Pengkitanna Yahya 1:7 - Alkitab Duri

⁷ Kitai, la ratumi natalimbung saleu'. La nakitai sininna bangsa lan lino, nasikarrakan, moi to tomangka ndokeii. Nang tongan! Amin.

Pengkitanna Yahya 1:7 Referans Kwoze

Matius 24:30

Ia ke mangkai joo, pajanmi jao langi' to tanda karatuan-Ku' tee Aku', Anak Mentolino. Ia joo wattu sininna bangsa lan lino la sikarrakan ngkitana' ratu jao mai langi' lan saleu', makuasa na mala'bih too susi Raja.

Daniel 7:13

Kukita tarruh lan tindoku' joo bongi, na den kukita susi Anak Mentolino ratu jao mai langi' nabombonni saleu', nadisolan male mangngolo lako Puang to tuo te'da anggena.

Yahya 19:37

Den too diuki' lan Sura' Allataala kumua, “Nakitai to tomangka natossok.”

Markus 14:62

Mebalimi nakua, “Ie', Aku'mo. La mikitana' tee Aku', Anak Mentolino, cumadokko jio sa'de kanan-Na Puang Allataala to makuasa, na la ratuna' jao mai langi' lan saleu'.”

Lukas 21:27

Ia joo wattu, la nakitana' tau tee Aku', Anak Mentolino, ratu jao mai langi' lan saleu', makuasana' kumala'bih too susi Raja.

1 Tesalonika 4:17

Mangkai joo too, kita' to tuopa diangka'miki' sola joo tomangka dipatuo pole' mentama saleu' tasitammu Puang Isa jao langi', antatorro tarruh sola.

1 Tesalonika 1:10

Nacurita toopa kumua mitajan tongan to karatuan-Na pole' Anak Allataala jao mai suruga, iamo to Puang Isa to mangka napatuo pole' Puang Allataala jio mai kamatean. Puang Isamo la mpasalama'ki' jio mai pangsessa-Na Puang Allataala keanu'.

Markus 13:26

Ia joo wattu, la nakitana' tau tee Aku', Anak Mentolino, ratu jao mai langi' lan saleu', makuasana' kumala'bih too susi Raja.

Yudas 1:14

Den kadanna Nabi Henokh tonna anu' mpau joloi tee mai guru tangtongan. Ia joo Nabi Henokh to mangpempitu jio mai Nabi Adam. Nakua kumua, “Kitai! La ratui Puang sola massa'bu-sa'bu malaeka'-Na.

Matius 26:64

Mebalimi Puang Isa nakua, “Ie', susi tuu tapaunna, Aku'mo. Katappa'i kumua, mammula tee wattu, la mikitana' tee Aku', Anak Mentolino, cumadokko jio sa'de kanan-Na Puang Allataala to makuasa, na la ratuna' jao mai langi' lan saleu'!”

Pengkitanna Yahya 22:20

Mangkadami Puang Isa to mparatui tee kareba nakua, “Io! La madoi'mo' ratu!” Tongan Puang Isa! Ratumiki'!

1 Yahya 3:2

Ee, tomala'bihku' to kupakamoja'! Ia tee too napuanakmiki' Puang Allataala. Ia ke ratu pole'mi Puang Isa tangnadete'pa tangngahta' kumua la matumbariki', apa moi nasusi joo taissen kumua ia joo wattu, la susimiki', nasaba' la takitai kumua matumba sitonganna to Puang Isa.

Ibrani 10:29

Tantu la'bih disessai to tocia'mo matappa' lako Almaseh. Ia tuu lako tau susi to llese-lese Anak Allataala. Te'da toomo naangga'i to rara basse-Na Puang Allataala, iamo to kamatean-Na Almaseh, to mangka mpupenjaji tau, tau mesan-Na Puang Allataala. Te'da too naangga'i to Roh Allataala to nabenki' Puang Allataala, sanga kameloan penawan-Na.

Yahya 19:34

Apa mesa' to surudadu ntossokki doke to sa'de-Na, nata'pa messun to rara sola wai.

Pengkitanna Yahya 22:4

sikita lindoi. Na ia to sangan-Na Puang la diuki' jio kidena.

Matius 16:27

Te'damo namasai kuratu, Aku' Anak Mentolino sola malaeka'-Ku', angkupupangngarrangngi to kamala'biran-Na Ambe'-Ku'. Ia joo wattu la kunii mbenni assele' panggaukanna to tolino.

Matius 16:28

La miingaran tee kadang-Ku' kumua, sitonganna den kamu' to ntee, te'dapa namate ke te'dapi nakitana' tee Aku', Anak Mentolino, mangparenta susi Raja!”

Matius 25:31

Mpatarruhhi kadan-Na Puang Isa nakua, “Ia ke ratu pole'na' Aku', Anak Mentolino, sola sininna malaeka'-Ku' mpupangngarrang kamala'biran-Ku', la cumadokkona' jao cadokkoan mala'bih, angkumangparenta susi Raja.