Matius 7:6 - Alkitab Duri

⁶ Danggi' mupangben apa mala'bih lako asu, nasaba' la messailei ngkengkeko, na danggi' mupangben mutiaramu lako bai, nasaba' la naleseri.”

Matius 7:6 Referans Kwoze

Kada Bulawan 23:9

Danggi' mupangngajahhi to tobattuk, nasaba' te'da na la nnangga'i to kada bulawanmu.

Kada Bulawan 26:11

Ia to tobattuk ndadu'-dadu' bang mpugauk kabangosanna, padai to asu llepa'i luana.

Filipi 3:2

Majaga kamu' lako guru tangtongan, nasaba' gaja' to sipa'na susi sipa' asu. Majaga kamu' lako to tomangparuku massunna',

Matius 15:26

Mebalimi Puang Isa nakua, “Te'da namelo ke dialai to kandena pea nadiben asu.”

Ibrani 10:29

Tantu la'bih disessai to tocia'mo matappa' lako Almaseh. Ia tuu lako tau susi to llese-lese Anak Allataala. Te'da toomo naangga'i to rara basse-Na Puang Allataala, iamo to kamatean-Na Almaseh, to mangka mpupenjaji tau, tau mesan-Na Puang Allataala. Te'da too naangga'i to Roh Allataala to nabenki' Puang Allataala, sanga kameloan penawan-Na.

2 Petrus 2:22

Ia to apa napugauk mpamanassai tee sambenan kada to kumua, “Ia to asu la ngkande pole' luahna,” na “Ia to bai mangkamo dijio', namale pole' mennombang.” Sipato' joo kada dipatuju lako tuu lako tau, nasaba' pole pole'i mpugaukki to panggaukan gaja' to pura naboko'imo.

Matius 24:10

Ia joo wattu buda tau la balik mentangmatappa', na la mpangpejokkoan solana na sikaba'ci too.

Kada Bulawan 11:22

Te'da bua'na to bulawan dicaliccingan bai, susi toomi to baine malolo apa tangmelo akkalanna.

2 Korintus 11:26

Pembudamo' mperasai pa'dik lan kalingkanku'. Susinna napakalaja'na' parampo', abala' wai saba', abala' jio mai to-Yahudi, na abala' jio mai bangsa tangngia to-Yahudi, abala' lan kota na salean kota, abala' jiong tasik, abala' jio mai tomatappa' tangtongan.

Kada Bulawan 26:4

Danggi' mupebalii pekutana bango'na tobattuk, dikua nadanggi' mupada bango'.

Matius 7:5

Ee, tomajekkong! Alaii jolo' to kaju sangbatang lan matammi! Ianna macoramo pengkitanmi, mane'ra kamu' wa'ding nnalaii to bulicak lan mai matanna padammi rupa tau.

Pengkitanna Yahya 22:15

Apa ia to tau mpugauk bangngi to panggaukan gaja', susinna topangkita-kita, tomanggauk sala, topabuno, tossompa dewata, topangnguraga la kadanna, la panggaukanna, ia ngasan tee tau la saleanan jio mai joo kota.