Matius 7:23 - Alkitab Duri

²³ Apa la kukuan pissenri, ‘Ee togaja', palai kamu' ntee! Tangngia kamu' taung-Ku'!’ ”

Matius 7:23 Referans Kwoze

Matius 25:41

Mangkai joo too kukuamo lako to to jio sa'de kairing-Ku' kumua, ‘Ee, kamu' to ditampakki ropu, palai kamu' ntee! Mentama kamu' api naraka dukku te'da cappa'na, to dipasadianmo Ballisi' sola tuu lako malaeka'na.

Lukas 13:27

Apa la nakuan pole' kamu' joo ampu bola kumua, ‘Ee togaja', palai kamu' ntee! Te'da kuissenni topole umbora kamu'.’

Lukas 13:25

Ia ke malemi to ampu bola llacak bolana, la jenjen bangmo kamu' jio salean ammimeta'da kumua, ‘Oo, ampu bola! Timbakanpakan bolata'!’ La mebalii joo ampu bola nakua, ‘Te'da kuissenni topole umbora kamu'!’

Matius 25:12

Apa mebalii joo tobotting muane nakua, ‘Te'da lalo kuissen kamu'!’ ”

Yahya 10:14

Aku'mo tomangrewa makanana'. Susi Ambe' nnissenna', na Aku' nnissen Ambe', susi toda Aku', kuissen ngasan to bembala'-Ku' na ia ngasan toda nnissenna', na mpangbenna' sunga'-Ku' ssulle bembala'-Ku'.

Pengkitanna Yahya 22:15

Apa ia to tau mpugauk bangngi to panggaukan gaja', susinna topangkita-kita, tomanggauk sala, topabuno, tossompa dewata, topangnguraga la kadanna, la panggaukanna, ia ngasan tee tau la saleanan jio mai joo kota.

2 Timotius 2:19

Apa ia to pangngajaran tongan jio mai Puang Allataala susi pondasi mawatang to te'da nalatiroge. Den diuki' jio ntuu joo pondasi nakua, “Naissen Puang to taun-Na” sola “Te'damo nawa'ding mpugauk kagajatan to tomangngaku kumua, ‘Taunnana' Puang Allataala.’ ”