Matius 5:44 - Alkitab Duri

⁴⁴ Apa kukuan kamu' kumua, pakamoja'i to ewalimmi, mipassambajanganni to tompakario-rio kamu',

Matius 5:44 Referans Kwoze

Roma 12:14

Passambajanganni ke denni tau ssessa kamu', nabarakka'ii Puang Allataala, danggi' natampakkii ropu.

1 Petrus 3:9

Ia ke denni tau mpugauk kagajatan lako kamu', danggi' mipabalahhii. Na ia ke denni tau ngkada-kadai kamu', danggi' too mipabalahhii. La'bih melo ke mipassambajanganni lako Puang Allataala nabarakka'ii joo tompugauk kagajatan. Napilei kamu' Puang Allataala menjaji umma'-Na ammipeta'danni barakka' to padammi rupa tau. Ia ke mipugaukmi susi joo, la nabarakka'i toda kamu' Puang Allataala.

Lukas 23:34

Massambajangngi Puang Isa nakua, “Oo, Ambe', dampanganni tee mai tau! Te'da naissenni apa to napugauk.” Namane' lotereii surudadu to pakean-Na la nanii nnissenni kumua umbonnara to la naputawa.

1 Petrus 2:23

Ia tonna kada-kadaii tau, te'da too napebalii. Ia tonna pa'dikkii tau, te'da too nagarra'i kumua la napabalahhii, apa sande' lako bangngi Puang Allataala, Tomangra'tah maruruh.

Jamanna Rasulu' 7:60

Namane' mengguntu' naandongngii mangkada nakua, “Oo Puang, danggi' dikka' tapapassannii to dosana tee tau!” Mangkanna mangkada susi joo, matemi.

Kada Bulawan 19:11

Pangpikkirisan melo mpasabbara' tau, na dipuji to tau, nasaba' te'da napallan penawai to kasalan napugauk tau lako kalena.

Yahya 13:34

Kuben kamu' parenta baru kumua, la sipakamoja' kamu'. Susi Aku' mpakamoja' kamu', susi toda kamu' la sipakamoja'.

1 Tesalonika 5:15

Jagaii na danggi' naden tau mangpabalahhi panggaukan gaja' na gaja'. Mipengkulle-kulleii ammituli mpugauk kameloan lako padammi tomatappa' na lako sininna tau.

Jamanna Rasulu' 16:28

Apa metambai Paulus ngkuanni, “Danggi' mibuno kalemi! Inde' ngasan unakan!”