batang kalena ponno sanga diuki' to ncapa' Puang.

Pengkitanna Yahya 11:7

Ia ke mangkami mpangpeissenan pepasan-Na Puang, naewami mesa' olok-olok messun jiong mai posi' tana, apa taloi, nadibuno.

Daniel 11:36

Napugauk bang raja karajaan jajanna liu to apa nakadoangngi. Namenjaji matampo, nnangga' kalena la'bih mala'bih na ia to sininna dewata. La'bih-la'bih liwa' ncapa' Allataala to makuasa. La jaji ngasan susi to nakadoangngi arannai naperasai to kamabirisan-Na Puang Allataala. Nasaba' ia to mangka Napattantu Puang Allataala nang la jaji.

Pengkitanna Yahya 17:16

Ia joo olok-olok mukita sola tandukkuna sangpulo, la ngkaba'cii joo baine. La narampaii to sininna ewananna, napangkale-kalei, nakandei to juku'na, namane' ssumpunni.

Pengkitanna Yahya 15:2

Mangkai joo too ngkita omo' sali maluah susi cammin sirau api, naden tau ke'deh jio randanna. Ia tuu lako tau mangka ntaloi to olok-olok to digaragan tau-taunna to den nomoro' mpamanassai to sanganna. Ia joo topatalo ntoe cu'bekan-Na Puang Allataala,

Pengkitanna Yahya 17:5

Den sanga diuki' jio kidena to te'da diissen battuananna. Ia joo sanga nakua, “Babel matonggo, garonto'na sininna baine bandarang na kagajatan lan lino.”

Pengkitanna Yahya 13:11

Ngkita pole' omo' mesa' olok-olok messun lan mai padang. Ketanduk susi bembala' namanggamara naga.

Pengkitanna Yahya 13:15

Nadieloran mbenni penawa joo tau-tau anna mangkada, nabuno tooi to tau ke cia'i ssompai joo tau-tau.

Pengkitanna Yahya 16:13

Na den tallu roh gaja' ba'tu setang kukita mangrupa tokko' simessunan lan mai anga'na naga, olok-olok to den tau-taunna, na nabi tangtongan.

Pengkitanna Yahya 19:19

Kumane' ngkitai joo olok-olok sola tuu lako raja lan lino na surudadunna sirempun la nnewai mangrari joo tossakei nyarang mabusa sola surudadun-Na.

Daniel 2:41

Ia to ajena sola jarinna joo patung to jio mai litak pitti', na bassi pira', mpangpekitanni to kumua undinna joo kaparentan la titawa-tawa. Den too kamawatanganna joo kaparentan susi bassi, nasaba' ia to litak pitti' dipasirau bassi.