Matius 9:13 - Alkitab Duri

¹³ Te'da kuratu la ntulung tossanga kalena tomelo, apa ratura' ntulung tomadosa, anna mengkatoba'. Pelajahhii apa battuananna tee kadan-Na Puang Allataala lan Sura' Allataala, ‘Kamamaseanra lako padammi rupa tau to kuangah, tangngia karoba olok-olok.’ ”

Matius 9:13 Referans Kwoze

Markus 2:17

Nasa'ding Puang Isa to pekutananna, napebalii nakua, “Ia to tomalagah te'da naparallu tomangjampi, apa to tomasakira mparallui tomangjampi. Te'da kuratu la ntulung to tossanga kalena tomelo, apa ratura' ntulung tomadosa, anna mengkatoba'.”

Lukas 19:10

Ia tee Aku' Anak Mentolino, ratuna' nnangah sola mpasalama' tolao sala.”

Lukas 5:32

Te'da kuratu la ntulung tossanga kalena tomelo, apa ratura' ntulung tomadosa, dikua namengkatoba' jio mai dosana.”

Matius 12:7

Jaji makuasana' mpattantui apa to wa'ding dipugauk ke Allo Katorroan nasaba' Puangnana' Allo Katorroan tee Aku', Anak Mentolino. Den diuki' lan Sura' Allataala kumua, ‘Kamamaseanra lako padammi rupa tau to kuangah, tangngia karoba olok-olok.’ Ia ke mipahang tonganni tee, te'damo milampasalai to totangsala.”

Kada Bulawan 21:3

La'bih Nakabudai Puang Allataala to makassing sola maruruh mangra'tah, na ia to mpassompan karoba.

Jamanna Rasulu' 3:19

Ee todipusile'to! Iamo joo la mpenassanni kamu' dosami mimengkatoba', mimenturu' lako Puang Allataala anna dita'dei to dosami,

Jamanna Rasulu' 11:18

Mangkanna nasa'ding joo, napahangmi. Mpakala'bihmira Puang Allataala nakua, “Ianna susi joo, moi pale' bangsa tangngia to-Yahudi natarima toomi Puang Allataala, ke mengkatoba'i jio mai dosana, anna benni katuoan melo te'da cappa'na.”

Matius 3:2

“La mengkatoba' kamu' jio mai dosami, nasaba' cingga'tu'mora naratu Puang Allataala mangparenta susi Raja.”

Jamanna Rasulu' 5:31

Napamatande napajioi sa'de kanan-Na, namenjaji Raja Mangpasalama', dikua anna den wattunna to bangsa Israel namengkatoba' jio mai dosana na didampangan.

Lukas 24:47

Den too diuki' kumua la dipangpeissenan joo Kareba, mpake sangan-Na Almaseh, lako sininna bangsa lan lino anna mengkatoba' jio mai dosana, nadampanganni Puang Allataala. Na ia joo Kareba dipangpeissenan mangpamula jio mai kota Yerusalem.

Matius 4:17

Ia joo wattu napamulami Puang Isa mpangpeissenanni kumua, “La mengkatoba' kamu' jio mai dosami, nasaba' cingga'tu'mora naratu Puang Allataala mangparenta susi Raja.”

Jamanna Rasulu' 2:38

Napebalii Petrus nakua, “Mengkatoba' kamu' jio mai dosami, ammipada mpangben kalemi dijio' mpau sangan-Na Puang Isa Almaseh anna dampangan kamu' Puang Allataala, naben too kamu' Roh Allataala.

Matius 3:8

Iamo joo la mipangpekitan to panggaukan melomi mpamanassai kumua mengkatoba'mo kamu' jio mai dosami!

Jamanna Rasulu' 20:21

Tuli kupangngingaran la lako to-Yahudi na lako bangsa laen anna mengkatoba' jio mai dosana, na mpangben kalena lako Puang Allataala, na matappa' lako Puangta' Puang Isa.

Matius 21:42

Nakuamo Puang Isa lako, “Tantu denmo mibacai lan Sura' Allataala to mpauna' kumua, ‘Ia to batu naca'bean pande bola menjajimo batu ariri petuo. Iamo tee panggaukan-Na Puang Allataala to kaminang melo.’ ”

Matius 12:3

Mebalimi nakua, “Tantu mibacamo to apa napugauk Daud, tonna tangbarahmo sola surudadunna.

Markus 12:26

Na buttinna kumua ia to tomate dipatuo pole', tantu mibacamo to apa diuki' lan sura'na Nabi Musa, to mpaui to pangngala-ala duri dukku! Nakua Puang Allataala lako Nabi Musa, ‘Aku'mo Puang Allataala to nasompa Nabi Ibrahim, Ishak na Yakub.’

Yahya 10:34

Nakua Puang Isa, “Den diuki' lan Sura' Allataala kumua: Nakua Puang Allataala, ‘Kamu'mo dipapada allataala.’

Matius 19:4

Mebalimi Puang Isa nakua, “Te'daparaka mibacai lan Sura' Allataala kumua sipamulanna lino napaden Puang Allataala to muane sola baine?

Matius 12:5

Tangden toomoraka mibacai to sura'na Nabi Musa kumua, ia to imang mangjama bang lan Bola Puang Allataala ke Allo Katorroan, to tangsituru' atoran, na te'da nadipasala?

Lukas 10:26

Mebalimi nakua, “Apara to diuki' lan atoranna Nabi Musa? Umbora nakua pahangmu joo?”

Markus 12:33

Jaji, ia to tau la mpakamoja' Puang Allataala situru' sininna kamadoanganna, sininna kapaissenanna na sininna kapakulleanna. Na la mpakamoja' too padanna rupa tau, susi ia mpakamoja' kalena. Ia joo la'bih melo, na ia to mpangkaroban apa ditunu na karoba laen lako Puang Allataala.”

Lukas 5:31

Mebalimi Puang Isa nakua, “Ia to tomalagah te'da naparallu tomangjampi, apa to tomasakira mparallui tomangjampi.