Pengkitanna Yahya 11:8 - Alkitab Duri

⁸ Na ia to batang rabukkuna situlambenan jio lalan tonggona kota to dinii mpampang Puangna. Ia joo kota situru' pahang agama disanga too Sodom ba'tu Mesir.

Pengkitanna Yahya 11:8 Referans Kwoze

Pengkitanna Yahya 18:10

Ke'deh mambela ngkitai, sanga malaja'i nakanna kamaparrisanna. Nakua, “Huu, macilakanna kota Babel matonggo na makacca', na tangdikalannai naratumo pangcallamu.”

Pengkitanna Yahya 18:21

Mangkai joo too den malaeka' mawatang nnangka' batu liwa' tonggo pada batu pelullu' gose', napellekkosanni do' tasik namangkada nakua, “Susi tee carana kota Babel to kaissenan la dipellekkosanni anna lanynya' na te'damo naladikita.

Ibrani 13:12

Susi todami joo namate saleanan babangan kota to Puang Isa na ia to rara-Na mbasei dosana tolino.

Pengkitanna Yahya 18:18

Anna metamba tonna kitami rambunna to api llallei joo kota nakua, “Te'dapa ia kota susi tee matonggona.”

Pengkitanna Yahya 11:9

Ia to tau jio mai sininna rapu tau, tondok, basa na bangsa ratu ngasan la ngkitai to batang rabukkuna tallung allo sitangnga, na te'da naeloranni dilamun.

Yudas 1:7

Ingaran tooi to tau torro jio kota Sodom na Gomora, sola tau jio kota mengguririkkina, napugauk todai susi to napugauk joo malaeka'. Ia tuu lako tau manggauk sala, nakabudai sigauk sala padanna muane ba'tu padanna baine, anna rabunnii Puang Allataala joo kota nakandei api sola to tau torro lan. Ia joo pangsessa susi joo menjaji pangpakainga' lako sininna tau, sanga susii to sessana api naraka dukku te'da cappa'na.

2 Petrus 2:6

Susi too nasessai Puang Allataala to-Sodom na to-Gomora tonna anu', nasaba' tangmangpesa'dingngi. Nasumpunni to kotana anna au mandamora torro. Iamo joo menjaji tanda kumua apa to la jaji lako togaja'.

Matius 10:15

Ingaranni! Ia ke Kiama'mi lino, la'bih nasessai Puang Allataala to tau lan joo kota na ia to to-Sodom na to-Gomora.”

Amos 4:11

Mangkada-I Puang Allataala Nakua, “Mangkamo kamu' pira' Kulanynya'i susi tong-Kulanynya'i to to-Sodom na to-Gomora sola kotana. Na ia to tuo unapa lan alla'mi susimira to tampak kaju nasesa api to diala lan mai dapoh. Na moi nasusimo joo, te'da unapa mibalik lako Aku'.” Susimi joo kadan-Na PUANG Allataala.

Pengkitanna Yahya 18:2

Metambami nakua, “Ro'pokmi. Ro'pokmi Babel kota matonggo. Ia tuu lako setang sola roh gaja' mari'pih lan. Messerang lan to mangrupa-rupa manuk-manuk harang to nakaba'ci tau.

Pengkitanna Yahya 16:19

Rondonni kotana to sininna tondok lan lino. Na ia joo kota Babel liwa' tonggo tipangtallui namenjaji tallung sese. Iamo joo carana Puang mpabalahhii to to-Babel, naparukui nniso' anggoro' kamabirisan-Na.

Pengkitanna Yahya 14:8

Mangkai joo too malaeka' bungahna, ratu omi to malaeka' mangpenduan metamba nakua, “Rondonmi. Rondonmi kota Babel liwa' tonggo. Mangkami to-Babel mpalangoii anggoro' to sininna bangsa. Ia to anggoro' iamo to panggaukan gaja'na.”

Pengkitanna Yahya 11:13

Ia joo wattu ta'pa ninoi liwa' tonggo, na sangtawa sangpulona joo kota ro'pok na pitung sa'bu tau mate. Gaja laja'i to totuopa anna pakala'bih kuasan-Na Puang Allataala jao suruga.

Jamanna Rasulu' 9:4

Tipessambakki do' padang na den gamara nasa'ding metamba nakua, “Ee Saulus! Ee Saulus! Matumbai musessa tarruh bangna'?”

Pengkitanna Yahya 18:24

Babel diro'pok, nasaba' lanmo dinii nnampa'i to rarana umma'-Na sola nabin-Na Puang Allataala na rarana sininna to mangkamo dibuno lan lino.

Pengkitanna Yahya 17:5

Den sanga diuki' jio kidena to te'da diissen battuananna. Ia joo sanga nakua, “Babel matonggo, garonto'na sininna baine bandarang na kagajatan lan lino.”

Pengkitanna Yahya 17:1

Mangkai joo too ratumi mesa' jio mai to pitu malaeka' ntoe pitu isotan bulawan ngkuanna' nakua, “Maleko mai kupakitanko carana joo baine bandarang masarru' disessa. Iamo to kota matonggo jio randan sa'dan.

Pengkitanna Yahya 14:20

Dilese tee anggoro' jio saleanan kota. Na ia joo wainna dipalolong male susi bangmi sa'dan rara. Gaja tonggo joo sa'dan na ia to mandalanna angge kalang nyarang tallu ratuh kilometere' mambelanna.

Pengkitanna Yahya 17:18

Ia joo baine mukita, iamo to kota matonggo to nanii Tomaraja mparenta raja lan lino.”