Matius 2:23 - Alkitab Duri

²³ Ia tonna ratumo re', torro jiomi mesa' kota disanga Nazaret. Susimi joo najaji to kadan-Na Puang Allataala mangka napau ba'tu pira-pira nabinna tonna anu' kumua, “La disanga to-Nazaret to Raja Mangpasalama'.”

Matius 2:23 Referans Kwoze

Markus 1:24

“Oo, Puang Isa, to-Nazaret, la mupatumbamorakan? Raturokoka la ssabu'ikan? Kuissen kumua indaroko. Ikomo pesua mattantun-Na Puang Allataala!”

Matius 26:71

Malemi Petrus lako babangan. Den omi mesa' kaunan baine laen ngkita Petrus, nakuanni to tau ntuu jio nakua, “Ia toda tee tau sibawanna nena' joo Puang Isa to-Nazaret.”

Matius 1:22

Susimi joo najaji to kadan-Na Puang Allataala mangka napau nabi tonna anu' kumua,

Jamanna Rasulu' 24:5

Kikanassaimo tee tau mbawa abala' la'da'! Iamo puanggawana tonturu' pangngajaran-Na Puang Isa, to-Nazaret. Umbo-umbo nanii tuli mpaden kamaricuan lan tangnga-tangngana to-Yahudi lan lili'na lino.

Jamanna Rasulu' 2:22

Mpatarruhmi kadanna Petrus nakua, “Ee, tokupusile'to to-Israel! Pesa'dingngii tee kadangku'. Ia joo Puang Isa to-Nazaret mangkamo napilei naangka'i Puang Allataala menjaji Raja Mangpasalama' lako kalemi. Manassa joo, nasaba' nabenmo kuasa mpugauk tanda mejangngaran na tanda to te'da susinna lan tangnga-tangngami susi to miissenmo kamu'.

Yahya 19:19

Mangkami massua Gubernur Pilatus nadipale'ke' tee pangnguki' jao kaju sitamben-Na Puang Isa: “Isa to-Nazaret, Raja to-Yahudi.”

Yahya 18:7

Nakutanai pole'i Puang Isa nakua, “Indara miangah?” Mebalii nakua, “Puang Isa to-Nazaret.”

Yahya 18:5

Mebalimi tuu lako tau nakua, “Puang Isa to-Nazaret.” Nakua Puang Isa, “Aku'mo tee.” Ia to Yudas to mpangpejokkoanni ke'dehhi jio sola tuu lako tau.

Lukas 2:39

Ia tonna mangkamo Yusuf sola Maryam mpugauk ngasanni to atoran-Na Puang Allataala, polemi sola tallu re' kota Nazaret jio tana Galilea.

Lukas 1:26

Ia tonna annanmo bulanna keba'tang Elisabet, nasuami Puang Allataala to malaeka' Jibrail male lako kota Nazaret, mesa' kota jio tana Galilea,

Matius 21:11

Mebalimi tee mai tau undi nturu'i nakua, “Nabi Isa jio mai kota Nazaret jio tana Galilea.”

Markus 1:9

Ia joo wattu, ratumi Puang Isa jio mai kota Nazaret jio tana Galilea. Najio'i Nabi Yahya jiong Sa'dan Yordan.

Lukas 18:37

Napauanmi tau kumua, “Liu lalanni Puang Isa to-Nazaret.”