Matius 8:22 - Alkitab Duri

²² Apa mebalimi nakua, “Undiko nturu'na'! Ake'mo na tomatemora llamun tomatena.”

Matius 8:22 Referans Kwoze

Lukas 15:32

Paralluki' mangmaroah-roah, nasaba' ia joo adimmu samannamo to mangka mate, apa tuo pole'mi. Mangkami ta'de, apa diampa'mi.’ ”

Kolose 2:13

Ia tonna jolona susimo kamu' tomate, te'da miampui katuoan baru jio mai Puang Allataala, nasaba' madosa kamu', na te'da midisunna' situru' atoran agama to-Yahudi. Apa ia tee too napatuomo kamu' Puang Allataala sola Almaseh. Nadampanganki' moi nabuda dosata'.

Efesus 5:14

Nasaba' ia to pakkaeloran-Na mpaissennii joo tau. Iamo joo naden dipau kumua, “Ee, iko to mamma'na, mi'cikmoko, ammutuo pole' jio mai kamatean, anna la napamanassanko Almaseh to pakkaeloran-Na Puang!”

Efesus 2:5

Iamo joo ia tontasusi unapa tomate natumang dosata', napatuo pole'miki' sola Almaseh. Napasalama'ki', nasaba' kameloan penawan-Na.

Efesus 2:1

Ia tonna jolona susi kamu' tomate, te'da miampui katuoan baru jio mai Puang Allataala, natumang kedo gaja'mi sola dosami.

1 Timotius 5:6

Apa ia to baine te'damo muanena na nturu'i bang pakkaeloran penawanna, sitonganna tomatemo ia, moi natuo unapa.

Yahya 1:43

Masawanna mangngattami Puang Isa male lako tana Galilea. Sitammumi Filipus, nakuanni, “Maleko mai nturu'na'.”

Matius 9:9

Ia tonna mpatarruhmo kalingkan-Na Puang Isa, ngkitami mesa' passassung disanga Matius cumadokko lan kantoro'na. Nakua Puang Isa lako, “Maleko mai nturu'na', kupuanak guruko!” Ta'pa ke'dehmi anna male nturu'i.

Matius 8:21

Den pole' omi mesa' tonturu'i meta'da nakua, “Oo, Puang! Eloranpa' jolo' kupole llamun ambe'ku'.”

Markus 2:14

Ia tonna polemo, ngkitami mesa' passassung disanga Lewi anakkana Alfeus cumadokko lan kantoro'na. Nakua Puang Isa lako, “Maleko mai, nturu'na', kupuanak guruko!” Ta'pa ke'dehmi anna male nturu'i.

Lukas 9:59

Nakuamo Puang Isa lako mesa' tau laen, “Undiko nturu'na'.” Apa nakua joo tau, “Oo Puang! Eloranpa' jolo' kupole llamun ambe'ku'.”

Lukas 9:60

Apa mebalimi nakua, “Ake'mo na tomatemora llamun tomatena. Apa maleko mpangpeissenanni kumua la ratumi Puang Allataala mangparenta susi Raja.”

Lukas 15:24

nasaba' ia tee anakkaku' samannamo to mangka mate natuo pole', mangkami ta'de nadiampa'.’ Napamulami mangmaroah-roah.

Yahya 21:19

Mangkadai susi joo Puang Isa mpangpeissenanni umbo nakua carana to kamateanna Petrus anna pumala'bihhi Puang Allataala. Mangkai joo too, nakuamo Puang Isa ngkuan Petrus, “Undiko nturu'na'!”

Yahya 21:22

Mebalimi Puang Isa nakua, “Ia ke la madoangna', moi ia tuopa kuratu pole' keanu', tangngia iko issenmu. Apa ia to iko, undiko nturu'na'!”