Matius 5:42 - Alkitab Duri

⁴² Ianna den tau mpeta'dai kamu' apa, benni to napeta'da. Ianna den tau mpangngindanni kamu', danggi' mikua te'da.”

Matius 5:42 Referans Kwoze

Kada Bulawan 19:17

Ia ke ngkamaseiki' tokaasi-asi, butung to mangpeindan lako Puang Allataala, na Puang Allataala Ia la mpabalahhi joo panggaukanta'.

Ibrani 13:16

Danggi' mitangnningaranni mpugauk kameloan nasitulung, sanga iamo karoba napumasannang Puang Allataala.

Roma 12:20

Sibalikanna, ia ke tangbarahhi to ewalimmi, benni kande. Ia ke mawakkei, benni wai. Nasaba' ia ke mipugaukki susi joo, napumasiri'.

Daniel 4:27

Ie', dennaa upa' na ia tee pangpakainga'ku' tapesa'dingngi, danggi'mo tapugauk kasalan, apa mpugaukki' kameloan. Pemambelaii kaleta' jio mai dosa antakamaseii to tomaparri'. Ia ke susimiki' joo, kamasannanganta' la dipatarruh.’

Ibrani 6:10

Te'da natangmaruruh to Puang Allataala. Te'da natangnningaranni to apa mipugauk, iamo to pangpakamoja'mi to mipangpekitan lako kale-Na tommitulung padammi tomatappa', la jolona, la ia too allo.

Yakub 1:27

Ia to mangngagama tongan situru' pakkaeloran-Na Ambe' Puang Allataala, iamo to ntulung pea biung pu'puhmo, sola baine te'damo muanena nakaasi-asi, na njagai kalena danggi' naturu' panggaukan tangmelona tolino to tangnturu' Puang Allataala.

Lukas 11:41

Pangbenni jolo' to penawammi lako Puang Allataala, namane' ia to panggaukanmi situru' ngasan pakkaeloran-Na Puang Allataala.

Kada Bulawan 21:26

Pamula makale' ratu lako karuen ia manda napikkiri' to nakadoangngi, apa ia to tomakassing te'da naanggeii mangpangben lako padanna rupa tau.

Matius 5:41

Ianna den puanggawa mparuku kamu' mpanglembanni mesa' kilo belana, panglembaran pissenni dua kilo.