Matius 24:7 - Alkitab Duri

⁷ Ia to mesa' bangsa la sirari nnewa bangsa laen, ia to mesa' kaparentan la rrarii kaparentan laenna. Umbo-umbo nanii la den nino sola karorian la'da'.

Matius 24:7 Referans Kwoze

Lukas 21:11

Umbo-umbo nanii la den nino tonggo, ra'ba beang sola karorian la'da'. La jaji to apa mpamirrang bulu na tanda mepunininan jao langi'.

Pengkitanna Yahya 6:8

Ta'pa ngkita omo' mesa' nyarang susi punti matasak to bulunna. Ia to tossakeii disanga Kamatean, na Lino Tomate undi bang jio boko'na. Dieloran mbunoi sangtawa a'pa'na tolino mpake kasirarian, karorian, ra'ba beang na olok-olok masia'.

Jamanna Rasulu' 11:28

Denni mesa' disanga Agabus nakuasai Roh Allataala anna mangkada nakua, “La jaji to pealloan la'da' lan lili'na lino.” (Najaji tongan unamo joo, tonna Tomaraja Roma disanga Klaudius mangparenta.)

Pengkitanna Yahya 6:12

Mangkai joo too kukita omi tonna piakki Anak Bembala' to segel mangpennannan, nata'pa nino liwa' tonggo. Na ia to allo memmalotong susi dodo ampe' lotong, namemmalea to bulan susi rara.

Ibrani 12:27

Ia joo kada “pissenpa” mpamanassai kumua ia ngasan to apa mangka dipaden la diroge nadita'dei, anna ia mandamo torro to tangtirogena.

Jamanna Rasulu' 2:19

La mpadenna' buda apa mejangngaran jao langi', na apa liwa' makalaen-laen lan tee lino, susi rara, api, saleu' na rambu.

Pengkitanna Yahya 6:5

Ia tonna piakki Anak Bembala' to segel mangpentallun, kusa'ding omi to olok-olok mangpentallun metamba nakua, “Maleko mai!” Ta'pa ngkita omo' mesa' nyarang kallang, nasakei tau ntoe timbangan.

Pengkitanna Yahya 6:6

Angkusa'ding gamara susi to mangkada lan mai tangnga-tangngana joo a'pa' olok-olok nakua, “Sangsuka' gose' laen rupanna na tallung suka' gose' laen o rupanna siangga' gaji sangngallo. Apa danggi' nadigajatan to garonto' zaitun sola anggoro'!”