Pengkitanna Yahya 1:2 - Alkitab Duri

² Kuuki'mi sininna to apa kukita. Na inde'mi to pengkitangku'. Iamo joo pepasan-Na Puang Allataala na kasa'bian-Na Puang Isa Almaseh.

Pengkitanna Yahya 1:2 Referans Kwoze

1 Korintus 1:6

Iamo mpamanassai kumua ia to pangngajaran jio mai Almaseh mikatappa'i tonganmo,

Pengkitanna Yahya 12:17

Liwa' birih joo naga lako joo baine anna male rrarii to anak laenna, iamo to tonturu' pakkaeloran-Na Puang Allataala sola to menjaji sa'bin-Na Puang Isa.

1 Yahya 1:1

Ia to issinna tee sura', iamo Kada to mangpatuo. Ia joo Kada mangpatuo denmo mammula jiona mai na mangkamo kisa'ding, na kikitamo, na kitoe toomo.

Yahya 21:24

Iamo tee to anak gurun-Na mpangpeissenanni to sininna tee kajajian, na ia toomo mangka nnuki'i. Na taissen kumua tongan ngasan to apa napau.

Yahya 19:35

Ia to tongkitai joo apa jaji, iamo ncuritai, ammimatappa' toda. Na tongan joo kadanna, na naissen kumua tongan to napau.

Pengkitanna Yahya 1:19

Iamo joo uki'i to apa mukitamo, to apa jajimo too, sola to apa la jaji.

Pengkitanna Yahya 1:9

Ia tee aku', Yahya, padammi tomatappa'. Dipakario-rio todana' susi kamu', sanga umma'-Na todana' Puang Allataala. Iami joo napasabbara' todana' Puang Isa susi kamu'. Dipali'na' ntee pulau Patmos, sanga mpangpeissenanna' kadan-Na Puang Allataala sola mpauna' kasa'bianku' to curitanna Puang Isa.

Jamanna Rasulu' 26:16

Ke'dehmoko! Iamo kupangpekitan kale-Ku' lako iko, nasaba' la kupupenjajiko tompangjamanna'. La mupangpeissenan lako tau apa to mukita tee too sola to apa la kupakitanpoko dau.

Yahya 12:17

Buda tau to nasolan Puang Isa tonna tambaii to Lazarus messun lan mai liang anna patuo pole'i jio mai kamatean, male bang mpangpeissenanni joo kareba.

Pengkitanna Yahya 6:9

Ia tonna piakki to segel mangpellima, ta'pa kukitami bombona to tomangka dibuno, nasaba' mpangpeissenanni kadan-Na Puang Allataala sola mpaui kasa'bianna. Ia tuu lako bombo jioi do'na to ngenan pangkaroban

1 Yahya 4:14

Kikitamo kami' na kipangpeissenan toomo kumua nasuami Ambe' Puang Allataala mentolino to Anak Allataala anna pasalama'i to tolino.

1 Korintus 2:1

Ee, tomala'bihku' sola ngasan! Ia tongkuratu iti' mpaissenni kamu' to apa napamanassa Puang Allataala to te'dapa naissenni to totangnturu' Puang, ia joo wattu te'da kupake kapaissenan tolinoku' ba'tu kada mala'bih.

Jamanna Rasulu' 4:20

Ia ke kami', te'da kilantorroii mpaui apa to mangkamo kikita sola kisa'ding.”

Yahya 3:11

Katappa'i, kipau to apa kiissen sola kipangpeissenan to apa kikitamo, apa te'da mitarimai.

Yahya 1:32

Napangpeissenan tooi Nabi Yahya nakua, “Ngkitana' Roh Allataala susi jangan-jangan mellao jao mai langi', natorro jao Puang Isa.

Pengkitanna Yahya 12:11

Mangkami nataloi padanta' tomatappa' mpake rara-Na Anak Bembala' ba'tu rara-Na Puang Isa na Kareba Kasalamatan to mangkamo napangpeissenan. Te'da najampangngi sunga'na moi na la mpumatei.

3 Yahya 1:12

Ia to Demetrius napau melo ngasan tau, moi Puang Allataala mpau melo tooi. Na moi kami' kipau melo too, na muissen kumua tongan to apa kipau.

Jamanna Rasulu' 22:15

Ia to apa mangka mukita sola musa'ding la mupangpeissenan lako sininna tau.

Pengkitanna Yahya 1:11

Mangkadami nakua, “Uki'i lan sura' to apa mukita, ammukiringanni lako tee pitu jamaa, iamo to jamaa jio kota Efesus, Smirna, Pergamus, Tiatira, Sardis, Filadelfia, na Laodikia.”

Pengkitanna Yahya 20:4

Mangkai joo too ngkita omo' ba'tu pira-pira cadokkoan mala'bih, na ia to cumadokko jao diben kuasa mangra'tah kara-kara. Kukita tooi bombona to todile'toi ulunna, sanga mpangpeissenanni karebanna Puang Isa na kadan-Na Puang Allataala. Ia tuu lako tau te'da ia nasompai to olok-olok sola tau-taunna. Te'da too natarimai to tandana joo olok-olok to dipajio kide na lima. Tuo pole'i namangparenta sola Almaseh sangsa'bu taunna.

Pengkitanna Yahya 22:21

Dennaa upa' anna pangben barakka'-Na to Puang Isa lako sininna umma'-Na.