Matius 22:10 - Alkitab Duri

¹⁰ Malemi tuu lako kaunan. Narempun ngasanni to tau nasitammuan lako lalan, nasolanni lako joo tomangpabotting, la tomelo, la togaja'. Ponnomi bola to toratu mangpabotting.

Matius 22:10 Referans Kwoze

Pengkitanna Yahya 7:9

Mangkai joo too ngkita omo' tau liwa' buda, tangdipura dibilang. Ia tuu lako tau pole jio mai simesa'-mesa' rapu tau, tondok, basa na bangsa. Mangpakean malando mabusa ngasan na ntoe palapa palem, mennolo lako Anak Bembala' sola cadokkoan mala'bih lan tangnga.

1 Yahya 2:19

Ia to tonnewa Almaseh solata' jolona, apa sitonganna tangngia solata'. Ia ke solata'i, tantu torro unapi ssolanki'. Apa messarakki jio mai kita', anna manassa kumua moi mesa' jio mai tuu lako tau tangngia solata'.

2 Korintus 12:21

Magiangna' kumua, ia ke iti'mo', la napamajiong pole'na' Puang Allataala lan tangnga-tangngami. Magiangna' kumua la kumillakna', nasaba' buda tau lan tangnga-tangngami to tomadosamo jolona na te'da bang unapa namenassan, apa da'tanpa manggauk sala, mpugaukki to panggaukan tangmelona, ba'tu totangsipato' dipugauk.

Matius 25:10

Malemi joo lima ana'dara bango' nnalli minynyak. Ia tonna malemo, ratumi to tobotting muane. Ia joo lima ana'dara macca mentamami pangmaroasan sola tobotting muane, nadisalli' to bola.

Pengkitanna Yahya 5:9

Makkelongngi mpukelong kelong baru: “Sipato'ki' nnalai tapiak tooi to segelna tuu sura' tilulun, sanga mangkamiki' digere' anna ia to rara kamatean-Ta' tapake nnallian tau Puang Allataala jio mai sininna rapu tau, tondok, basa na bangsa.

Matius 13:38

Ia to uma dipangpasusii lino. Banne melo dipangpasusii tomenjajimo umma'-Na Puang Allataala. Na ia to pare-pare dipangpasusii tonturu' Ballisi'.

Matius 9:15

Napebalii Puang Isa mpake pangpasusian nakua, “Ianna botting to tau, misangaraka kumua la puasai to toratu! Ianna solapa tobotting muane, tantu te'da! Apa la den wattunna naladiala jio mai tangnga-tangngana joo tobotting muane, iamo tee Aku', mane'ri puasa to toratu, iamo tee anak gurung-Ku'.”

Matius 22:9

Iamo joo male kamu' mitambai ngasanni to sininna tau misitammuan lako lalan ratu ntee pangmaroasanku'.’