Matius 26:41 - Alkitab Duri

⁴¹ Majaga kamu', mimassambajang too, danggi' mimadosa ke disede kamu' mpugauk dosa. Sitonganna madoang to penawammi mpugauk katonganan, apa te'da mikullei, sanga malamma to sipa' tolino.”

Matius 26:41 Referans Kwoze

Lukas 22:46

Nakuanmi, “Oo, ammimamma' bangra? Mi'cokmo kamu' mimassambajang, danggi' mituru'i ke disede kamu' mpugauk dosa.”

Markus 14:38

Nakua toopa, “Majaga kamu', mimassambajang too, danggi' mituru'i ke disede kamu' mpugauk dosa. Sitonganna madoang to penawammi mpugauk katonganan, apa te'da mikullei, sanga malamma to sipa' tolino.”

Efesus 6:18

Ia ke nnewa kamu' Ballisi', la massambajang tarruh bang kamu' mpeta'da pangtulung-Na Puang Allataala. La massambajang kamu' situru' pangpatujun-Na Roh Allataala. Danggi' mipajaii massambajang. Passambajanganni to sininna umma'-Na Puang Allataala.

Matius 6:13

Danggi' taelorankan ta'de kamatapparanki' ke disedekan mpugauk dosa, apa la'parankan jio mai kuasanna Ballisi'. [Nasaba' Rajaki', makuasaki' na mala'bihki' te'da cappa'na. Amin.]

Lukas 21:36

Majaga kamu', mimassambajang, ammimawatang nnoloi sininna to apa la jaji, miwa'ding mangngolo lako Aku', Anak Mentolino.”

Pengkitanna Yahya 16:15

Ingaranni kadan-Na Puang Isa, “Pesa'dingngii. La ratuna' susi taboko ke bongi. Masannang to topasa'ding bang anna pasadia pakeanna, nate'da namangkale-kale lumingka, nadanggi' namasiri' jio olona tobuda.”

1 Korintus 16:13

La majaga kamu', mituru' tarruhhi to pangngajaran tongan. Barani kamu' mipamawatang tooi to kamatapparanmi.

1 Petrus 5:8

La sadia kamu', ammimajaga! Nasaba' ia to ewalimmi Ballisi' susi bang singa lumingka male lako male jio mai, namangngaung-ngaung nnangahhi to la nakandena.

1 Korintus 10:13

Ia to apa ssede kamu' mpugauk dosa, passede biasa bang ia lako tolino. Apa naingaranni Puang Allataala to basse-Na, na te'da naeloran kamu' disede la'bih na ia to mikulle nnewai. Na ia ke disede kamu' mpugauk dosa, napamawatang kamu' ammikullei nnewai.

2 Petrus 2:9

Jaji, naissenmo Puang Allataala to apa la napugauk mpasalama' taun-Na ke maparri'i. Naissen too Puang Allataala ntarungkui to togaja' anna sessai ke Kiama'mi lino.

Matius 24:42

Jaji majaga kamu'! Nasaba' te'da miissenni kumua, piranra kularatu.

Pengkitanna Yahya 3:10

Apa ianna dete'mi to wattu kamasussan nakanna ngasan pecoba to sininna tau lan lino la kupasalama' kamu', sanga mituru'mo to pangngajaran-Ku' mitatta' ntajanna'.

1 Petrus 4:7

La ndete'mi tampakkana tee lino na sininna apa. Iamo joo la mita'tan to kalemi, na majaga too kamu' ammitatta' massambajang susi to sipato'na.

Lukas 22:40

Ia tonna ratumo lako ntuu joo, nakuanmi, “Massambajang kamu', danggi' mimadosa ke disede kamu' mpugauk dosa.”

Galatia 5:24

Na ia to taun-Na Puang Isa Almaseh mangkami naca'bean to kamadoangan gaja'na.

1 Korintus 9:27

Kupengkulle-kullei tongan ngkuasai kaleku', sanga iamo ke aku'mo to mpangpeissenan Kareba Kasalamatan na aku' pole' ora tangdipasalama'.

Matius 25:13

Natampakkimi Puang Isa joo pangpasusian susi tee, “Iamo joo, majaga kamu', nasaba' te'da mikalannaii to karatuan-Ku'.”

Matius 26:38

Nakuamo lako joo tallu anak gurun-Na, “Liwa' masussanna penawang-Ku' susi to kumua la matemo'. Torromo kamu' ntee, tapada merroja.”

Roma 8:3

Ia to atoran agama te'da nakullei lla'paranki' jio mai kuasa dosa, nasaba' tangtakulle nturu' atoran agama. Apa ia to tangnakulle atoran agama mpugaukki, mangkami napugauk Puang Allataala. Nasuai to Anak mentolino. Na ia to batang kale-Na susi bang batang kale tolino biasa. Na ia tee Anak matei dikua anna ia to dosana tolino dipabalahhi lakoi batang kale-Na Anak.

Lukas 11:4

Dampangankan, nasaba' kidampangan tooi to tokasalan lako kaleki'. Danggi' taelorankan ta'de kamatapparanki' ke disedekan mpugauk kasalan.’ ”

Lukas 8:13

Ia to banne ta'pah do' batu-batu dipasangrapangngi to tossa'ding kadan-Na Puang Allataala anna masannang ntarimai. Apa te'da natorro tongan lan penawanna. Te'da namasai matappa', nasaba' ianna den pecoba rratui, ta'pa balik pole'mi.