Matius 26:25 - Alkitab Duri

²⁵ Mebalimi Yudas to la mpangpejokkoan Puang Isa nakua, “Oo Guru, aku'ra tuu tasanga.” Mebalimi Puang Isa nakua, “Susimi tuu kadammu.”

Matius 26:25 Referans Kwoze

Matius 26:64

Mebalimi Puang Isa nakua, “Ie', susi tuu tapaunna, Aku'mo. Katappa'i kumua, mammula tee wattu, la mikitana' tee Aku', Anak Mentolino, cumadokko jio sa'de kanan-Na Puang Allataala to makuasa, na la ratuna' jao mai langi' lan saleu'!”

Matius 27:11

Ia tonna dipangngolomo Puang Isa lako Gubernur Pilatus, nakutanaimi nakua, “Tongannaraka, Ikomo Raja to-Yahudi?” Napebalimi nakua, “Susi tuu tapaunna, Aku'mo.”

Yahya 18:37

Mekutana omi Gubernur Pilatus lako Puang Isa nakua, “Ia ke susii joo, Rajarokoka?” Mebalii Puang Isa nakua, “Susi tuu tapaunna kumua Rajana'. Dijajianna' kumentama lino mesa'ra akkatta-Ku', iamo to la mpamanassa katonganan. Ia to topole jio mai katonganan, napesa'dingngina'.”

Lukas 22:70

Nakua ngasan mangkada, “Ia ke susii joo, Ikomoraka tee Anak Allataala?” Mebalii Puang Isa, nakua “Susi tuu tapaunna, Aku'mo.”

Matius 26:49

Ta'pa malemi Yudas lako Puang Isa namangkada nakua, “Oo Guru!”, anna udungngi.

Matius 23:7

Namadoang bang ditaratte' jio pasa', namadoang too ditambai ‘Guru’.

Kada Bulawan 30:20

Ia to akkalanna baine kemuanemo na sala kedo susi tee, ianna mangka manggauk sala, susii to tomangka kumande, mpa'di timunna, namangkada kumua, “Te'da aku' apa gaja' kupugauk!”

Matius 23:8

Danggi' mimadoang disanga ‘Guru’, nasaba' tosile'to ngasan kamu' na mesa'ra Gurummi.

Matius 26:14

Yudas Iskariot iamo sala mesa'na to sangpulo dua anak gurun-Na Puang Isa, male lako kapala imang.

Yahya 4:31

Ia joo wattu natambaimi anak gurun-Na to Puang Isa nakua, “Ee Guru, takumandemo!”