Matius 9:12 - Alkitab Duri

¹² Nasa'ding Puang Isa to pekutananna, napebalii nakua, “Ia to tomalagah te'da naparallui tomangjampi, apa to tomasakira mparallui tomangjampi.

Matius 9:12 Referans Kwoze

Lukas 5:31

Mebalimi Puang Isa nakua, “Ia to tomalagah te'da naparallu tomangjampi, apa to tomasakira mparallui tomangjampi.

Lukas 9:11

Apa naissen tobuda kumua malemi, naundi nturu'i. Napessitammuimi, namangngajahhi umbo nakua to tau menjaji taun-Na Puang Allataala lan kaparentan-Na. Napamalagah ngasan tooi to tomasaki.

Markus 2:17

Nasa'ding Puang Isa to pekutananna, napebalii nakua, “Ia to tomalagah te'da naparallu tomangjampi, apa to tomasakira mparallui tomangjampi. Te'da kuratu la ntulung to tossanga kalena tomelo, apa ratura' ntulung tomadosa, anna mengkatoba'.”

Lukas 8:43

Den mesa' baine to sangpulo duamo taunna maparri' tongan nasa'ding, nasaba' macarepa tarruh bangngi. Puramo to ewananna nabaluk napake male mangpejampi lako dottoro', apa te'da nakullei mpamalagahhi.

Kolose 4:14

Padanta' tomatappa' dottoro' Lukas, to tapakamoja', ngkiring sallangna mati', susi toda Demas.

Matius 18:11

Nasaba' Aku', Anak Mentolino, mentama lino la mpasalama' to tolao salamo natumang dosa.]