Matius 4:4 - Alkitab Duri

⁴ Apa mebalii Puang Isa nakua, “Den diuki' lan Sura' Allataala kumua, ‘Tangngia kande manda to la naputuo tau, apa kadan-Na too Puang Allataala.’ ”

Matius 4:4 Referans Kwoze

Lukas 4:4

Mebalimi Puang Isa nakua, “Den diuki' lan Sura' Allataala kumua, ‘Tangngia kande manda to la naputuo tau.’ ”

Yahya 6:63

Roh Allataala to naputuo tau. Te'da lalo pakullena to tolino. Ia tee kada kupauan kamu', iamo kadan-Na Roh Allataala to mpangben katuoan.

Roma 15:4

Sininna to diuki' lan Sura' Allataala nnajahhiki', dikua antasabbara' ke nakannaki' kamaparrisan, nasamawatang-watangna to rannunta' lako Puang Allataala.

Efesus 6:17

La ntarima kamu' songko' bassi kasalamatan. La ntarima too kamu' pa'dang to naben kamu' Roh Allataala, iamo to kadan-Na Puang Allataala.

Lukas 4:8

Mebalimi Puang Isa nakua, “Den diuki' lan Sura' Allataala kumua, ‘La ssompako Puangmu, Puang Allataala, na Ia manda to la mupu-Puang.’ ”

Matius 4:10

Mebalimi nakua, “Ee Ballisi', malaiko! Den diuki' lan Sura' Allataala kumua, ‘La ssompako Puangmu, Puang Allataala, na Ia manda to la mupu-Puang.’ ”

Matius 4:7

Mebalimi Puang Isa nakua, “Den toopa diuki' lan Sura' Allataala kumua, ‘Danggi' muuji Puangmu, Puang Allataala.’ ”

Lukas 4:12

Mebalimi nakua, “Den diuki' lan Sura' Allataala kumua, ‘Danggi' muuji Puangmu, Puang Allataala.’ ”

Matius 15:11

Te'da na ia to dikandena ncarepai tau, apa iara to messun jio mai timu, anna mentangsipato'mo to tau ssompa Puang Allataala.”

Markus 7:20

Nadadu'pa kumua, “Apa to messun jio timu, iamo joo to ncarepai tau.

Yahya 15:26

La kusua lako kalemi to tomangpakatana pole jio mai Ambe'. Iamo to Roh Allataala to la mpamanassai to pangngajaran tongan. Ia ke ratui, Ia mpangpeissenanna'.