Pengkitanna Yahya 1:15 - Alkitab Duri

¹⁵ Ia to aje-Na cumbia'-bia' susi tambaga disa'po na gamaran-Na nnongngoh susi wai sarambu gaja tonggo.

Pengkitanna Yahya 1:15 Referans Kwoze

Daniel 10:6

Ia to batang kalena susi paramata tarsis na susi palepa' cumbia' to lindona. Ia to matanna susi sulo dukku-dukku. Ia to limanna sola ajena cumbia' susi tambaga mangka disa'po, na ia to gamaranna disa'ding susi gamaranna ke budai tau.

Pengkitanna Yahya 14:2

Angkusa'ding gamara jao mai suruga susi oni wai mentalanda gaja buda sola susi oni galugu gumaluguh liwa' tonggo. Ia joo gamara kusa'ding susi too oni mossi' napannoni tomangcu'bikan.

Pengkitanna Yahya 19:6

Mangkai joo too kusa'ding pole' omi susi gamaranna to sangtorroan tau buda, susi bombang nnumbung na susi galugu gumaluguh. Mangkada nakua, “Pakala'bihhi Puang! Mangparentami Puangta' Puang Allataala to makuasa!

Pengkitanna Yahya 2:18

Nasuana' nakua, “Uki'i susi tee lako malaeka'na jamaa jio kota Tiatira: Ia tee pepasan pole jio mai Aku', Anak Allataala, to dukku matang-Ku' susi api na cumbia' aje-Ku' susi tambaga disa'po. Iamo tee pepasan-Ku':

Pengkitanna Yahya 10:1

Ngkita omo' mesa' malaeka' laen mawatang mellao jao mai suruga naputu' saleu' mpake mahkota tarauwe. Na lindona mangngarrang susi allo, na ia to ajena mangngarrang too susi api.