Matius 4:25 - Alkitab Duri

²⁵ Ia joo wattu buda tau undi nturu' Puang Isa. Den to ratu jio mai tana Galilea, tana Sangpulo Kota, kota Yerusalem, tana Yudea, na den too to ratu jio mai sambali'na Sa'dan Yordan.

Matius 4:25 Referans Kwoze

Lukas 6:17

Ia tonna solohmo Puang Isa sola anak gurun-Na jao mai buntu, kendenmi jio padang malappa. Buda tau to menturu'mo lako kale-Na sirempun ntuu jio na buda too tau ratu jio mai lili'na tana Yudea, kota Yerusalem, na kota Tirus sola kota Sidon jio randan tasik.

Markus 5:20

Polemi joo tau, namale lako tana Sangpulo Kota, mpangpeissenanni to apa mangka napugauk Puang Isa lako kalena. Jangngah ngasan to tossa'dingngi.

Markus 7:31

Ke'dehmi Puang Isa jio mai lili'na kota Tirus, na mpatarruh kalingkan-Na re' Sidon, namane' pole boko' mangnguju sau' Tasik Galilea nnola jio tana Sangpulo Kota.

Lukas 6:19

Napengkulle-kullei ngasan tuu lako tau ngkaka' Puang Isa, nasaba' den kuasa messun lan mai kale-Na mpamalagah tau.

Markus 6:2

Ia tonna Allo Katorroan mangngajahhimi lan bola passambajangan. Buda tau jio sijangngaran mpesa'dingngi pangngajah-Na. Sikutanami nakua, “Umbora Ia nanii llolonganni tuu lako? Kapaissenan matumbara ia joo naampui? Matumbai nawa'ding mpugauk tanda mejangngaran?

Matius 19:2

Buda tau undi nturu'i, napamalagah ngasanni to masakinna.

Matius 12:15

Naissen Puang Isa to akkattana tuu lako to-Farisi la mbunoi, iamo joo namale mpemboko'ii, apa buda tau undi nturu'i. Napamalagah ngasanmi to tomasaki.

Matius 8:1

Ia tonna mellaomo Puang Isa jao mai joo buntu, liwa' buda tau undi nturu'i.

Matius 5:1

Ia tonna kitami Puang Isa to tobuda, malemi de' buntu nacumadokko jao, natalimbungngi anak gurun-Na.

Matius 4:15

“Tanana pangrapuanna Zebulon sola pangrapuanna Naftali, diola lako tasik, sambali'na Sa'dan Yordan, tana Galilea, buda natorroi bangsa tangngia to-Yahudi.