Matius 7:15 - Alkitab Duri

¹⁵ Mangpakainga'mi Puang Isa nakua, “Majaga melo kamu' lako nabi tangtongan, to mentama tangnga-tangngami mangmalamma-lamma susi bembala', apa sitonganna susi asu lampung penawanna.

Matius 7:15 Referans Kwoze

1 Yahya 4:1

Ee, tomala'bihku' to kupakamoja'! Danggi' mikatappa'i ngasan bangngi to tomangngaku nnampui Roh Allataala, apa pemanassai jolo' kumua Roh Allataala tonganmoraka to naampui, ba'tu tangngiaraka. Nasaba' budamo nabi tangtongan male bang llelei tondok.

Matius 24:11

Buda nabi tangtongan la ratu mpalao sala buda tau.

Kolose 2:8

Majaga kamu', danggi' naden tau mpalao sala kamu' nnajahhi kamu' kapaissenan tolino ammimengkaunan pole'. Te'da bua'na joo kapaissenan tolino, na te'da too napole jio mai Almaseh, apa pole jio mai tomakuasa ba'tu tomangparenta jao langi' to ngkuasai lino na pangngajaran disimanahhi jio mai tojolota'.

Pengkitanna Yahya 19:20

Apa ditalomi anna dijokko joo olok-olok sola nabi tangtongan, namane' dipembuangan tuo tama api colo' manglanya-lanya. (Ia to nabi tangtongan iamo to mangka mpugauk tanda makalaen-laen jio olona joo olok-olok. Ia joo tanda napake joo olok-olok mpalao sala tau to den tandana joo olok-olok jio kalena na ssompa tooi joo tau-taunna.)

Yudas 1:4

Gaja parallu joo, nasaba' denmo guru tangtongan mentama buni tangnga-tangngami. Nakua kumua, “Pada-padaki' tomatappa'”, apa sitonganna cia'i mengkaturu' lako Puang Allataala. Nakua too kumua, “Wa'ding bangki' manggauk sala situru' pakkaeloran penawanta', sanga mangpakamoja' to Puang Allataala.” Iamo carana mbalik salai to pangngajaran pangpakamoja'-Na Puang Allataala. Te'da too natarimai to Puang Isa Almaseh kumua Ia manda mesa-mesanna Puangta' to makuasa. Ia joo guru tangtongan la nasessa Puang Allataala, sanga napau jolo nabi tonna anu' to pangcalla napattantumo Puang Allataala la nalolongan to tau susi joo.

2 Petrus 3:17

Apa ia to kamu' to kupakamoja' miissen ngasanmo joo. Majaga kamu', danggi' mieloranni joo guru tangtongan mpalao sala kamu', miarannai bata, na te'damo mimatappa'.

Lukas 6:26

Macilaka kamu', ke napakala'bih kamu' tau, nasaba' susi toomo napugauk tojolona tuu lako tau mpakala'bih nabi tangtongan tonna anu'.”

2 Timotius 3:13

apa ia to togaja' na topangnguraga la sagaja'-gaja'nai. Ia tuu lako tau nnuraga tau laen, apa sitonganna moi ia diuraga too.

2 Timotius 4:3

Nasaba' la den wattunna nate'damo namadoang to tau mpesa'dingngi pangngajaran tongan. Sibalikanna rrempunri buda guru naajahhii to apa napumasannang penawanna, anna wa'ding nturu'i bang kamadoangan gaja'na.

Filipi 3:2

Majaga kamu' lako guru tangtongan, nasaba' gaja' to sipa'na susi sipa' asu. Majaga kamu' lako to tomangparuku massunna',

Efesus 4:14

Te'damo tasusi tontamane' matappa' napamale melako mangrupa-rupa pangngajaranna tokalasi, to madoang mpalao sala ba'tu nnuragaki'.

Galatia 2:4

moi naden ba'tu pira-pira tau la mpangpeparukuanni. Puang Isa Almaseh mangka lla'paranki' jio mai atoran agama, apa ia tuu lako tau to sitonganna tangngia padanta' tomatappa' mentama buni tangnga-tangngata' la hhalangngii to kadila'paranta', dikua napukaunan pole'ki' atoran agama.

Lukas 12:15

Mpatarruhhi kadan-Na Puang Isa lako tobuda ntuu jio nakua, “Majaga kamu', miingaran meloi, danggi' mimadoang nnassang sininna apa lan tee lino. Nasaba' ia to katuoanna tau te'da napole jio mai kasugiran, moi nasugih lallang.”

Pengkitanna Yahya 16:13

Na den tallu roh gaja' ba'tu setang kukita mangrupa tokko' simessunan lan mai anga'na naga, olok-olok to den tau-taunna, na nabi tangtongan.

Efesus 5:6

Danggi' mieloranni to tau susi joo mpalao sala kamu' mpake kada-kada mala'bih apa sitonganna te'da natongan. Nasaba' mabirih Puang Allataala lako to tocia' nturu' parenta-Na.

Jamanna Rasulu' 13:40

Iamo joo la mangpesa'ding melo kamu', danggi' najaji lako kalemi to apa dipau lan sura'na nabi nakua,

Yahya 10:12

Ia to tomangrewa to kumande gajira, te'da nasusi tomangrewa to nnampuii joo bembala'. Ia ke nakitai to asu lampung ratu, la palaii ssalaii to bembala'. Nasa'makki asu lampung joo bembala' napasisarak-sarakki.

Matius 16:11

Ciapari na te'da mipahangngi kumua tangngia roti tongan to kusanga, ‘Majaga kamu' lako raginna to-Farisi sola to-Saduki.’ ”

Matius 16:6

Mangkadami Puang Isa nakua, “Majaga kamu' lako raginna to-Farisi sola to-Saduki.”

Matius 10:17

La majaga kamu', nasaba' la dijokko kamu', ammidipangngolo lako tomangra'tah kara-kara. La dirambi kamu' lan bola passambajangan.

Pengkitanna Yahya 17:6

Angkukitai joo baine nalango rarana umma'-Na Puang Allataala sola rarana to tomangka nabuno, nasaba' ngkatappa'i Puang Isa. Ia tongkukitai joo baine jangngahna'.

Jamanna Rasulu' 13:6

Naguririkki ngasan joo pulau ratu lako kota Pafos. Den mesa' to-Yahudi nasitammuan jio disanga Baryesua, macca massando na ssanga too kalena nabi. (Lan basa Yunani disanga Elimas.)

Daniel 11:34

Mukkun bang unapa to tomacca dipatei na den tontulungngi apa ci'di'ra. Den too buda tau madoang nasolan apa naanggai'-gai'ra, sanga denri apa nakadoangngi.

Matius 7:14

Apa gaja si'pi' to babangan na si'pi' too to lalan diola lako katuoan melo te'da cappa'na, na ci'di'ra tau to nnampa'i.”

Pengkitanna Yahya 20:10

Na ia to Ballisi' mangka mpalao salai tuu lako tau, dipembuanganni tama api colo' manglanya-lanya to mangkamo dinii pembuanganni to olok-olok na nabi tangtongan. La dipa'dikki allo-bongi te'da cappa'na.