Matius 24:42 - Alkitab Duri

⁴² Jaji majaga kamu'! Nasaba' te'da miissenni kumua, piranra kularatu.

Matius 24:42 Referans Kwoze

Lukas 21:36

Majaga kamu', mimassambajang, ammimawatang nnoloi sininna to apa la jaji, miwa'ding mangngolo lako Aku', Anak Mentolino.”

1 Tesalonika 5:6

Jaji la majagaki' antata'tan kaleta'. Danggi' tatangmangngingaran susi tomamma' ke bongii.

Matius 25:13

Natampakkimi Puang Isa joo pangpasusian susi tee, “Iamo joo, majaga kamu', nasaba' te'da mikalannaii to karatuan-Ku'.”

Pengkitanna Yahya 16:15

Ingaranni kadan-Na Puang Isa, “Pesa'dingngii. La ratuna' susi taboko ke bongi. Masannang to topasa'ding bang anna pasadia pakeanna, nate'da namangkale-kale lumingka, nadanggi' namasiri' jio olona tobuda.”

1 Korintus 16:13

La majaga kamu', mituru' tarruhhi to pangngajaran tongan. Barani kamu' mipamawatang tooi to kamatapparanmi.

Matius 24:36

Nakuapa Puang Isa, “Te'da tau nnissenni to wattu karatuan-Ku', moi malaeka' jao suruga, moi tee Aku', Anak, Ambe' manda ia to nnissenni.

Roma 13:11

La mipugauk susi joo, nasaba' miissen wattu apara tee too. Miissen kumua wattunnamo kamu' la mi'cik, nasaba' la'bih mandoppi'mi to wattu nanii Puang Allataala la mpasalama'ki', na ia tontamane' matappa'.

Matius 24:44

Iamo joo, la da'tan bang kamu' majaga, nasaba' ia to karatuan-Ku' tee Aku', Anak Mentolino, te'da mikalannaii.”

1 Petrus 5:8

La sadia kamu', ammimajaga! Nasaba' ia to ewalimmi Ballisi' susi bang singa lumingka male lako male jio mai, namangngaung-ngaung nnangahhi to la nakandena.

1 Petrus 4:7

La ndete'mi tampakkana tee lino na sininna apa. Iamo joo la mita'tan to kalemi, na majaga too kamu' ammitatta' massambajang susi to sipato'na.

Matius 24:43

Ingaranni! Ia kenna issenni ampu bola wattunna joo nanii ratu to taboko ke bongii, la te'da namamma' nnampai bolana, danggi' namentama.

Matius 25:10

Malemi joo lima ana'dara bango' nnalli minynyak. Ia tonna malemo, ratumi to tobotting muane. Ia joo lima ana'dara macca mentamami pangmaroasan sola tobotting muane, nadisalli' to bola.

Lukas 21:34

Mangkai joo too nakuamo Puang Isa, “Majaga kamu'! Danggi' nakatuoan linomi mandamo minawa-nawa, mangmaroah-roah, iarika mangngiso'-iso' samalangommi, anna te'damo misadia, ke nadete'mi to allo karatuan-Ku' to tangdikalannai,