Matius 7:13 - Alkitab Duri

¹³ Mangngajahhimi Puang Isa nakua, “Nnola tama kamu' babangan si'pi', nasaba' maluah to babangan na maluah too to lalan diola lako naraka na buda tau nnolai.

Matius 7:13 Referans Kwoze

Kada Bulawan 16:25

Den tau nasanga melo to apa napugauk, apa cappa'na mebawa lako kamatean.

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Yahya 10:9

Aku'mo to susi babangan. Ia to tomentama bala na Aku' naola, la salama'i. Ia joo tau la susi to bembala' mentama messun balana nnampa' kande.

Kada Bulawan 9:6

Pajaimi mbango'-bango'i kalemi, namanyaman katuoanmi, turu'i to lalan kamapahangan!”

Galatia 5:24

Na ia to taun-Na Puang Isa Almaseh mangkami naca'bean to kamadoangan gaja'na.

Matius 3:2

“La mengkatoba' kamu' jio mai dosami, nasaba' cingga'tu'mora naratu Puang Allataala mangparenta susi Raja.”

Matius 3:8

Iamo joo la mipangpekitan to panggaukan melomi mpamanassai kumua mengkatoba'mo kamu' jio mai dosami!

2 Korintus 6:17

Iamo joo salaii tuu lako tocia' matappa' lako Puang Allataala, messarak kamu' jio mai tuu lako tau. Danggi' lalo misitumbu to apa harang, angkuwa'ding ntarima kamu'.

Matius 23:13

Nakua omo Puang Isa mpatarruh kadanna, “Macilaka kamu' to guru agama sola to-Farisi, nasaba' tomajekkong kamu'! Tangmieloran to tau menjaji umma'-Na Puang Allataala. Te'da mimadoang menjaji umma'-Na, na ia to tomadoang kannori mianggai. [

Filipi 3:19

Mangkatampakanna la sabu' tuu lako tau, nasaba' mpupuang ba'tangna, mpumatampo panggaukanna to mesirisan, na ia to tangngahna napatuju lako mandai katuoan lan lino.

2 Korintus 4:4

Ia to Ballisi', to ngkuasaii tee lino, iamo ssamboii tangngahna tuu lako tote'da namatappa', anna te'da nakitai to arrangna Kareba Kasalamatan to napupangngarrang kamala'biran-Na Almaseh to sangrupa bang una Puang Allataala.

Jamanna Rasulu' 3:19

Ee todipusile'to! Iamo joo la mpenassanni kamu' dosami mimengkatoba', mimenturu' lako Puang Allataala anna dita'dei to dosami,

Pengkitanna Yahya 20:3

Namane' pembuanganni joo naga do' posi' tana, nagoncingngi to lalan, nasegel tooi sangsa'bu taunna, danggi' napalao sala bangsa lan lino, ke te'dapi naangge to wattu sangsa'bu taunna. Mangkai joo too la dila'paranni cingga'tu'.

1 Yahya 5:19

Taissen kumua napuanakmiki' Puang Allataala, moi nakuasaii Ballisi' to tolino tangnturu' Puang Allataala.

Matius 25:46

Ia tuu lako tau susi joo la disessa te'da cappa'na, apa ia to tompugauk pakkaeloran-Na Puang Allataala la diben katuoan melo te'da cappa'na.”

Matius 25:41

Mangkai joo too kukuamo lako to to jio sa'de kairing-Ku' kumua, ‘Ee, kamu' to ditampakki ropu, palai kamu' ntee! Mentama kamu' api naraka dukku te'da cappa'na, to dipasadianmo Ballisi' sola tuu lako malaeka'na.

Pengkitanna Yahya 13:8

La nasompa sininna to totuo lan lino, saliwanna to tomangkamo diuki' sanganna lan Sura' Katuoan tonna te'dapa nadipaden tee lino. Ia to Sura' Katuoan, sura'-Na Anak Bembala' to mangkamo digere'.

Roma 9:22

Susi toomi to wa'ding napugauk Puang Allataala lako kita' tolino. Madoang Ia mpapajan kamagallian-Na sola kuasan-Na lako to sipato' dipabalahhi. Apa sabbara'i,

Lukas 14:33

Mpatarruhhi kadan-Na Puang Isa nakua, “Susi toda kamu'. Te'da bang kamu' mesa' tau ngkullei menjaji tonturu'na', ke te'da mipasalaii penawa to apammi.

Pengkitanna Yahya 12:9

nadipenca'bean tama lino sola sininna malaeka'na. Ia to naga, iamo to ulah tua disanga Ballisi' ba'tu puanggawana setang to mpalao sala sininna tau lan lino.

Lukas 9:33

Ia tonna la malemo joo tau sola duai ssalai Puang Isa, nakuamo Petrus lako Puang Isa, “Oo Guru, masannangki' ntee. Melo ke ngkabua'kan tallu bola-bola, mesa' tanii, mesa' nanii Nabi Musa, na mesa' nanii Nabi Elia.” (Ia joo kada napau punala bangri Petrus, te'da naissenni patunna.)

Kada Bulawan 7:27

Ia to bolana iamo lalan lako lino tomate to mangnguju do' lamunan.

Matius 7:14

Apa gaja si'pi' to babangan na si'pi' too to lalan diola lako katuoan melo te'da cappa'na, na ci'di'ra tau to nnampa'i.”