Matius 20:21 - Alkitab Duri

²¹ Nakutanaimi Puang Isa nakua, “Ee indo', denraka parallunta'?” Mebalimi nakua, “Ie', ia ke mangparentamiki' susi Raja keanu', ia tee anakkaku' sola dua ke wa'dingngi tamangparenta sola, mesa' jio sa'de kanan-Ta' na mesa' jio sa'de kairin-Ta'.”

Matius 20:21 Referans Kwoze

Matius 19:28

Nakuamo Puang Isa lako anak gurun-Na, “La miingaran tee kadang-Ku' kumua, lan Lino Barun-Na Puang Allataala, ia tee Aku', Anak Mentolino, la cumadokkona' jao cadokkoan kaminang mala'bih! Iamo joo wattu milacumadokko toda jao sangpulo dua cadokkoan mala'bih la mparenta sangpulo dua pangrapuanna to-Israel.

Ester 5:3

Namane' mekutana raja nakua, “Ee Datu Ester, apara mukadoangngi? Moi mupeta'da sitangngana to karajaanku', la kuben tooko.”

Matius 18:1

Te'da namasai ratumi to anak gurun-Na Puang Isa mekutana nakua, “Indannara to kaminang mala'bih jio mai umma'-Na Puang Allataala?”

Jamanna Rasulu' 1:6

Ia tonna sola unapa nakutanaii rasulu', nakua, “Oo Puang, iamoraka tee wattu tanii menjaji raja nnendekan pole'i to kaparentanna Israel?”

Markus 6:22

Ia joo wattu menari'mi to anakkana baine Herodias, na gaja napumasannang Raja Herodes sola toratunna. Nakuanmi Raja Herodes joo ana'dara, “Ee, apara mukadoangngi, peta'dai angkubenko.”

Matius 20:32

Kendenmi Puang Isa natambaii. Nakutanaimi nakua, “Apara to mikadoangngi la kupugauk lako kalemi?”

Kolose 3:1

Angahhi to apa jao suruga to nanii Almaseh cumadokko mangparenta jio sa'de kanan-Na Puang Allataala, nasaba' wa'ding dipau kumua dipatuo pole'mo kamu' jio mai kamatean sola Almaseh.

Roma 12:10

Sipakamoja' kamu' susi to tosile'to, misitaratte' too.

Yahya 15:7

Ia ke da'tan kamu' memmesa' sola Aku', miingaran tooi to pangngajaran-Ku', moi apa mipeta'da lako Ambe', la naben kamu'.

Lukas 22:24

Sipekkami to anak gurun-Na Puang Isa indannara to la dikita la'bih majao.

Lukas 19:11

Ia joo wattu mandoppi'mi Puang Isa de' kota Yerusalem, anna sangai tobuda kumua cingga'tu'mora naratu Puang Allataala mangparenta susi Raja. Iamo joo mpatarruhmi curitan-Na mpake pangpasusian lako tau ntuu jio to mpesa'dingngii.

Lukas 18:41

“Apara to mukadoangngi la kupugauk lako kalemu?” Mebalimi nakua, “Oo Puang, madoangna' pakita!”

Markus 10:51

Nakutanaimi Puang Isa nakua, “Apara to mukadoangngi la kupugauk lako kalemu?” Mebalimi nakua, “Oo Guru, madoangna' pakita.”

Roma 8:34

Te'da ia tau ngkullei ncallaki', sanga Puang Isa Almaseh la mpangkadananki'. Iamo to mangka mate, natuo pole' na cumadokkomo sola Puang Allataala.

Markus 16:19

Ia tonna mangkamo Puang Isa sipangkada sola anak gurun-Na, tiangka'mi de' suruga, na cumadokko jio sa'de kanan-Na Puang Allataala.

Matius 20:22

Nakuamo Puang Isa, “Te'da miissenni to apa mipeta'da. La misararaka mpuparri'i to kamaparrisan-Ku'?” Mebalimi nakua, “Ie', kisara Puang.”