Pengkitanna Yahya 11:3 - Alkitab Duri

³ Ia joo wattu la ssuana' dua sa'bing-Ku' to mangpakean kamasussan mpangpeissenan pepasan-Ku' sangsa'bu dua ratuh annan pulona allona ba'tu patang pulo dua bulanna.”

Pengkitanna Yahya 11:3 Referans Kwoze

Pengkitanna Yahya 12:6

Ia joo baine palaii lako ngenan to mangkamo napasadianni Puang jio padang pallawangan anna dijaranai jio sangsa'bu dua ratuh annan pulona allona.

Pengkitanna Yahya 11:2

Apa danggi' omo musuka'i to rante saleananna, sanga ia joo saleanan mangkamo dipangben lako totangnnissenna'. Ia tuu mati' totangnnissenna' la ssolang-solangngi joo kota-Ku' kota Yerusalem patang pulo dua bulanna.

Pengkitanna Yahya 13:5

Ia joo olok-olok dieloran mangparenta patang pulo dua bulanna na mpau kada matampo to ncapa' Puang Allataala,

Jamanna Rasulu' 13:31

Masaipa nanii mpangpekitan kalena lako to tomangka nasolan jio mai tana Galilea lako kota Yerusalem. Ia ngasanmo to mpangpeissenanni tee too lako bangsa Israel kumua Raja Mangpasalama' to Puang Isa.

Jamanna Rasulu' 1:8

Apa la diben kamu' kuasa ke diparatuimo kamu' Roh Allataala, ammilampangpeissenanna' la jio kota Yerusalem, la lan lili'na tana Yudea na Samaria, ratu lako randan langi'.”

Lukas 24:48

La titanan sa'bi kamu' to ianna joo.

2 Korintus 13:1

Mangpentallunnamo' tee la male mati'. Den diuki' lan Sura' Allataala kumua, “Iapi nawa'ding dira'tah kara-karana to tau ke denni dua ba'tu tallu sa'bi.”

Jamanna Rasulu' 2:32

Ia joo Puang Isa iamora napatuo pole' Puang Allataala jio mai kamatean. Na iamora joo to mangka kikita kipangpeissenanni sola ngasan.

Yahya 15:27

Moi kamu' la mipangpeissenan toona', sanga sola bangmiki' jio mai pamulanna.

Matius 18:16

Apa ia ke te'da natarimai to pangpakainga'mu, ssolanko mesa' ba'tu dua tau lako. Nasaba' den diuki' lan Sura' Allataala, ‘Iapi nawa'ding dira'tah kara-karana to tau ke denni dua ba'tu tallu sa'bi.’

Pengkitanna Yahya 19:10

Suju'na' jio olona joo malaeka' la ssompai, apa napangkadaina' nakua, “Danggi'! Danggi' sompana'. Puang Allataalara musompa! Nasaba' pada todisuariki' sola to sile'tomu to nturu' pangngajaran-Na Puang Isa!” Ia joo pangngajaran-Na Puang Isa iamo mpamasumanga' nabi.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.

Jamanna Rasulu' 3:15

Mangka mipangpebunoan, nasitonganna Iamo garonto'na katuoanna sininna tau. Apa napatuo pole'mi Puang Allataala jio mai kamatean, na kiissen kumua tongan joo, nasaba' kikita kami'.

Daniel 12:7

Ia joo malaeka' mangrupa tau, nnangka' dua limanna de' langi' na massapah jio olo-Na Puang Allataala to tuo te'da anggena, nakua, ‘La jaji tallung taun sitangnga masainna. Ianna mangkamo diancuru' to kamawatanganna umma'-Na Puang Allataala, mane'ri dianggei joo apa jaji.’

Pengkitanna Yahya 20:4

Mangkai joo too ngkita omo' ba'tu pira-pira cadokkoan mala'bih, na ia to cumadokko jao diben kuasa mangra'tah kara-kara. Kukita tooi bombona to todile'toi ulunna, sanga mpangpeissenanni karebanna Puang Isa na kadan-Na Puang Allataala. Ia tuu lako tau te'da ia nasompai to olok-olok sola tau-taunna. Te'da too natarimai to tandana joo olok-olok to dipajio kide na lima. Tuo pole'i namangparenta sola Almaseh sangsa'bu taunna.

Efesus 4:11

Pada nabenni barakka' to umma'-Na. Den to napupenjaji rasulu', den to napupenjaji nabi, den to napupenjaji tompangpeissenan Kareba Kasalamatan, den to napupenjaji guru iarika tonnurusu' jamaa.

1 Korintus 12:28

Na mangkamo naatoro' Puang Allataala to jamaa napada mbenni jaman to tomatappa'. Bungahna den menjaji rasulu', mangpenduanna den menjaji nabi, mangpentallunna den menjaji guru, na sitarruhna den to tompugauk tanda mejangngaran, naden to diben barakka' mpamalagah tomasaki, barakka' ntulung padanna rupa tau, barakka' mangparenta, ba'tu barakka' mangkada mpake basa mejangngaran.

Yahya 3:27

Mebalimi Nabi Yahya nakua, “Moi mesa' apa te'da naampui tau, ke te'da na Puang Allataala mbenni jao mai suruga.

Daniel 7:25

La mpaui kada to nnewa Allataala Tomala'bih, nasessa tooi to umma'-Na. La mpengkulle-kullei ssullei atoran sola wattu pangmaroasan to mangka Napattantu Allataala, naparentai to umma'-Na Allataala tallung taun sitangnga.

Daniel 8:14

Mebalii joo malaeka' mesa' nakua, “Ia joo, la jaji ke mangkai 2300 pangkaroba to dipugauk makale' na karuen 1150 allona. Mangkai joo too dipemaceroi pole'mi to Bola Puang Allataala.”

Yunus 3:5

Ia tonna sa'dingmi to-Niniwe joo pepasan-Na Puang Allataala napangpeissenan Nabi Yunus, memmatappa'mi lako Puang Allataala nakua, “La puasaki'.” Na ia ngasan tau, la tomatua la pea biccu', mpake pakean karung mpangpekitanni kumua mpenassannimi dosana.

Yunus 3:8

Sininna tau la mangpakean karung, na ia to patuoan la ditore'. La massambajang tonganni to tau lako Puang Allataala nampemeloi sipa'na to liwa' gaja' namengkatoba'.

Matius 11:21

Nakua Puang Isa, “Macilaka kamu' to-Khorazim sola to-Betsaida! Buda tanda mejangngaran to mangka kupugauk jio kotami, apa te'dapa mimengkatoba'. Ia kenna la dipugauk joo tanda mejangngaran jio kota Tirus sola kota Sidon, masaimo mengkatoba' tuu lako tau jio, moi na bangsa tangngia to-Yahudi. La mangpakean kamasussan, napessamboran too au de' ulunna, sanga mpenassannii dosana.

Lukas 10:13

Mpatarruhhi kadan-Na Puang Isa nakua, “Macilaka kamu' to-Khorazim sola to-Betsaida! Buda tanda mejangngaran to mangka kupugauk jio kotami, apa te'dapa mimengkatoba'. Ia kenna la dipugauk joo tanda mejangngaran jio kota Tirus sola kota Sidon, masaimo mengkatoba' tuu lako tau jio, moi na bangsa tangngia to-Yahudi. La mangpakean kamasussan, napessamboran too au de' ulunna, sanga mpenassannii dosana.

Pengkitanna Yahya 11:6

Nnampui kuasa mangpabarrang anna pealloan ke mpangpeissenanni pepasan-Na Puang. Ngkuasai too mata wai, nawa'ding mpupenjaji rarai. Wa'ding too ssessa tolino mpake mangrupa-rupa kamaparrisan, umbo-umbo wattu nakabudai.