Matius 3:11 - Alkitab Duri

¹¹ Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi mbawa sapatun-Na te'da too kusipato'.

Matius 3:11 Referans Kwoze

Lukas 3:16

Apa napauanni Nabi Yahya kumua, “Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi la mbukai ulang sapatun-Na, te'da too kusipato'.

Jamanna Rasulu' 1:5

Ianna Nabi Yahya mangjio' wai, apa ianna kamu', ba'tu pirang-pirang allomora midijio' Roh Allataala.”

Titus 3:5

Napasalama'miki', tangngia kumua mpugaukmiki' kameloan, sangadinna nasaba' pangkamasean-Na lako kita'. Nabaseiki' jio mai dosata' antadijajian pole', napemeloii to penawanta' mpake kuasan-Na Roh Allataala.

1 Korintus 12:13

Jaji, ia to kita' tomatappa' dipupenjaji ngasanmiki' mesa' lan Almaseh, nasaba' pada najio'miki' Roh Allataala. La kita' to-Yahudi, la kita' bangsa tangngia to-Yahudi, la kita' tokaunan, la kita' tomaradeka, pada ngasanmiki' ntarima mesa' Roh Allataala.

Matius 3:6

na pada nnakui dosana, najio'i Nabi Yahya jiong Sa'dan Yordan.

Jamanna Rasulu' 19:4

Nakuamo Paulus, “Ia to pangjioranna Nabi Yahya mpamanassai kumua ia to todijio' mengkatoba'mo jio mai dosana. Apa napangpeissenan tooi Nabi Yahya lako to-Yahudi kumua la nakatappa'i to Puang Isa, mane' la ratu.”

Lukas 1:17

Na la menjaji pesuro matappa'-Na Puang Allataala, na dipakuasa susi Nabi Elia. La napasikalinoi to ambe' na anakkana. Na ia to totangkainawa naajahhi mangtangngah susi tomelo penawa. Susimo joo napasadiai to tau ntarima Puang.”

Yahya 1:30

Iamo joo kusanga tongkumangkada kumua, ‘Iamo la ratu ke mangkana', apa la'bih makuasa Ia na aku', nasaba' te'dapa kudijajian, na denmi Ia.’

Markus 1:4

Jajimi susi to mangka nauki' Nabi Yesaya. Iamo joo nampangpekitan kalena Nabi Yahya jio tangnga padang pallawangan, mangjio'i napangpeissenanni to Kareba Kasalamatan. Namangngajahhi nakua, “La mengkatoba' kamu' jio mai dosami midijio', anna dampangan kamu' Puang Allataala.”

Efesus 3:8

Aku'mo mase-masena to sininna umma'-Na Puang Allataala, apa napabarakkannina' Puang Allataala tee jaman mpangpeissenan Kareba Kasalamatan lako bangsa tangngia to-Yahudi kumua ia to barakka'-Na Almaseh te'da susinna.

1 Petrus 5:5

Meta'dana' lako kamu' to malolle'pa kumua, la mangpesa'ding kamu' lako tomatua. Na lako kamu' sola ngasan meta'dana' kumua, danggi' mimatampo apa situlung kamu'. Nasaba' den diuki' lan Sura' Allataala kumua, “Naewa Puang Allataala to tomatampo, apa nakamasei to tompamajiong kalena.”

Yahya 1:15

Ratui Nabi Yahya mpangpeissenanni joo Kada nakua, “Iamo joo to kupau kumua, ‘La den tau ratu ke mangkana', apa la'bih makuasa Ia na aku', nasaba' te'dapa kudijajian na den memanmi Ia.’ ”

Lukas 3:3

Jaji, malemi Nabi Yahya llelei tana to mengguririkkina Sa'dan Yordan mpangpeissenanni to Kareba Kasalamatan. Mangngajahhii nakua, “La mengkatoba' kamu' jio mai dosami, midijio', anna dampangan kamu' Puang Allataala.”

Jamanna Rasulu' 8:36

Mpatarruhhi kalingkanna na dete' wai, nakua, “Inde'mi to wai, denparaka halanganna ke dijio'na'?” [

Jamanna Rasulu' 8:38

Nasuami to tompamale kareta napakendenni, namane' mendo' wai sola dua, najio'i Filipus.