Matius 5:3 - Alkitab Duri

³ “Masannang to tau nnissenan kalena kumua tangpakulle na lako manda Puang Allataala nanii sande', nasaba' ia to tau susi joo umma'-Na Puang Allataala.

Matius 5:3 Referans Kwoze

Kada Bulawan 29:23

Ia to tomatampo nakita soloh tau apa tompamajiong penawanna la dipuji.

Kada Bulawan 16:19

La'biranmo to mpamajiong penawa tasisoba' to te'da ewananna, na ia to turu' ssitawa-tawai ewanan narampa tomatampo.

Lukas 18:14

La miingaran! Ia tee passassung, ke polei lako bolana, mangkami napupenjaji tomelo Puang Allataala, na ia tee to-Farisi te'da. Nasaba' ia to tompamajao kalena la dipamajiong, apa ia to tompamajiong kalena, la dipamajao.”

Yakub 2:5

Ee, tomala'bihku' to kupakamoja'! Ingaranni tee, ia to tokaasi-asi lan tee lino, napilei Puang Allataala la menjaji tosugih lan kamatapparan. Napilei too la menjaji umma'-Na lan kaparentan-Na. Susimi joo mangka nabasse lako ia to tompakamoja'i.

Lukas 11:28

Apa mebalimi Puang Isa nakua, “La'bih masannang pole' opa to tompesa'dingngi kadan-Na Puang Allataala napugaukki!”

Matius 11:25

Ia joo wattu massambajangmi Puang Isa nakua, “Oo Ambe', Puangna langi' sola lino. Mangkurru sumanga'na' lako Ambe', nasaba' ia ngasan joo tabunianan lako tomandalan pahangna sola tomacca, tapangpeissenanmi lako totangpaissen.

Lukas 4:18

“Nakuasaina' Roh Allataala, nasaba' naangka'mo' la mpangpeissenan Kareba Kasalamatan lako tokaasi-asi. Nasuamo' mpangpeissenan kadila'paran lako toditarungku, mpapakita tobuta, lla'paran todipandasa.

Markus 10:14

Ia tonna kitai Puang Isa to ianna joo, magallimi anna kuanni to anak gurun-Na, “Eloranni tuu mati' pea ratu lako Aku'. Danggi' mianggaii, nasaba' tosusimora tuu mati' to la menjaji umma'-Na Puang Allataala.

Matius 13:16

Nakuamo Puang Isa lako anak gurun-Na, “Jaji, masannang kamu', nasaba' mipahangngi to apa misa'ding sola mikita.

Yakub 1:12

Masannang to tatta' matappa', nasaba' te'da namadoang dipatuju sala mpugauk dosa. Sanga la ntarima pahalana, iamo to katuoan melo mangka napasadia Puang Allataala lako to tompakamoja'i.

Yahya 20:29

Apa nakua Puang Isa ngkuanni, “Matappa'moko tee too, nasaba' mukitamo'. Masannang to tomatappa', moi te'da nakitana'!”

Matius 24:46

Liwa' ia masannangna joo kaunan, ke polemi to puangna, naampa'i puangna mpugaukki to jamanna.

Yakub 1:10

Susi too to tomatappa' sugih la masannang tooi sanga napupemmajiongmi Puang Allataala. Nasaba' ia to tosugih cingga'tu'ra nalanynya' susi reu.

Kada Bulawan 8:32

Jaji, ee sininna bati'ku', pesa'dingngina'! Turu'i to kupatujuan kamu', mipumasannangngi.

Pengkitanna Yahya 22:14

Masannang ia to sininna tau mangka mpemaceroi pakean malandona, nadieloran mentama joo kota nnola babangan anna wa'ding kandei to bua kaju Katuoan.

Pengkitanna Yahya 19:9

Nakua joo malaeka' lako aku', “Uki'i tee: Masannang to toditambai lako joo pangmaroasan tobotting.” Namane' mangkada pole' nakua, “Ia tee kareba tongan pole jio mai Puang Allataala.”

Matius 25:34

Mangkai joo too kukuamo lako to jio sa'de kanan-Ku' kumua, ‘Malemo kamu' mai sininna to tonabarakka'i Ambe'-Ku' Puang Allataala. Mentamamo kamu' kaparentan-Ku' to nang dipasadiamo sipamulanna lino.

Matius 11:6

Masannang tongan to tau tangmenassan ntarimana'.”

Matius 8:11

La miingaran! Buda tau tangngia to-Yahudi la ratu jio mai kadellekan sola jio mai kalambunan, na la mangmaroah-roah sola Nabi Ibrahim, Ishak, na Yakub lan Lino Barun-Na Puang Allataala.

Matius 3:2

“La mengkatoba' kamu' jio mai dosami, nasaba' cingga'tu'mora naratu Puang Allataala mangparenta susi Raja.”

Matius 19:14

Apa nakuanni Puang Isa, “Eloranni tuu mati' pea ratu lako Aku'. Danggi' mianggaii, nasaba' tosusimora tuu mati' to la menjaji umma'-Na Puang Allataala.”

Lukas 22:29

Iamo joo la kuben kamu' kuasa mangparenta, susi Ambe'-Ku' mangka mbenna' kuasa,

Lukas 22:30

antamasannang sola, ke menjaji Rajamo'. Na la cumadokko kamu' jao sangpulo dua cadokkoan mala'bih la mparenta sangpulo dua pangrapuanna to-Israel.”

Pengkitanna Yahya 3:17

Mangkada kamu' kumua, ‘Sugihna', te'damo apa tangkuampui.’ Apa te'da miissenni kumua kamu'mo tau masussanna, memassean penawa, makario-rio, buta, na mimangkale-kale.