Matius 8:12 - Alkitab Duri

¹² Na sitonganna buda to-Israel to sipato' la menjaji umma'-Na Puang Allataala, la dica'bean tama ngenan malillin, iamo to disanga naraka. Ntuu jio la nanii kumarrak na sunggarigi'.”

Matius 8:12 Referans Kwoze

Matius 25:30

Ia joo kaunan tangmakkeguna, ca'beanni lako ngenan kaminang malillin. Ntuu jio nanii kumarrak sola sunggarigi'!’ ”

Lukas 13:28

Ia ke mikitami Nabi Ibrahim, Ishak na Yakub sola sininna nabi laen mangmaroah-roah lan Lino Barun-Na Puang Allataala, la kumarrak kamu', misunggarigi', nasaba' diula'i kamu'!

Matius 21:43

Nakuamo Puang Isa lako tuu lako kapala imang sola pekaamberan to-Yahudi, “La miingaran! Te'da milampumanahhi to manahna umma'-Na Puang Allataala. La dialai kamu' nadiben lako bangsa to madoang nturu' parenta-Na Puang Allataala. [

Matius 13:50

Ia to totangmenturu' lako Puang Allataala la dipatama api naraka manglaka-laka nanii tau sikarrakan sola sunggarigi'.”

Matius 13:42

La dipatama api naraka manglaka-laka nanii tau sikarrakan na sunggarigi'.

Matius 24:51

Napemoncongngimi puangna, napatamai ngenan tomajekkong, to nanii tau sikarrakan sola sunggarigi'.”

Yudas 1:13

Susi tooi bombang liwa' tonggo jiong tasik mangkambura carepa, nasaba' pajan bangmo to panggaukan mesirisanna. Susi tooi bintuin liu lako liu jio mai, apa napasadianmo Puang Allataala ngenan kaminang malillin te'da cappa'na.

2 Petrus 2:17

Ia tuu lako guru tangtongan te'da bua'na susi kalimbuah ma'timo ba'tu susi saleu' ssamboi padang menta'dean nairi' kalimpuru. Napasadianmo ngenan Puang Allataala to liwa' malillin, la napanianni.

2 Petrus 2:4

La jajii susi joo, nasaba' te'da natangssessai Puang Allataala to malaeka' madosa, apa napembuanganni tama naraka, napatamai posi' tana malillin, to dinii ntarungkui arannai nadete' to wattu nanii Puang Allataala rra'tah kara-karana.

Roma 9:4

Iamo to to-Israel napilei Puang Allataala anna pupenjajii anak, napakitanni kamala'biran-Na. Mangkami dipadenan basse nadiben atoran agama, umbo nakua ssompa Puang Allataala.

Jamanna Rasulu' 3:25

Kamu'mo bati'na joo nabi. Na ia to basse-Na, napaden Puang Allataala lako tojolomi, dipatuju lako kamu'. Ia tonna paui Puang Allataala to basse-Na lako Nabi Ibrahim, nakua kumua, ‘La kubarakka'i to sininna bangsa lan tee lino, sanga bati'mu.’

Matius 13:38

Ia to uma dipangpasusii lino. Banne melo dipangpasusii tomenjajimo umma'-Na Puang Allataala. Na ia to pare-pare dipangpasusii tonturu' Ballisi'.

Pengkitanna Yahya 22:15

Apa ia to tau mpugauk bangngi to panggaukan gaja', susinna topangkita-kita, tomanggauk sala, topabuno, tossompa dewata, topangnguraga la kadanna, la panggaukanna, ia ngasan tee tau la saleanan jio mai joo kota.