Matius 22:16 - Alkitab Duri

¹⁶ Nasuami to ba'tu pira-pira anak gurunna sola ba'tu pira-pira taunna Raja Herodes male lako Puang Isa. Nakua lako Puang Isa, “Oo Guru, kiissen kumua maruruhki' mpangpangngajaran pakkaeloran-Na Puang Allataala lako tobuda, nasaba' te'da tau tapasilaenan.

Matius 22:16 Referans Kwoze

Markus 3:6

Apa ia joo to-Farisi messunmi lan mai bola passambajangan, namale sipangkada-kada ba'tu pira-pira to tonturu' Raja Herodes la mbunoi to Puang Isa.

Lukas 20:21

Mekutanami joo tau lako nakua, “Oo Guru, kiissen kumua tongan ngasan sininna kadan-Ta' sola pangngajah-Ta'. Te'da tapasilaenan tau, na maruruhki' mpangpangngajaran pakkaeloran-Na Puang Allataala.

Markus 12:14

Ratumi ngkutanai nakua, “Oo Guru, kiissen kumua maruruhki' mpangpangngajaran pakkaeloran-Na Puang Allataala lako tobuda, nasaba' te'da tau tapasilaenan. Iamo joo la mekutanakan, ‘Ianna situru' atoran agamanta', wa'dingriki'ka mbajah sima lako Tomaraja Roma, ba'tu te'daraka?’ ”

Markus 8:15

Napupangngingaranmi Puang Isa nakua, “Majaga kamu' lako raginna to-Farisi sola Raja Herodes.”

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

Yahya 18:37

Mekutana omi Gubernur Pilatus lako Puang Isa nakua, “Ia ke susii joo, Rajarokoka?” Mebalii Puang Isa nakua, “Susi tuu tapaunna kumua Rajana'. Dijajianna' kumentama lino mesa'ra akkatta-Ku', iamo to la mpamanassa katonganan. Ia to topole jio mai katonganan, napesa'dingngina'.”

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Yahya 7:18

Na ia to tompangpangngajaran ia kamaccanna, iamo to nnangaranra kadipujian kalena. Apa ia to tonnangaran kadipujian to tossuai, iamo to maruruh penawa, to te'da namangnguraga.

Yakub 3:17

Apa ia to tonnampa' kamaccan pole jao mai, melo te'da caccana, sitarruhna sikabudan tau, mabassa, mangpasipatu, mangkamase, na tuli mpugauk kameloan, te'da narempe' sangbali na te'da too namajekkong.

1 Tesalonika 2:4

Te'da lalo ia! Tangngia kipau to la napusannang tolino, apa iara kipau to napusannang-Na Puang Allataala to nnissen penawangki'. Nasaba' nasangamokan Puang Allataala sipato' mpangpeissenanni joo Kareba Kasalamatan.

Galatia 2:6

Na ia tuu lako pekaamberan jamaa, tokaissenan, moi umbo susi mapangka'na, te'dara silaenanna tee aku', sanga ia to Puang Allataala te'da tau napasilaenan. Moi matumba ia tee mai tokaissenan, te'da nasuana' rrangngannii pangngajaran laen.

Galatia 1:10

Na umbo nakua, pangkabudaian tolinoraka to kuangah? Te'da, apa pangkabudaian-Na Puang Allataala. Ba'tu nnangahra'ka lalan dikua nakabudaina' tolino? Ia ke nnangah unapa' lalan dikua nakabudaina' tolino, manassa tangngiana' taun-Na Almaseh.

2 Korintus 5:16

Iamo joo na te'damo na pangngampa' tolinoki' kipake mpattantui kumua, meloraka ba'tu gaja'raka to tau. Moi denmo kipattantui meloraka ba'tu gaja'raka to Almaseh mpake pangngampa' tolinoki', apa te'damo kisusi joo tee too.

2 Korintus 4:2

Te'da kipugaukki to sininna panggaukan membuni to mesirisan, tangngia tookan pangnguraga iarika tompau sala kadan-Na Puang Allataala. Apa Puang Allataala ngkitakan kumua tangmembunikan kipangpeissenanni to pangngajaran tongan. Kieloranni to sininna tau ntimbangkan lan penawanna.

2 Korintus 2:17

Te'da kisusi to napugauk buda tau, kumua ia to kadan-Na Puang Allataala napasusi bangri ewanan didangkangan. Apa maruruh to akkattaki'. Puang Allataala Ia ssuakan mpangpeissenanni joo karebanna Almaseh na Iamo ngkitakan kumua kipangpeissenanni susi to sipato'na taun-Na Almaseh.

Lukas 7:40

Nakuamo Puang Isa lako Simon to-Farisi, “Ee, Simon! Den la kupauanko.” Napebalimi nakua, “Ie', tapauanmo' Guru.”

Markus 10:17

Ia tonna patarruhmo kalingkan-Na Puang Isa, den mesa' tau ratu kinjara' mpendete'i, anna mengguntu' jio olo-Na, namekutana nakua, “Oo Guru, tomelo penawan-Ta'. Pauanna' apara to sipato' la kupugauk, angkuampa'i to katuoan melo te'da cappa'na?”

Matius 26:49

Ta'pa malemi Yudas lako Puang Isa namangkada nakua, “Oo Guru!”, anna udungngi.

Matius 26:18

Nakuamo Puang Isa, “Malemo kamu' lako kota, mikuanni to tau jio, kumua: Nakua Guru, ‘Nadete'mi wattung-Ku', la mang-Paskahna' jio bolamu sola anak gurung-Ku'.’ ”

Matius 22:26

Apa ia joo adinna mate todami, na te'da toopa anakkana. Susi toomi jaji lako adi mangpenduanna ratu lako adi tampakkana, den ngasanmo nasibali joo baine, namate ngasan toomi, apa te'da bangngi to sijajian bati'.

Matius 22:24

Nakuamo, “Oo Guru, mangka napangpangngajaran Nabi Musa susi tee: Ia ke matei to muane, na te'dapa anakkana joo bainena, la nasulle allonanni adinna, dikua napajajianni bati'.

Kada Bulawan 29:5

Ia to tompuji-puji padanna rupa tau, padai to ntananan poja kalena.

Markus 12:13

Den ba'tu pira-pira to-Farisi sola taunna Raja Herodes nasua pekaamberan to-Yahudi male mekutana la silecco kada Puang Isa ke wa'dingngi naden lalan nanii mpasalai.