Matius 23:7 - Alkitab Duri

⁷ Namadoang bang ditaratte' jio pasa', namadoang too ditambai ‘Guru’.

Matius 23:7 Referans Kwoze

Yahya 1:38

Apa messailei Puang Isa, nakitai kumua napeundii, nakuamo ngkutanai, “Apara miangah?” Nakuamo mebali, “Rabi (battuananna Guru), umbora tanii torro?”

Yahya 1:49

Nakua pole' omo Natanael, “Oo Guru, Anak Allataalaki'. Kita'mo rajana to-Israel.”

Yahya 20:16

Mangkadai Puang Isa nakua, “Oo Maryam!” Messaile Maryam lako Puang Isa, namangkada lan basa Ibrani nakua, “Rabuni” (battuananna guru).

Yahya 6:25

Ia tonna ampa'mi tobuda to Puang Isa jio sambali'na tasik, mekutanami lako nakua, “Oo Guru, piranra taratu inde'?”

Yahya 3:26

Malemi lako Nabi Yahya to anak gurunna ngkuanni, “Ee Guru, ia to tau tasolan jio sambali'na Sa'dan Yordan, to tapakitankan, njio' todami Ia tau tee too, namale lako ngasanmi to tau.”

Yahya 3:2

Ratu bongii lako Puang Isa nakua ngkuanni, “Ee Guru! Kiissen kumua nasuaki' Puang Allataala ratu menjaji guru, nasaba' moi mesa' tau te'da ngkullei mpugauk tanda mejangngaran susi to tapugauk, ke te'da na Puang Allataala mpakuasai.”

Markus 10:51

Nakutanaimi Puang Isa nakua, “Apara to mukadoangngi la kupugauk lako kalemu?” Mebalimi nakua, “Oo Guru, madoangna' pakita.”

Markus 9:5

Nakuamo Petrus, “Oo Guru, masannangki' ntee. Melo ke ngkabua'kan tallu bola-bola, mesa' tanii, mesa' nanii Nabi Musa na mesa' nanii Nabi Elia.”

Matius 23:8

Danggi' mimadoang disanga ‘Guru’, nasaba' tosile'to ngasan kamu' na mesa'ra Gurummi.

Matius 11:16

Apara la kupasusianni to tau too allo? Susi to pea sicadokkoan jio pasa' metamba-tamba lako solana,

Matius 26:25

Mebalimi Yudas to la mpangpejokkoan Puang Isa nakua, “Oo Guru, aku'ra tuu tasanga.” Mebalimi Puang Isa nakua, “Susimi tuu kadammu.”

Matius 26:49

Ta'pa malemi Yudas lako Puang Isa namangkada nakua, “Oo Guru!”, anna udungngi.

Markus 11:21

Naingaranmi Petrus to apa mangka jaji. Nakuamo lako Puang Isa, “Oo Guru, takitari! Ia joo garonto' kaju ara tatampakki ropu, matemi.”

Markus 12:38

Nakuanmi Puang Isa, “Majaga kamu' lako guru agama! Nakabudai bang male lumingka mangbaju lando tandana kumua todikasiri', namadoang bang ditaratte' jio pasa'.

Markus 14:45

Ratumi lako ntuu joo ngenan, ta'pa malemi Yudas lako Puang Isa namangkada nakua, “Oo Guru!” anna udungngi.

Lukas 11:43

Ee to-Farisi, tomacilaka kamu'! Gaja mikabudai cumadokko jio olo lan bola passambajangan, na madoang bang ditaratte' jio pasa'.

Yahya 4:31

Ia joo wattu natambaimi anak gurun-Na to Puang Isa nakua, “Ee Guru, takumandemo!”

Yahya 9:2

Mekutanami to anak gurun-Na nakua, “Oo Guru, ciapari nabuta tee tau dijajian, iaraka madosa ba'tu tomatuannaraka mpugauk dosa?”

Yahya 11:8

Mebalii to anak gurun-Na nakua, “Oo Guru, mane' mangkanna to to-Yahudi la llekko'ki'. Antalapole unapa kita' lako?”