Matius 2:1 - Alkitab Duri

¹ Ia tonna jajimo Puang Isa jio kota Betlehem, ratumi jao kota Yerusalem to ba'tu pira-pira tomacca ngkita bintuin jio mai kadellekan. Ia to kota Betlehem mesa' kota jio tana Yudea, to naparenta Raja Herodes.

Matius 2:1 Referans Kwoze

Yahya 7:42

Nasaba' diuki' lan Sura' Allataala kumua, Ia to Raja Mangpasalama' bati'na Raja Daud, na todijajian jio kota Betlehem, to kotana too Raja Daud.”

Lukas 2:11

Ia tee allo jajimi to Tomangpasalama'mi jio kotana Raja Daud. Iamo Almaseh, Puang.

Matius 2:5

Pada nakuamo mebali, “Jio kota Betlehem, jio tana Yudea, nasaba' susimo joo to mangka nauki' nabi tonna anu',

Matius 1:25

Apa te'dapa namamma' sola ratu lako kakeanakanna. Na ia tonna jajimo joo pea, nasangaimi Yusuf, Isa.

Lukas 2:15

Ia tonna polemo tuu lako malaeka' de' suruga, sipangkada-kadami tuu lako tomangrewa nakua, “Tamale lako kota Betlehem ngkitai joo apa jaji, to napauanki' Puang Allataala.”

Lukas 1:5

Ia tonna Raja Herodes mangparenta jio tana Yudea, den imang jio disanga Zakharia, rapunna imang Abia. Ia to bainena disanga Elisabet, bati' imang toda ia.

Matius 2:19

Ia tonna matemo Raja Herodes, nakita pole' omi Yusuf jio tana Mesir to malaeka'-Na Puang Allataala lan tindona, ngkuanni kumua,

Matius 2:3

Gaja sabakanmi to Raja Herodes sola tobuda jio kota Yerusalem tonna sa'dingngi to apa napau tee topakita bintuin.

Matius 2:7

Ia tonna issenmi Raja Herodes umbo nanii la jaji Raja Mangpasalama', napangpetambaian bunimi tee topakita bintuin, nakutanaii la ngkanassai kumua, “Umbora wattu mikitai joo bintuin?”

Matius 2:16

Mabirihmi to Raja Herodes tonna issenmi kumua nauragai tee topakita bintuin, nasaba' lalan leko'mi naola. Napangparentanmi kumua la dibuno ngasan to pea muane to te'dapa natallung taun umuru'na jio kota Betlehem na mengguririkkina. Nasaba' sipatumo to wattu napauanni topakita bintuin.