Matius 23:9 - Alkitab Duri

⁹ Danggi' naden mesa' tau lan lino mitambai ‘Ambe'’, nasaba' mesa'ra Ambe'mi, iamo to Ambe' jao suruga.

Matius 23:9 Referans Kwoze

1 Yahya 3:1

Liwa' pangpakamoja'-Na to Ambe', Puang Allataala, na napuanakmiki'. Nang tongan kumua anakkanaki' Puang Allataala. Te'da naissenni tolino to tangnturu' Puang, kumua anakkanaki' Puang Allataala, nasaba' te'da too naissenni to Puang Allataala.

Ibrani 12:9

Takasiri' to ambe'ta' lan lino to mpabalahhiki'. Ia pole' oraka ke Ambe'ta' jao suruga antatanglanturu'i, tawa'ding ntarima katuoan melo te'da cappa'na.

Matius 7:11

Jaji, moi mitogaja', la miissen mbenni to melona lako anakkami, apa pole'raka to Ambe'mi Puang Allataala jao suruga la mben kamu' to miparalluinna, ke meta'da kamu'.

1 Korintus 4:15

Nasaba' moi na buda gajamo gurummi nnajahhi kamu' karebanna Almaseh, apa aku'mo mikita ambe'. Sanga aku'mo mpangpeissenan Kareba Kasalamatan lako kamu' ammimemmatappa' lako Puang Isa Almaseh.

2 Korintus 6:18

La mupuambe'na', na iko la kupuanak. Susimi tee kadan-Na Puang to makuasa.”

Jamanna Rasulu' 22:1

“Tomala'bihku' sola ngasan! Tabe' tapesa'dingngii kupaui to sitonganna anna kita'mora ntimbangngi to melona na gaja'na.”

Matius 6:32

Ia ngasan to susi joo naangah bang tolino to tangnturu' Puang Allataala. Apa naissen ia Ambe'mi jao suruga kumua miparallui ngasan joo.

Matius 23:10

Na danggi' mimadoang disanga ‘Puanggawa’, nasaba' mesa'ra to puanggawami, iamo to Almaseh.