Pengkitanna Yahya 1:4 - Alkitab Duri

⁴ Tomala'bihku' sola ngasan jio pitu jamaa inde' propinsi Asia! Dennaa upa' nabarakka'i kamu' Puang Allataala to den tee too, denmo tonna jolona, na den tarruh too, sola pitu roh jio olona cadokkoan mala'bih-Na Puang Allataala, na Puang Isa Almaseh, anna ben kamu' kamasannangan sola ngasan.

Pengkitanna Yahya 1:4 Referans Kwoze

Ibrani 13:8

Te'da namembali to Puang Isa Almaseh, la jolona, la ia tee too na te'da cappa'na.

Yahya 1:1

Mammula jiona mai tonna te'dapa napadenni Puang Allataala tee lino, denmo todisanga Kada. Ia joo Kada solai Puang Allataala, na ia joo Kada, Ia bang una Puang Allataala.

Pengkitanna Yahya 5:6

Ngkita pole' omo' cadokkoan mala'bih naguririkki a'pa' olok-olok. Ia joo duang pulo a'pa' tomatua-tua ngguririkkii joo cadokkoan sola a'pa' olok-olok. Na ia to Anak Bembala' ke'deh jio olona joo cadokkoan. Ia joo Anak Bembala' susi to mangka digere'. Den pitu tandukkuna na pitu matanna, iamo joo to pitu roh-Na Puang Allataala, to mangka disua male llingkai lino.

Pengkitanna Yahya 4:5

Den kila' cullepa' na nnoni to galugu siloga-loga jio mai joo cadokkoan mala'bih lan tangnga. Den too pitu sulo dukku jio olona, iamo joo pitu roh-Na Puang Allataala.

Pengkitanna Yahya 1:8

Nakua Puang Allataala, “Aku'mo pamulanna, Aku' toomo cappa'na.” Tomakuasa to Puang Allataala, to den tee too, denmo tonna jolona, na den tarruh too.

Pengkitanna Yahya 3:1

Nasuana' nakua, “Uki'i susi tee lako malaeka'na jamaa jio kota Sardis: Ia tee pepasan pole jio mai Aku' to nnampui pitu roh jio mai Puang Allataala na pitu bintuin. Iamo tee pepasan-Ku': Kuissen to apa mipugauk. Nakua tau kumua disanga kamu' tuo, apa ianna Aku', kukua tomatemo kamu'.

Yakub 1:17

Sininna to apa melo na te'da caccana pole jao mai suruga, nabenki' Puang Allataala, to mpaden allo, bulan sola bintuin jao langi'. Te'da natibalik to sipa'-Na Puang Allataala na tatta' too to akkatta-Na.

Pengkitanna Yahya 4:8

Ia joo a'pa' olok-olok kepani' ngasan siannan. Ia to kalena sola pani'na ponno mata, makkelong tarruh nakua, “Mala'bih, mala'bih, mala'bih Puang Allataala to makuasa, to den tee too, denmo tonna jolona, na den tarruh too.”

Pengkitanna Yahya 3:7

Nasuana' nakua, “Uki'i susi tee lako malaeka'na jamaa jio kota Filadelfia: Ia tee pepasan pole jio mai Aku' to tomala'bih na totongan, to ntoe goncingna Raja Daud. Ia ke kutimbakanni to pelalan, moi mesa' tau te'da wa'ding ssalli'i. Ia ke kusalli'ii, moi mesa' tau te'da wa'ding ntimbakanni.

Roma 1:7

Iami joo na aku' Paulus nnukiran kamu' tee sura' mati'. Dennaa upa' nabarakka'i kamu' Ambe'ta' Puang Allataala sola Puang Isa Almaseh, naben kamu' kamasannangan.

Pengkitanna Yahya 2:8

Nasuana' nakua, “Uki'i susi tee lako malaeka'na jamaa jio kota Smirna: Ia tee pepasan pole jio mai Aku', to pamulanna na cappa'na, to mangkamo mate, na tuo pole'. Iamo tee pepasan-Ku':

Pengkitanna Yahya 1:20

Ia to battuananna tee pitu bintuin to mukita jio lima kanan-Ku' sola tee pitu tongkonan bulawan susi tee: Ia to pitu bintuin, iamo malaeka'na to pitu jamaa. Na ia to pitu tongkonan, iamo to pitu jamaa.”

Pengkitanna Yahya 1:11

Mangkadami nakua, “Uki'i lan sura' to apa mukita, ammukiringanni lako tee pitu jamaa, iamo to jamaa jio kota Efesus, Smirna, Pergamus, Tiatira, Sardis, Filadelfia, na Laodikia.”

1 Korintus 1:3

Dennaa upa' nabarakka'i kamu' Ambe'ta' Puang Allataala sola Puang Isa Almaseh naben kamu' kamasannangan.

Pengkitanna Yahya 3:14

Nasuana' nakua, “Uki'i susi tee lako malaeka'na jamaa jio kota Laodikia: Ia tee pepasan pole jio mai Aku' to disanga Amin, todikatappa'i, sa'bi maruruh na tongan, garonto'na sininna to apa napaden Puang Allataala.

Pengkitanna Yahya 2:18

Nasuana' nakua, “Uki'i susi tee lako malaeka'na jamaa jio kota Tiatira: Ia tee pepasan pole jio mai Aku', Anak Allataala, to dukku matang-Ku' susi api na cumbia' aje-Ku' susi tambaga disa'po. Iamo tee pepasan-Ku':

Pengkitanna Yahya 2:12

Nasuana' nakua, “Uki'i susi tee lako malaeka'na jamaa jio kota Pergamus: Ia tee pepasan pole jio mai Aku' to ntoe pa'dang mataran wali-wali. Iamo tee pepasan-Ku':

Pengkitanna Yahya 1:1

Ia to issinna tee sura' iamo to apa la jaji madoi'. Napaui Puang Allataala lako Puang Isa Almaseh anna Ia mpangpeissenanni lako taun-Na. Iami joo nasuai Almaseh to malaeka'-Na mpangpekitanni lako aku' Yahya kaunan-Na.

Jamanna Rasulu' 19:10

Duang taun masainna nanii mangngajahhi tarruh bang susi joo, arannai ssa'ding ngasan kadan-Na Puang to tontorroi propinsi Asia, la to-Yahudi la to-Yunani.

Jamanna Rasulu' 2:9

kita' to-Partia, Media, Elam, Mesopotamia, Yudea na Kapadokia, to jio mai Pontus na Asia,

Pengkitanna Yahya 1:9

Ia tee aku', Yahya, padammi tomatappa'. Dipakario-rio todana' susi kamu', sanga umma'-Na todana' Puang Allataala. Iami joo napasabbara' todana' Puang Isa susi kamu'. Dipali'na' ntee pulau Patmos, sanga mpangpeissenanna' kadan-Na Puang Allataala sola mpauna' kasa'bianku' to curitanna Puang Isa.

Pengkitanna Yahya 1:17

Tirokonna' jio olo-Na susi tomate dikita, apa natoena' lima kanan-Na namangkada kumua, “Danggi' mumalaja'! Aku'mo pamulanna sola cappa'na.

Pengkitanna Yahya 8:2

Angkukita pitu malaeka' ke'deh jio olo-Na Puang Allataala nadiben pitu tarompe'.

Pengkitanna Yahya 16:5

Ssa'ding pole' omo' malaeka' to ngkuasai wai mangkada nakua, “Oo, Puang! Mala'bihki', denki' tee too, na den toomiki' tonna jolona. Maruruhki' rra'tahhi kara-karana tolino susi tuu.

Pengkitanna Yahya 22:8

Ia tee aku' Yahya to mangka ssa'dingngi sola ngkita ngasanni tee. Ia tongkumangkamo ssa'dingngi sola ngkitai, suju'mo' jio olona la ssompai joo malaeka' to mangka mpakitanna'.

Pengkitanna Yahya 22:16

Mangkadai Puang Isa nakua, “Aku' Puang Isa, mangkamo kusua to malaeka'-Ku' la mpamanassai to sininna tee lako jamaa. Aku'mo bati'na Raja Daud. Aku'mo susi bintuin sulo bai to mangngarrang ke melambi'.”