Matius 6:2 - Alkitab Duri

² Jaji, ia ammimangpangben, danggi' mipau-paui susi tomajekkong. Ia to tau susi tuu lako nakabudai mpugauk panggaukan makassing lan bola passambajangan, ba'tu jio lalan maroah, dikua nakitai tau napujii. La miingaran tee kadang-Ku' kumua, mangkami ia natarima to pahalana.

Matius 6:2 Referans Kwoze

Matius 6:5

Mangngajahhimi Puang Isa nakua, “Ia ammimassambajang, danggi' misusi tomajekkong. Ia to tau susi tuu lako nakabudai massambajang lan bola passambajangan sola jio too pangpasitammuan lalan, dikua nakitai tau. La miingaran tee kadang-Ku' kumua, mangkami ia natarima to pahalana!

Matius 6:16

Mangngajahhimi Puang Isa nakua, “Ia ammipuasa, danggi' mimenggamuru bang susi tomajekkong. Ia to tau susi joo naanggai' bang tangmendau', dikua naissenni tau kumua puasai. La miingaran tee kadang-Ku' kumua, mangkami ia ntarimai to pahalana!

Yahya 5:41

Te'da kuparallu nakasiri' tolino.

Ibrani 13:16

Danggi' mitangnningaranni mpugauk kameloan nasitulung, sanga iamo karoba napumasannang Puang Allataala.

Lukas 20:46

“Majaga kamu' lako guru agama! Nakabudai bang male lumingka mangbaju lando tandana kumua todikasiri', namadoang bang ditaratte' jio pasa'. Nakabudai bang cumadokko jio olo lan bola passambajangan na ngenan kata'pan mata jio pangramean.

Yahya 7:18

Na ia to tompangpangngajaran ia kamaccanna, iamo to nnangaranra kadipujian kalena. Apa ia to tonnangaran kadipujian to tossuai, iamo to maruruh penawa, to te'da namangnguraga.

1 Petrus 4:11

Ia to tomangngajah la mangngajahhi susi tonasuanni Puang Allataala. Na ia to tontulung padanna rupa tau, la mangtulung situru' kapakullean to nabenni Puang Allataala. Ia ke susimi joo la napakala'bih tau to Puang Allataala sanga Puang Isa Almaseh. Tomakuasa to Puang Allataala na sipato' dipakala'bih tarruh te'da cappa'na. Amin.

Efesus 4:28

Ia to tobiasa boko, danggi'mo naboko. Apa la maruruhri mangjama, naampa'i to la naputuona, nawa'ding too ntulungngi to tomakario-rio.

Galatia 2:10

Samari peta'danna kumua angkiingaranni tee mai to makario-rio, anna ia joo kiingaran tarruhhi.

Jamanna Rasulu' 10:4

Malanjang Kornelius tonna kitai joo malaeka' nakua, “Ie', apara kita' Puang?” Mebalii nakua, “Natarimamo Puang Allataala to passambajangmu sola kamalaboranmu.

1 Timotius 6:18

Kuanni na mpugauk kameloan lako padanna rupa tau, mamase na malaboh.

Roma 12:8

Ia to diben barakka' mangpamasumanga', la napugauk tongan. Ia to diben barakka' mangpangben, pasituru'i kamabassan. Ia to diben barakka' mangngamberan, la mangngamberan tongan. Na ia to diben barakka' kamamasean, la masannang mpugaukki.

Jamanna Rasulu' 24:17

Ba'tu pirang taunmo masainna, te'da naden kumale de' kota Yerusalem, apa mane' iari tee kumale de' mbawan doi' pangtulungan bangsaku', kumangkaroba too lako Puang Allataala.

Jamanna Rasulu' 10:31

nakua, ‘Ee Kornelius! Natarimamo Puang Allataala to passambajangmu sola kamalaboranmu.

Jamanna Rasulu' 10:2

Mesa'i tomelo penawa na massompa too sintong repokkona lako Puang Allataala. Buda sudakkana lako to-Yahudi kaasi-asi na te'da nasalai wattu massambajang.

Jamanna Rasulu' 9:36

Den mesa' baine jio kota Yope disanga Tabita. (Lan basa Yunani disanga ia Dorkas, battuananna jonga.) Matappa'mo lako Puang Isa. Melo panggaukanna na ntulung tomakario-rio.

Yahya 13:29

Den tossangari kumua, mbai nasuai Puang Isa male nnalli kaparalluan la dipake pangramean iarika nnalli apa-apa la diben tokaasi-asi, nasaba' Yudas ntoe sepu' doi'.

Yahya 5:44

Umbo la mikua matappa' lako Aku', ke nnangahra kamu' kadipujian jio mai padammi tolino, na te'da miangahhi to kadipujian pole jio mai Puang Allataala te'da susinna.

Lukas 6:42

Umbo la mikua mangkada lako padammi rupa tau, ‘Ee mane! Ake'mo na aku' nnalai tuu bulicak lan mai matammu’, anna kaju sangbatang lan matammi te'da mikitai? Ee, tomajekkong! Alaii jolo' to kaju sangbatang lan matammi! Ianna macoramo pengkitanmi, mane'ra kamu' kullei nnalaii to bulicak lan mai matanna padammi rupa tau.”

Markus 12:39

Gaja nakabudai cumadokko jio olo lan bola passambajangan sola ngenan kata'pan mata jio pangramean.

Kada Bulawan 20:6

Buda tau ssanga kalena mamase, apa gaja sussa diampa' to totatta' mamase.

Kada Bulawan 19:17

Ia ke ngkamaseiki' tokaasi-asi, butung to mangpeindan lako Puang Allataala, na Puang Allataala Ia la mpabalahhi joo panggaukanta'.

Filemon 1:7

Ee, sile'toku'! Ia tongkusa'dingngi kumua mupakamoja'i to sininna umma'-Na Puang Allataala, masannangna' na masumanga' toona', nasaba' mupaendek sumanga'na umma'-Na Puang Allataala.

1 Tesalonika 2:6

Te'da too kami' na ia kiangah to la napuji tau, la jio mai kalemi, la jioraka mai tolaen.

Jamanna Rasulu' 11:29

Mesa' kada ngasanni to tomatappa' lako Puang Isa napada rrempun pangtulunganna situru' pakullena, napangpeawanni to tomatappa' jio tana Yudea.

Lukas 13:15

Mebalimi Puang Isa nakua, “Ee, tomajekkong! Ianna Allo Katorroan lla'paran ngasan kamu' sapinmi ba'tu keledaimmi, mimale mbawai mipaiso'.

Lukas 12:56

Ee, kamu' tomajekkong! Macca kamu' mbattuanannii to tanda mikita jao langi' sola lan lino. Apa te'da miissenni mbattuananni to apa kupugauk, tanda karatuan-Na Puang Allataala mangparenta susi Raja.”

Lukas 12:33

Balukki to ewananmi mibenni tokaasi-asi. La nnangah kamu' doi' to te'da namemmatua, iamo to kasugiran dianna jao suruga. Ia joo kasugiran te'da nata'de, nasaba' te'da nakullei la naboko tau, na te'da nakullei nakande ane.

Lukas 11:43

Ee to-Farisi, tomacilaka kamu'! Gaja mikabudai cumadokko jio olo lan bola passambajangan, na madoang bang ditaratte' jio pasa'.

Lukas 11:41

Pangbenni jolo' to penawammi lako Puang Allataala, namane' ia to panggaukanmi situru' ngasan pakkaeloran-Na Puang Allataala.

Lukas 6:24

Apa macilaka kamu' to sugih, nasaba' mangkamo miampa' to kamasannangan lan kasugiranmi.

Markus 7:6

Mebalimi Puang Isa nakua, “Ee, tomajekkong kamu'! Nang tongan to napau Nabi Yesaya tonna anu' mpau kamu' kumua, ‘Nakua Puang Allataala: Ia tee mai tau kadanna manda kumua napakala'bihna', apa sitonganna te'da nakasiri'na'.

Matius 24:51

Napemoncongngimi puangna, napatamai ngenan tomajekkong, to nanii tau sikarrakan sola sunggarigi'.”

Matius 23:6

Gaja nakabudai cumadokko jio olo lan bola passambajangan na ngenan kata'pan mata jio pangramean.

Matius 22:18

Apa naissen Puang Isa to lan penawanna joo tomekutana, iamo joo nakuanni, “Ee, tomajekkong! Ciapari micobana'?

Matius 16:3

Na ia ke makale', mikua mangkada, ‘La uran, sanga malea to randan langi' na maru'gun.’ Macca kamu' mbattuanannii to tanda mikita jao langi', apa te'da miissenni mbattuanannii to apa kupugauk, tanda karatuan-Na Puang Allataala mangparenta susi Raja.]

Matius 15:7

Ee, tomajekkong kamu'! Nang tongan to napau Nabi Yesaya tonna anu' mpau kamu' kumua,

Matius 7:5

Ee, tomajekkong! Alaii jolo' to kaju sangbatang lan matammi! Ianna macoramo pengkitanmi, mane'ra kamu' wa'ding nnalaii to bulicak lan mai matanna padammi rupa tau.

Matius 5:18

La miingaran tee kadang-Ku' kumua, te'dapa nala-Kiama' to lino, ke te'dapi najaji ngasan to diuki' lan atoran-Na Puang Allataala! Jaji, moi mesa' hurupu' te'da naladita'dei lan joo atoran.

Matius 6:3

Apa ia to kamu', ia ammimangpabengan, danggi' mipau-paui, nadanggi' naissenni tau.

Matius 23:5

Ia ngasan to panggaukanna napangpekitan bangri lako tau. Iamo joo na ia to pakean tanda kamatapparanna, susinna to rombe-rombe bajunna dipemalandoi, na ia to karappe' dinii nnanna aya' Sura' Allataala napematonggoi.

1 Korintus 13:3

Moi na sininna ewananku' kupassudakkan lako tokaasi-asi, ba'tu mpangbenna' kaleku' ditunu, apa ke te'dai kupakamoja' padangku' rupa tau, manassa ia joo te'da ngasan bua'na lako kaleku'.