Matius 9:9 - Alkitab Duri

⁹ Ia tonna mpatarruhmo kalingkan-Na Puang Isa, ngkitami mesa' passassung disanga Matius cumadokko lan kantoro'na. Nakua Puang Isa lako, “Maleko mai nturu'na', kupuanak guruko!” Ta'pa ke'dehmi anna male nturu'i.

Matius 9:9 Referans Kwoze

Markus 3:18

Andreas, Filipus, Bartolomeus, Matius, Tomas, Yakub anakkana Alfeus, Tadeus, Simon to-Zelot (battuananna Simon tobarani),

Galatia 1:16

Ia tonna puelohmi Puang Allataala, napangpeissenanmi to Anak lako aku' lan pengkita, kumua la kupangpeissenanni lako bangsa tangngia to-Yahudi. Na ia joo wattu te'damo kupeta'da pangngampa'na tolino.

Jamanna Rasulu' 1:13

Ia tonna mentamamo kota, endekmi de' kamara' jaonan to nanii torro unamo Petrus sola Yahya, Yakub sola Andreas, Filipus sola Tomas, Bartolomeus sola Matius, Yakub anakkana Alfeus, Simon tobarani sola Yudas anakkana Yakub.

Lukas 6:15

Matius na Tomas, Yakub anakkana Alfeus na Simon (to disanga too tobarani),

Matius 10:3

Sitarruhna Filipus, Bartolomeus, Tomas, Matius to passassung, Yakub anakkana Alfeus, Tadeus,

Matius 8:22

Apa mebalimi nakua, “Undiko nturu'na'! Ake'mo na tomatemora llamun tomatena.”

Matius 9:10

Ia tonna kumande Puang Isa sola anak gurun-Na jio bolana Matius, ratumi buda to passassung laen, sola to tonasangamo tau togaja', nakumande sola.

Matius 20:4

Nakuamo ngkuanni, ‘Ia ammimadoang kumande gaji, male kamu' lako bara'bah anggoro'ku'. Sitinaja to gaji.’