Matius 21:41 - Alkitab Duri

⁴¹ Mebalimi tuu lako tau nakua, “La ratui mbuno ngasanni, namane' mpangpenduluanni joo bara'bahna lako tolaen, to wa'ding la mpangbenni lako ampu bara'bah to tawana unamo ia, ke wattunnami.”

Matius 21:41 Referans Kwoze

Jamanna Rasulu' 18:6

Apa tuli naewali tau, nacapa' tooi. Iamo joo naperrimbakanni to pakeanna mpangngingaranni to kasalanna tuu lako tau. Nakua mangkada, “Ia ammiden masolang undinna, tangngiamo salaku'! Lesso' suru'mo' aku'! Mammula tee too la male lakomo' bangsa tangngia to-Yahudi.”

Matius 21:43

Nakuamo Puang Isa lako tuu lako kapala imang sola pekaamberan to-Yahudi, “La miingaran! Te'da milampumanahhi to manahna umma'-Na Puang Allataala. La dialai kamu' nadiben lako bangsa to madoang nturu' parenta-Na Puang Allataala. [

Jamanna Rasulu' 28:28

Katampakanna nakua Paulus, “Ee, kamu' to dipusile'to! Parallu miissen kumua ia to Kareba Kasalamatan jio mai Puang Allataala dipangpeissenan toomo lako bangsa tangngia to-Yahudi, na la natarimai ia!” [

Ibrani 12:25

Danggi' mitangmpesa'dingngii joo tomangkada jao mai suruga, sanga ia to to-Israel tonna anu' to cia' mpesa'dingngii to kada pole jao mai Buntu Sinai, te'da nakullei la'pah jio mai pangsessa-Na Puang Allataala. Apa pole'raka tee kita' to ssa'dingngi joo tomangkada jao mai suruga ke cia'ki' mpesa'dingngii.

Ibrani 2:3

Apa pole'pi kita', ia ke te'da taingaran meloi joo Kareba Kasalamatan, tantu te'da talala'pah jio mai pangsessa. Sanga la'bih melo joo Kareba Kasalamatan na ia joo atoran naparatu malaeka' tonna anu'. Puang Isa Ia to bungah mpangpeissenanni, na mangkamiki' napauan tuu lako tobungah ssa'dingngi, antaissenni kumua tongan.

1 Tesalonika 2:16

Kannori naanggaikan mpangpeissenan karebanna Puang Isa lako bangsa tangngia to-Yahudi anna wa'ding dipasalama'. Susimi joo sakerangngan-rangnganna to dosana takkaliwa'mo budanna. Na katampakanna la nasessai Puang Allataala.

Jamanna Rasulu' 28:8

Ia joo wattu masaki to ambe'na, lumalla'i, natittai rara too. Mentamai Paulus tama kamara'na, napassambajanganni, na kaka'i, namalagah.

Jamanna Rasulu' 15:7

Gaja sainni ssite'gehhi bangngi joo passalan, namane' ke'deh Petrus nakua, “Ee todipusile'to! Na miissen kumua Puang Allataala mpileina' tonna tee lan mai tangnga-tangngami la mpangpeissenan Kareba Kasalamatan lako bangsa tangngia to-Yahudi, dikua anna sa'dingngi nakatappa'i.

Matius 3:12

Ia joo tau wa'ding dipangpasusii mesa' tau to sitoe ta'pian la nta'pii pangtambakkana. Ia to resa' malapuh narempun melo lan pa'pak, apa ia to malangkona la nasumpun lan api to dukku tarruh.”

Daniel 9:26

Ia tonna cappa'namo joo wattu la dipateii joo mesa' tau mangka Napilei Puang Allataala mangparenta, moi na te'da lalo salana. Ratumi mesa' raja to gaja lapuh sola surudadunna la ssolangan kota Yerusalem sola Bola Puang Allataala, apa la matei nasaba' wai saba', na ratu lako ke la kama'mi lino la den kasirarian sola kaancurusan susi to mangka Napattantu Puang Allataala.

Matius 21:34

Ia tonna wattu peanggorosanmo, nasuami to kaunanna male la nnalanni to tawana.

Matius 21:40

Mekutanami Puang Isa lako tuu lako kapala imang sola pekaamberan to-Yahudi nakua, “Ia ke ratumi joo ampu bara'bah, apara la nagaukanni tuu lako tomendulu?”

Lukas 20:16

La ratui mbuno ngasanni joo tomendulu, namane' mpangpenduluanni joo bara'bahna lako tolaen.” Ia tonna sa'dingmi tuu lako tau joo pangpasusian, nakuamo, “Napamambela-belai Puang Allataala joo jio mai kaleki'.”