Matius 5:16 - Alkitab Duri

¹⁶ Iamo joo, pemakassingngimi tuu panggaukanmi nturu' Puang, nakitai tau susi lampu nnarrangngi tau, nawa'ding nnissenni to kameloan-Na Ambe'mi Puang Allataala jao suruga.”

Matius 5:16 Referans Kwoze

1 Petrus 2:12

Mbai den tau to tangnturu' Puang to mpau gaja' kamu'. Iamo joo la melo to sipa'mi nakitai tau kumua melo to apa mipugauk. Na undinna naakui kumua melo to sipa'mi anna mpakala'bih Puang Allataala ke ratui rra'tah kara-karana tolino.

Titus 2:7

La mpangpekitanko sipa' melo lan sininna passalan. Susinna ia ammumangngajahhi, la mangkada tonganko ammutongan-tongannii mangngajahhi.

Yahya 15:8

Na ia ke membua budamo kamu', iamo dinii mpakala'bih Ambe'-Ku'. Pajan toomi kumua kamu'mo to ntongan-tongannii nturu'na'.

Efesus 5:8

Ia tonna jolona ia to sipa'mi susi sipa'na to tote'da naissen Puang, apa ia tee too nnissenmo kamu' Puang. Iamo joo ia to panggaukanmi la susi unamo panggaukanna umma'-Na Puang.

1 Petrus 3:16

Apa mebali melo bang kamu', danggi' mimatampo. La tuli manggauk melo kamu', anna ia to tompau gaja' kamu' la masiri', nasaba' melo bang to sipa'mi situru' pakkaeloran-Na Almaseh.

1 Petrus 4:14

Ia ke dicapa'-capa' kamu' sanga taun-Namo kamu' Almaseh, la masannang kamu', nasaba' ia joo mpamanassai kumua nakuasai kamu' Roh Mala'bih, iamo to Roh Allataala.

1 Petrus 2:9

Apa kamu'mo to bangsa napileimo Puang Allataala, ammimenjaji imangna Raja to mipangjaman. Napupenjaji kamu' bangsa to disarakki jio mai bangsa laen ammimenjaji tau mesan-Na. Napileimo kamu' la mpangpeissenan panggaukan-Na to te'da susinna. Iamo ntambai kamu' messun lan mai kamasolangan, ammimentama kamasannangan to liwa' mejangngaran.

Titus 3:14

Makassing ke sininna solata' tomatappa' melajah mpugaukki to apa melo anna angahhi to naparalluinna, danggi' natuo te'da bua'na.

1 Timotius 6:18

Kuanni na mpugauk kameloan lako padanna rupa tau, mamase na malaboh.

2 Korintus 9:13

Ia ke nakitai umma'-Na Puang Allataala jio tana Yudea tee panggaukan melomi, la mpakala'bihhi Puang Allataala, nasaba' nakitai kumua mangkamo mitarima to karebanna Almaseh, ammituru' tonganmi. Buttinna kumua mangpangbenmo kamu' situru' canning atimmi lako to-Yudea sola tolaen.

Efesus 2:10

Tangsipato'ki' susi joo, sanga Puang Allataalara mbenki' katuoan baru, nasaba' memmesa'miki' sola Puang Isa Almaseh. Nabenmiki' katuoan baru antapugauk kameloan, to napasadia jolomo la tapugauk.

Ibrani 10:24

Na melo ke situlungki', antawa'ding sipumasumanga', sipakamoja' antapugauk tooi to apa melo.

Kada Bulawan 4:18

Ia to lalan katuoanna tomakassing butung arrang allo makale', saendek-endekna samacora-coranna ratu lako tangnga allo.

1 Petrus 4:11

Ia to tomangngajah la mangngajahhi susi tonasuanni Puang Allataala. Na ia to tontulung padanna rupa tau, la mangtulung situru' kapakullean to nabenni Puang Allataala. Ia ke susimi joo la napakala'bih tau to Puang Allataala sanga Puang Isa Almaseh. Tomakuasa to Puang Allataala na sipato' dipakala'bih tarruh te'da cappa'na. Amin.

1 Tesalonika 2:12

Kipangngingaran kamu', kipamasumanga' kamu', angkimeta'da lako kalemi na ia to panggaukanmi la susi sipato'na umma'-Na Puang Allataala. Nasaba' Puang Allataalamo mpilei kamu' menjaji umma'-Na lan kaparentan-Na ammiwa'ding mperasai kamala'biran-Na.

1 Petrus 3:1

Ee, kamu' to baine kebalimo! Susi todami, la mengkaturu' lako kamu' balimmi. Na ia ke denni balimmi to te'dapa nakatappa'i kadan-Na Puang Allataala, ia to sipa' melomi la nakita, namenjaji matappa'. Te'damo miparallu mpauanni apa,

Jamanna Rasulu' 9:36

Den mesa' baine jio kota Yope disanga Tabita. (Lan basa Yunani disanga ia Dorkas, battuananna jonga.) Matappa'mo lako Puang Isa. Melo panggaukanna na ntulung tomakario-rio.

1 Timotius 5:25

Susi toomi to panggaukan melo, den to ta'pa pajan bang dikita, na ia to membuninna, te'da nalamembuni tarruh.

Matius 5:45

ammiwa'ding dikita anakka-Na Ambe'mi Puang Allataala jao suruga. Nasaba' Puang Allataala mpadenan allo tokassing sola togaja' na mparatuan too uran tomelo sola totangmelo.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

1 Timotius 5:10

kaissenan kumua melo panggaukanna, susinna njampang melo anakkana, masannang ke den tau leppangngii, mbalii tomatappa', ntulung tomasussa, na tuli mpugauk kamakassingan laennapa.

1 Timotius 2:10

Sibalikanna panggaukan melora to napake la mbeloi kalena, susi to sipato'na lako baine tomassompa lako Puang Allataala.

Galatia 1:24

Mpakala'bihmi Puang Allataala, nasaba' ia to apa jaji lako aku'.

Titus 3:4

Apa Puang Allataala, Tomangpasalama'ta', mpakitanki' pangpakamoja'-Na sola kameloan penawan-Na.

1 Korintus 14:25

Kaissenanni to apa membuni lan penawanna, anna suju' ssompa Puang Allataala. Nakatappa'i kumua, “Lan tonganmo tangnga-tangngami to Puang Allataala.”

Lukas 11:2

Nakuamo Puang Isa lako anak gurun-Na, “Ia ammimassambajang, la mikua susi tee, ‘Oo Ambe', Dennaa upa' na sininna tau mpakala'bihki', anna tarima parenta-Ta'.

Matius 9:8

Ia tonna kitami tobuda joo apa jaji, silajatan ngasanni, anna mpakala'bih Puang Allataala to mpangben kuasa liwa' tonggo lako tolino.

Matius 23:5

Ia ngasan to panggaukanna napangpekitan bangri lako tau. Iamo joo na ia to pakean tanda kamatapparanna, susinna to rombe-rombe bajunna dipemalandoi, na ia to karappe' dinii nnanna aya' Sura' Allataala napematonggoi.

Matius 6:16

Mangngajahhimi Puang Isa nakua, “Ia ammipuasa, danggi' mimenggamuru bang susi tomajekkong. Ia to tau susi joo naanggai' bang tangmendau', dikua naissenni tau kumua puasai. La miingaran tee kadang-Ku' kumua, mangkami ia ntarimai to pahalana!

Matius 23:9

Danggi' naden mesa' tau lan lino mitambai ‘Ambe'’, nasaba' mesa'ra Ambe'mi, iamo to Ambe' jao suruga.

Matius 6:9

Jaji, ia ammimassambajang, la mikua susi tee: Oo, Ambe'ki', Puang Allataala jao suruga. Dennaa upa' na sininna tau mpakala'bihki',